إداره وإقتصاد واللا تقنيه طبيه ..محتاره ..

[M!sS chocolate]

آآآآآآآآآآآآآه يانــــــــــــــاس شويه وأقطع شعري
محتـــــــاره على قولة أمي تقولي ماانتي عارفه فين خاتم سليمان
كل ماأحد يجيب سيرة التخصصات مدري اش يسير فيني
واللهي حسيت بشعور الوحده لمن تنخطب وتكون محتاره توافق واللا لا
من جد الشعور بالحيره شعور مخيــــــــــف
من زمااااااااااان وأنا أقول طب طب مالي الا الطب بعدين شوفت اخويا مبهدل فيه
وشويه جلست افكر في الموضوع وبطلت منه وشلته من راسي ..
قولت تقنيه طبيه وحبيت القسم وخصوصا المختبرات بما إني أحب المعامل
لكن دوبي أسمع شيء جديد طريقة تحليلهم للامراض حاجات بالشم يعرفوا المرض
وعاد انتوا وذكائكم اعرفوا وش يشموا ولا حد يقولي كذب
أخويا طب وهو اللي قالي عن دا الشيء ..
المهم ودحين وخلاص قرب التخصص طلعت حكاية الإداره والإقتصاد
أمي تقولي لالالالالالالالا تدخليه أبدا ماتستفيدي منه شيء في حياتك
واخويا يقولي يابنت الناس تدرسي هنا تخلصيه في 3 سنين وتكملي برا
سنتين وانتي جايبه الماجستير تجي هنا تتوظفي براتب أقل شيء
14000 ولد خالة أمي خلصها في سنتين ونص بمعدل 4 على طول جاته بعثه
لكندا ودحين هو هناك يدرس .. وقاللي يعرف واحد معاه في الطب في 4 سنه
سحب وراح للإداره والإقتصاد وكان تفكيره زي ماقولت لكم فوق خلصها بسرعه
وكمل برا ويجيه أحلى راتب ..وعندي ولد خالتي ام التسحيبات يدرس برا كان في ماليزيا
ودحين راح لأستراليا ويدرس هندسه .ودحين يبغى ينقل لإداره وإقتصاد ..
وغير كدا أنا كرهي الحفظ جداا سيئه في الحفظ والاقسام الطبيه كلها حفظ ..
انا إستخرت عشرومية مرره بس ماأحس بحاجه ..
وصلنا لنهاية الموضوع <<بدري
انتوا اش رأيكم بالكلام اللي كتبته فوق .وأعتذر اذا كان في كلامي أي من الإسائه لأهل المختبرات .

[pharm.d .s]

انا طول عمري اقول لنفسي ياليت دخلت ادراة واقتصاد <<<< اموت في دا التخصص بصراحة
وكل سنة وانا في صيدلة اقول دي السنة راح احول واروح ادارة واقتصاد
بس الحمدالله ماسحبت لانو لما وصلت سنة خامس قابلت اروع دكتور في العالم د. وليد غزاوي
صراحة مبدع للغاية دا جمع بين شيئين مرا حلوين اخد بكالوريوس صيدلة وماستر بزنس
وهوا يدرسنا مادة بناخد فيهااا اشياء تخص ادراة الاعمال
لانو كتير من خرجين الصيدلة بيشتغلوا في شركات الادوية في السيلنغ والماركتنغ
انا احد خططي المستقبلية اكمل ماستر بزنسس ان شاء الله
<<< حبيت اقولك تجربتي
لانو اول ما تخرجت كانو كلهم يقولولي حرام متخرجة بامتياز وتدخلي ادارة واقتصاد على ايامي كان الامتياز شي مرا واو ودايركت على كلية طبية


البوينت ادعي ربنا انو يوفقك لتخصص يناسبك <<< انا كنت ادعي كدااا وزعلت لما دخلت صيدلة
واكتشفت مع الوقت انو الي يناسبي صيدلة ولو دخلت اي شيء تاني ما كنت راح اكون مبسوطة كدااا

[● ά7Ļά şùģάя ●]

إممممم
تخصصين بعيدة عن بعض بالمرة
مآعندي خلفية جيدة عن قسم المختبرآت بس إن شآء الله غيري يفيدك
الله يكتب لك الخير فين مآ كآن^^

[.,.نيــــــــــــــــــــران.,.]

