بنات الدستوري السابقين

[nova09]

بنات بالله عليكم قولولي كيف طريقة اسئلة الدكتورة صباح اللي تتكلم عن الحقوق؟؟؟ هي أعطتنا تكاليف الحقوق اللي عملناها انو داخلة في الاختبار .. فهل جابتلكم أسئلة عنها وكيف طريقتها؟؟

بلييييز ردوا الله يسعدكم

[violllet]

جاتنا عشر فقرات صح و خطأ بدون تصحيح و بدون تعليل << احلى شي

و الباقي مقالي صفحة لكل سؤال منهم سؤال عن حقوق الانسان اللي وردت في كل من الاعلان العالمي و نظام الحكم الاساسي و في سؤال ماتوقعته صراحة اللي هوه اش استفدتي من دراستك للقانون الدستوري ؟؟

و الباقي و الله مو قادره افتكره ان شاء الله احد يدخل يفيدك ..

و بالتوفيق يارب << لا تنسينا من دعوه حلوه

[nova09]

جزاكي الله خير ويارب يوفقك وتفرحي بمعدل زي العسل ... أدعيلي شايلة هم قد الجبل

[sosoana121]

لا تشيلين هم

احلى تصحيح تصحيح دكتورة صباح
و احلى درجات درجات دكتورة صباح
و احلى مواد مواد دكتورة صباح

[:::Zaza-.-MaZaza:::]

جانا اول صفحة اسئلة صح وخطأ بدون تصحيح زي ما قالت violllet وبعدين جاتنا اسئلة مقالي كل سؤال عليه 5 درجات بس لا تخافي كانو جدا سهليين افتكر جانا اممم ما افتكر بزببط الصيغة بس عن نجاح الدولة السعودية الثالثة جانا عن الاعلان العالمي والنظام الاساسي وجانا برضو المرسوم الملكي والامر الملكي والتوجيه الملكي وجانا عن ماذا استفدتي من القانون الدستوري :) مدري اذا نسيت شي بس اتوقع فقرات الصح والخطأ كانو 20 فقرة ودول الاسئلة كل واحد فيهم عليه 5 يسير 40 درجة .. مرررة لا تخافي من الدستوري ولا تشيلي همو ابدااااا =) ترى د. صباح مررة طيبة وماحتعرفي قد ايه هيا طيبة الا اخر السمستر داه لمن تشوفي درجتك .. بالتوفيق ان شاء الله لجميــــع بنات الدستوري ..