فعلا جامعتنا تحتضر؟؟!! (مأساة محتجزة حتى عصر الخميس)!!

[إشرآقة روح..}]

الحمدلله على كل حال عشت معك كل هذا الموقف !

الله المستعان مييين يسمع؟؟

[إحساسي خجول]

جدا كلاااااااااااااااااااااااااااااام مؤثر وعلى الجرح والحمدالله على سلامتك أشوف كل شئ قدامي وحتى ماتمنى أشوفه بالحلم لكن شوفتو حقيقة ياااااااااااربي لطفك . ربي يسعدك اختي والحمدالله ع سلامتك للمرة المليون .

[&تــــ وتي فـــــروتـي&]

حقيقة الوضع كان ماساوي بكل المقاييس وخلل وتخبط في نظام الامن وخلل في التدريب على عمليات الطواريء مهما قلنا لن يتصور عقل ماذا حدث الا لو عاش الحدث بنفسه

انا توي واصلة البيت تخيلوا ارهاق وتعب نفسي مرت علينا لحضات عطش مانلاقي موية نشربها لحظات بررررد والله العظيم زميلاتي يرتجفوا من البرد مبللين منهكين عقليا ونفسيا

وكل واحد من المسؤولين يجي يقول كلام على كيفه تعالوا باصات نوديكم المكتبه عشان السيل جي وشويه لا ماينفه حنرجع البنات من المكتبة طيب تعالوا عند بوابة الخدمات ويرجعونا المبنى الثامن الي اصلا خرجونا منه بصريخهم عشان فيه ماس والتماس شويه قالوا اطلعوا الباصات توديكم بيوتكم خرجنا من بوابة الجامعه والله العظيم ماكاننا في جده الناس تمشي بالعكس النفق مليان نبغا نوصل الاندلس مول مافي امل احتار سواق الباص وهو متبرع يعني الشركه ماسالت فيهم فين يودينا رجعنا عند بوابة الجامعه جانا مسؤول قال روحوا مستشفى الجامعه رحنا المستشفى جانا مسؤول ثاني قال لا روحوا السكن الكل هناك بينزلوهم تخيلوا نوصل للسكن موظفه الامن تطلب بطايقنا تاخذها عشان يسمحوا لنا ندخل قلت بطاقتي ماتاخذيها لو لاقدر الله تبغوا تسوى اخلاء فين نلاقي بطايقنا قالت وحده جنبي لو لاقدر الله انا مت ايش يثبت هويتي الا البطاقه شويه قالوا انتظروا لاتدخلوا يمكن مالكم مكان تخيلوا باصات جايه ورانا لما شافوا الامم الي جايه قالوا خلاص محا ناخذ البطايق شوفوا التخبط كل واحد يسوي على كيفو ومسوي مدير نفسو
طبعا هذا الكلام كانت الساعه 4 عصرا لما وصلنا السكن
ولم اخرج من السكن الا الساعه 12 ونص ومارجعت بيتي رحت لبيت قريبتي انا وزميلتي الي كانت محتجزة في كلية الطب في السليمانية لان الطرق مقطوعة ونمنا عندها
هذا طبعا جزء من يوم ماساوي ومدمر نفسيا وعصبيا

[&تــــ وتي فـــــروتـي&]

نفسي اعرف ليش ماارسلت الجامعه للناس رسايل من الساعه 10 بعد ماصار الي صار راسلين الساعه 1 ونص بعد مالجامعه غرقت والي جاي من مكه ومن عسفان مناطق اخرى عشان اختباره
عالاقل كان من الساعه 10 او 10 ونص ردونا من البوايه مادخلونا وربي كان ماوصل الحال لما وصل عليه

[انجلينا]

لاحول ولاقوة الا بالله

[将来の]

لا حول ولا قوة الا بالله
ان شاء الله أختي بنت أسامة الطيب ترجعي لأهلك ولبيتك بالسلامة
الله يرحم حال الجامعة

[فجر مظلم]

الله يرحمنا برحمته بس
ايش نقول والله يوم الاربعاء كان صعب على اهالي جده

[broken heart]

أسلوبك جدآ رآقي بآرك الله فيك
الحمد لله ع سلآمتك

[عسل دافي]

يعطيك العافيه ياقلبي والحمد لله على سلامتك

[NAWAAF]

بارك الله فيك ولافظ فوك أختي


ولكن نأسف . .
عندما يأتي بالأمس القريب قائلً قال:( أن ماحدث كان في الأحياء العشوائية فقط)

ولكن . .
عندما أنجلا الظلام عن الكارثة في العام الماضي تم الاعتراف بالأخطاء وتم المسلسل المتعارف عليه

وهو :_

معاقبة المقصرين والمتخاذلين والمرتشين وذو الذمم الكبيرة و و و و

ويا للأسف فقد تم معاقبتهم بأشد أنواع العقوبة التي كان يتمناها كل إنسان . . . . . ؟؟

معاقبة أمين أمانة جدة معاقبة رادعة لكي يعتبر كل إنسان تسول لهُ نفسه بالإخلال بالأمانة وعدم القيام بواجبه وبعملة على أكمل وجه.

الا وهي : وزير !!!!!!!!

عجبي!! لما يحدث من مهازل هل أصبحنا في دول فقيرة ليس لها لا مقومات مادية ولا مالية لكي تبني لنا اقل ما يؤمن لنا حياة أمنه؟؟؟

أختي
ان ما حدث سيحدث ويتكرر بما انهُ : من أمن العقوبة . . . . .))!!

للأسف . .
لا يوجد تطبيق ولو للقليل من ما يتم تدريسه في جامعتنا ((الموقرة)) على أرض الواقع من مواد تختص بهذا الشأن .

كل ما أستطيع قولهً :

لقد أسمعت لوناديت حياً . . . . . . . . . ولكن لإحياةً لمن تنادي
ولو نارا نفخت بها أضاءت . . . . . . . . ولكن أنت تنفخ في رماد

دمتي بخير

والشكر لكِ لنقلك لما حدث ومن الأكيد ما خفي كان (( أعظم )) .




اللهم هون علينا مُصابنا وأرحمنا برحمتك يارب العالمين


هــمـسة:
الجامعة ليست من وضع البنية التحتية لمدينة جده ولا تتحمل أخطاء أمانة جدة
هذا ليس دفاع عن أخطاء الجامعة المتعلقة لما حدث لبعض الطلبة التي هي الأخرى تتحمل عدم التصرف السليم للأحداث التي وقعت على أخواننا الطلاب والطالبات في الجامعة.