سيبيك من المستقبل ومن الكلام اللي بعدين كله

انتي تحبين ايش؟

اذا تبغين طب ادخليه
ادارة واقتصاد ادخليه

انا داخلة ادارة اعمال لكن قلبي الى الآن متعلق في الطب أوالأحياء وودي الزمن يرجع ورا

لكن الحمد لله أولا وأخيرا

نصيحتي استخيري الله

انا استخير الله في كل شي ومااستخرت في شي الا وفقني الله في أمري والحمد لله >> الا دخول للجامعة مااستخرت صراحة كان عقلي مدري فين ^^


موفقة

[M!sS chocolate]

مشكوررررررررره لكل اللي ردوا ...
وإن جيت للحق يانيران أنا حبي للكيمياء عشان كدا نقيت مختبرات
لكن أنا اش اللي خلاني أتردد صعوبة القسم ...

فأبغى أسأل أهل العلوم الطبيه
هل ساعات الدراسه زي الطب يعني ماأرجع الا قريب المغرب لأني أشوف
اخويا يخلص محاضراته الساعه 5 مو معقوله دراسه من 8-5

وكيف دراسته صعوبة الدراسه يعني زي صعوبة الطب أجلس طول السنه أنا والكتاب في حرب
أحس من بعد التحضيري أبغى شيء سهل طبعا مو مرره أكيد كل قسم وفيه صعوبه لكن سؤالي
هل صعوبته زي الطب .. لأنو عندنا ناس طب وجالسين يعانوا الناس تخرج وتتمشى وهم في البيت
بين الكتب ..

وابغى أسألهم شيء ثاني لمن يجوا يحللوا بعض الحاجات مايحتاج أكتب الكلمه
بس كيف يستحملوا الريحه أنا هذا هو اللي موقفني

قريب شوفت في برنامج اللي يجي في ام بي سي فور حق الدكاتره اكيد الكل يعرفهم
يجلسوا ويتناقشوا في الامراض وينصحوا الناس كانت وحده من الحلقات يبين كيف الشخص
يعرف انه عنده إمساك فلمن جاب صور الحاجات ديك أخويا قاللي هذا الشيء انتي حتمسكيه
وتحلليه وأنا من ساعتها علامات تعجب فوق راسي ماني مستوعبه ولاقادره أتخيل الموقف ..

[M!sS chocolate]

خلاص قررت التقنيه الطبيه والرغبه اللي بعدها بحط إداره وإقتصاد
شاكره لكم آرائكم وردودكم .
بس ياليت أحد يجاوبني على الأسأله اللي سألتها فوووق.

[Amal.S.A]

طيب دام انو حكاية الحاجات هذيك تقرفك ..
ادخلي اشعة مافيها حاجات تقرف .. مو كل شي حفظ ..
يعني في مواد حفظ وفي مواد فهم .. وعموما الحفظ+ الفهم عينان في رأس
مافي روتين من سنة 2 تروحي المستشفى .. ويومنا الدراسي مو طويل ..
اقرأي عن الاشعة .. واقرأي عن المختبرات وبعدها حددي..
وعلى فكرة مررة مطلوبين حقين الأشعة ..
وقليلين البنات يعني الدفعة حقتنا دحين ماتتعدى ال 20 ..
ولين دحين دفعتين اتوقع اللي تخرجوا بس .. يعني القسم جديد ..
ولكل قسم صعوبته الخاصة .. واللي في راسه مذاكرة حيذاكر ..
>> مسوية دعاية للقسم ..
وعموما لاتنسي الاستخارة ..
والله يوفقك ويوفق الجميع ..

[M!sS chocolate]

يعني دوامكم من متى لمتى بالضبط ...

[Amal.S.A]

اممممممم يعني في أيام نخلص 2 وايام نخلص 3 .. مو اكثر من كذا ..
>> هذا في الترم الأول
الترم الثاني نخلص 12 وفيه أيام 1 وفيه أيام 3.. ورتبنا جدولنا وصار فيه يوم بس محاضرة وحدة..
بس شوفي هو أحلى مافي الأشعة بالنسبة ليا انو مافيها روتين .. يعني أيام أدرس بالكلية وأيام بالمستشفى ..
بس أشوفها جدا ممتعة .. وترى لو انتِ تحبي الشي حتمشي فيه ..
زي ماقلت لك اقرأي عن كل شي .. وعندك من دحين لبداية الترم الجاي ..
في أول او ثاني يوم راح ياخذوكم في جولة على كل أقسام التقنية الطبية ويعطوكم ورقة تحددوا ترتيب الرغبات ..
والله ييسر لك القسم اللي ترتاحي فيه ويعجبك ^_^

[M!sS chocolate]

اممممممممممممممم واللهي حببتيني في القسم
بس انا سمعت انه فيزياء وبصراحه انا ماأحب الفيزيكس
مو ماأحبه لا عادي بالعكس حلو بس عشان جبت درجه زي الزفت
في الدوري الثاني كرهته وأحب الكيميستري عشان كدا نقيت مختبرات ...
بعض الأحيان أتردد في حكاية المختبرات بسبب الأحياء لاني ماأحب أحفظ
احب أفهم ..