الطب .. الهندسة.. الصيدلة((طموح90%من طلاب التحضيري))

[Confused]

موضوعك حلووو د.عبادي ..
و بالنسبة لهذا الموضوع الناس فيه تنقسم لقسمين ..
قليل من الناس يدخلوا عن طموح و احلام .. يعني ناس من زمااان كانت تحلم
بالطب و يحبوا يساعدوا الناس ..
اما الغالبية فدخلوا تأمييين للمستقبل .. لانه زي ما انت شايف اخوي
نص خلق الله بعد التخرج ماسكيين شهاداتهم يبكوا عليها ..
بس تعال على مهندسين .. اول ما يتخرجوا ارامكو بتاخدهم ..
اطباء .. المستشفيات محتاجتهم ..
صيدليين .. كل الدنيا تبغاهم سواء كان مستشفى لطلاب و طالبات الصيدلة
الاكلينيكية او مصانع الادوية ..
يعني هادي وظايف مضمونة و الراتب فيها مرررة حلوو ..
كل الناس تقول ادخلوا على حسب رغباتكم ولا تدخلوا بس علشان الراتب ..
بس الصراحة هل احد منهم شاف غلا الدنيا و بعدين قال دا الكلام ؟؟
المساكين الي دخلوا لرغباتهم دحين بلا وظايف ..
انا بنت عمتي دحلت احياء لانها تحب المختبرات .. لها سنتين متخرجة و بلا وظيفة ..
يعني الواحد لو ما دخل وظيفة مرموقة يصير يشحت وظيفة ..
يا ليت لو الواحد يقدر يدخل الي يحبه بدون ما يقلق على مستقبله ..
خصوصا الاولاد المساكين .. يعني لو ما دخل تخصص يجبله فلوس
خلاص ما عاد يقدر يتزوج ولا يأمن لعياله افضل عيشة ..
و الله من حقهم الناس يندفعوا على الطب و الهندسة ..
لو الحكومة وفرت وظايف ما كان هذا حالنا ..
و بعدين شي تاني كلام الناس الي محد سلم منه ..
كثير منكم رح يقولوا ما همني و انا ادخل على كيفي ..
لكنه يهم .. مثلا وحده دخلت مدرسة فني .. وهي تحب الفني ..
يجوا الناس يقولوا شوفوا بالله دخلت فني و ضيعت مستقبلها و مدرسة و مدري ايه
مع انها مدرسة و مافيها شي .. غير كده مارح تتوظف بمدرسة حكومية
وراتبها يادوووب يكفيها و حالتها حااااالة ..

الزبدة بعد المحاضرة دي انه مجتمعنا هو الي اجبر شبابنا على اختيار
الوظائف دي .. سواء كان من ناحية قلة الوظايف او من كلام الناس ..

ThaaanK YoU دكتوور عبادي و اتقبل (( فلسفتي ))

See Ya
Confsed

[الخيال@]

اكثر الطلاب مو عارفين ميولهم الحقيقه وكمان اندفعو على التخصصات المضمونه .

[$$د.عباادي$$]

شكرا على تفاعلكم ومروركم الرائع.....

والصراحة انا خايف لانه اكيد الطب حيقفل ادنى شي على 4.5

الله يعيني ويعينكم

[Enrique Iglesias]

المشاركة الأصلية كتبت بواسطة المتــــــيم السلام عليكم اشكرك اول شي اخوي د. عبادي عل طرح هالموضوع ويمكن تناقشنا فيه انا واخوي انيركي (ماجد) هو الموضوع مو موضوع ان الجامعة ترفع نسب ولا لا ترا الجامعة اكيد بتستقبل عدد كبير من طلاب الكليات الصحية عموما والهندسات بس الموضوع هو مد معرفة الطلاب بالمواد اللي راح يدرسها ومدى فهمه للمادة وبالتالي الاتيان بالعلامات اللي راح تخولهم الدخول للتخصص اللي يبونه وصراحة....... كل واحد يثبت جدارته هذا اكثر شي يمكن اقدر اقوله وشكرا...

يعني لازم تكتب اسمي الحقيقي

اوريك بعدين هين

[Miss_t2b_Angel]

أخوي بصراحهـ أنا من الراغبين في دخول إحدى المجالات المذكورة وهي ( الصيدلة ) ..

واعتقد موضوعك يحمل الكثير لكنْ من المنطقي ان جميع الطلاب والطالبات يتجهوا لمثل هذه التخصصات لان وظائفها

مضمونهـ الى حدٍ ما في المستقبل

من وجهة نظري كطالبهـ في السنة التحضيرية لن أغامر في تخصص أحببتهـ ولكن المجتمع والبلاد قد أعلنوا الإكتفآء

نحوهـ فنحن ببساطهـ نبحث عن ما يمجمع طموحنا وَ وماقد يحتاجهـ الوطن ..

مع ذلك أعتقد أن كثير سيختلف رأيهـ بعد انهاء دراسهـ السنهـ الأولى لأننا لم نعيش الواقع بع ــــد ..

شُكراً لك ع المووضوع وبالتوفيقْ للج ـــــميع .,,

[مَـزٍآج ..}..]

السلام عليكم وٍرٍحمه اللهـ وبرٍكآتـهـ ..

شـوٍف انا من رايي أنـه أغلب الي دآخليـن الجآمـ ع ـهـ ..

ما يعرفون فيها الا هذي التخصصآت الي ذكرتـهـآ انت ..

دايم الهندسـه والطب في مقدمه التخصصآت لكـن ان دخـل الجامعهـ ..

يتعرف على التخصصآت وراح يدخل التخصص الي يحـس انـه راح يبدع فيـهـ ..

لكن الأقوى من كلآمي الي فآت ..

انـّه التخصصآت الي ذكرتهـآ هيا الي لها وظائف مضموٍنـهـ ورواتب حلـوٍهـ ،،

وكثـير نشوف قصص طلاب تخرجوا في تخصصآت غير الهندسه والطب ما حصلوا لهم وظائف ؟؟

لكن بيني وبينكـ هو في الاول والاخير مجرد طموٍح والأنـسسآن طموٍحـه دايم فـوق

لكن هالتخصصآت ترىآ ما تجي بالسهولـهـ .. وما يحصلها الا الي يجتهد ويتعب ،،

والله يعيـننا !!

بالتوفـيق للجميع ،،،

[$$د.عباادي$$]

كلامكم منطقى جدا

بس ما تعتقدوا انه ضلم للي طموحه غير هذي التخصصات

الصراحه الواحد صار يقنن طموحه حسب احتياجات البلد

ولا وش رأيكم

[Confused]

هو الصراحة يا دكتور انه الطرفين مظلومين ..
انت لا تحسب انه دراسة شي انت ما تحبه و فقط لاجل المستقبل سهل ..
و انا اعطيك مثال ..
انا الحمد لله احب الطب و ان شاء الله ناويه عليه لكن انا احسن بالرسم
بمية مرة لكن تعال نشوف ايش مستقبل الرسم ؟؟
مدرسة فني ؟؟ علشان اتخرج و استنى كم سنة تعيين و بعد الانتظار يرموني
ببلدة مهي ع الخريطة .. ولا مشوار التدريس بالمدارس الاهليه
براتب اعلاه ألفين و خمسمية ..
طيب اعطيني وظيفة تانية للرسم .....
مافي .. بس لو انا دخلت بمجال الرسم رح ابرع فيه << تمدح نفسها
لكن ماله مستقبل ..
و المشكله هنا انه التخصصات محدودة خصوصا للبنات ..
مالهم غير كم تخصص ..
و شي ثاني انه زي ما قال اخووي cooooool انه هي هادي التخصصات
المشهورة .. و محد يعرف كثير عن الباقي ..
ان شاء الله السنة التحضيرية تفيدنا في التعرف على الجامعة و ما تكون زي الثانوية
دراسة فوق دراسة و بالاخير لا استفادة .

See Ya
Confused

[مَـزٍآج ..}..]

د. عبـآدي ..

الطالب قبـل يختار التخصص الي يبيـه ..

لازم يجي في باله اشيآء كثيـرهـ ..

منها الوظيفه .. المستقبل .. هل راح يبدع في هالمجآل ..

ومو معنآته انـه مو حآب الطب يدخل الطب عشان وظيفهـ ..

لآ كذا راح يفششششل .. وبعدين فيه تخصصآت ثانيـهـ حلوهـ انت مآ ذكرتهـآ ..

مثل الحاسسب .. وكثيـر تخصصآت انت وانا بآقي والله ما نعرفها ..

ونصيحه للكـل انهم يشدون حيلهم في الترم الأوٍل ..

لان الترم الاول هو الدرجه الأولى لسلم النجآج والوصول للطموح ..

يعني الاربعه الشهور هذي شد حيلك فيها اكثر من الـ 12 سنه الي درستها > زودتها ههههههه ..

لانه اذا فشلت في الترم الاول والله راح تتحطم كثيـرر .. والعكس صحيح ..

وبالتوفـيق للجميع ،،

> يآ زيني وانا اتفلسف ههههههههه

[م . عبدالله]

المهندس عبدالله وصل وبيعطيك رائيه

انا والله وبصراحة تركت الجامعة علشان هذا الشيء
لانوا الناس اشوفها هندسة وطب هندسة وطب
وهو ما عنده طموح بس سمع ان الطبيب يستلم هذاك الراتب قرر يدخ
وانا واحد اطمح بالهندسة لذلك تركت الجامعه علشان لا أفقد حلمي وتوجهت الى جامعة الملك فيصل
علما باني قبلت في فيصل طب أسنان وهندسة
وانا أخترت الهندسة >>> أحب الهندسة والحساب والرياضيات


لذلك اتمنى من أصحاب الطموح بالجامعه يبذلوا جهد أكثر من بقية الطلاب الي ودهم يدخلوا الطب علشان يتخرج ويستم راتب زين


تقبلوا خالص تحياتي
المهندس . عبدالله