اريد الجواب الصحيح من الطلاب المتخرجين من برنامج الفارما دي

[دكتور فاهم]

السلام عليكم ورحمة الله عليكم

في البداية اهنيكم بالمنتدى الرائع الذي يجمع انواع الافكار وانواع الدكاتره في المستقبل القريب ان شاء الله
انا طالب في كلية الصيدلة الاكلينيكية بجامعة الطائف وحاب استفسر عن هالبرنامج من كل النواحي حاليا لانوا كل ما نسال واحد يفتي من راسه حتى دكاترتنا والعميد ووكيله كل واحد له رد مستقل ومخالف تماما للرد الاخر بحكم ان ما تخرجت الى الان من جامعتنا ولا دفعه ونحن وجميع طلاب الكلية نستفسر كل يوم ولا نجد الاجابة الشافية الى الان
بحكم ان المجال مفتوح امامي هالاسبوع بالانتقال الى كلية الطب المجاورة لنا
فتكفون حاب استفسر عن هالبرنامج اللي احس انه مثل السراب
ابغى رد مفصل عن عمله في مستشفيات وزارة الصحة والمستشفيات التخصصية والحرس وطبيعة شغله ورواتبه بالظبط لاننا نسمع كلام مبالغ فيه بالنسبة للرواتب كل واحد يفتي من راسه
وهل اقدر اكمل في تخصص دقيق طبي بعد الدراسة وهل التكميل متوفر او الحصول عليه معقد في السعودية
تكفون هذا مستقبل وانا جاتني الفرصة الى حدي للتحويل الى كلة الطب مع العلم اني محول من كلية العلوم الطبية قسم مختبرات فما ابغى اندم اني رحت من العلوم الطبية او تضيع عليا اكر من سنة ع الفاضي
الله لا يهينك ابغى رد بسرعه

[pharm.d .s]

البنات الي قابلتوهم تخرجوا من كليتنا بي pharm.d
اشتغلوا في مستشفى الحرس pharmacist 2تحت التدريب والراتب الاساسي 11 الف وعليها
بدون البدلات
في برنامج رزدنس تبع التخصصات الطبية وانا كمان قابلت بنت متخرجة من اول دفعة في الحرس في برنامج الرزدنس
وفي كمان معيد من كليتنا اخد البورد الامريكي ماشاء الله وبياخد رزدنس في امريكااا
اكيد تقدر تتخص في الرزدنس تخصصات نادرة
وبما انو مافي كلنيكل فارمسي كتير يعني اي تخصص راح تتخصصوا راح يكون نادر

ترى الكنيكل فارمسي مرا حاجة طيبة ولها مستقبل بس تحتاج تعبل عشان توصلهااا
دحين في الانترن باشوف اغلاط بالهبل من جد الدكاترة مايعرفوا اشياء كتير عن الادوية ويصرفها على حسب بس انو هيا تعالج المرض يعني من جد لنا دور مهم في الحياه
في الاخير
استخير استخير استخير
اتمنى لك التوفيق

[دكتور فاهم]

الله يعطيك العافية اختي وما قصرتي
واتمنى لك التوفيق في حياتك العملية والعلمية
بارك الله فيك
كفيتي ووفيتي
وشكل التخصص من كلام كثير من الدكاترة ممتاز ع الاخر بس يبغاله وقت حتى يوضح اكثر وان شاء الله عن قريب يتضح كل شي فيه

سي يو

[ميعاد]

المشاركة الأصلية كتبت بواسطة pharm.d .s البنات الي قابلتوهم تخرجوا من كليتنا بي pharm.d اشتغلوا في مستشفى الحرس pharmacist 2تحت التدريب والراتب الاساسي 11 الف وعليها بدون البدلات في برنامج رزدنس تبع التخصصات الطبية وانا كمان قابلت بنت متخرجة من اول دفعة في الحرس في برنامج الرزدنس وفي كمان معيد من كليتنا اخد البورد الامريكي ماشاء الله وبياخد رزدنس في امريكااا اكيد تقدر تتخص في الرزدنس تخصصات نادرة وبما انو مافي كلنيكل فارمسي كتير يعني اي تخصص راح تتخصصوا راح يكون نادر ترى الكنيكل فارمسي مرا حاجة طيبة ولها مستقبل بس تحتاج تعبل عشان توصلهااا دحين في الانترن باشوف اغلاط بالهبل من جد الدكاترة مايعرفوا اشياء كتير عن الادوية ويصرفها على حسب بس انو هيا تعالج المرض يعني من جد لنا دور مهم في الحياه في الاخير استخير استخير استخير اتمنى لك التوفيق

الله يسهل عليكي سنة الامتياز

ان شاءالله الاموور مااشيه تمام

حمستيني للتطبييق

ان شاءالله كل شي يكوون عال العال

[pharm.d .s]

المشاركة الأصلية كتبت بواسطة ميعاد الله يسهل عليكي سنة الامتياز ان شاءالله الاموور مااشيه تمام حمستيني للتطبييق ان شاءالله كل شي يكوون عال العال

اللهم امين
من جد حماس تحسي الدراسة غير والتطبيق غير
من جد تحسي وربي احنا تخصصنا لو اتطبق مزبوط
مرا وناسة
اكيد في تعب وصدمة اول شيء يعني عشان مو متعودين على الشغل واشياء كتير لسة
بتعلمها في الانترن بس جد على صعوبة الامر بس حلووو
ماراح اقدر اوصف
يارب تكوني مكاني وتعرفوا الاحساس دا
متى راح نشوفكم انتوا كمان امتياز



بالنسبة لصاحب الموضوع حبيت اقولك احنااا في موقع يحمس بس لسة مو ماخد مكانو كويس
يعني حط دا الشيء ببالك وربي يوفقك يارب

[ميعاد]

المشاركة الأصلية كتبت بواسطة pharm.d .s اللهم امين من جد حماس تحسي الدراسة غير والتطبيق غير من جد تحسي وربي احنا تخصصنا لو اتطبق مزبوط مرا وناسة اكيد في تعب وصدمة اول شيء يعني عشان مو متعودين على الشغل واشياء كتير لسة بتعلمها في الانترن بس جد على صعوبة الامر بس حلووو ماراح اقدر اوصف يارب تكوني مكاني وتعرفوا الاحساس دا متى راح نشوفكم انتوا كمان امتياز بالنسبة لصاحب الموضوع حبيت اقولك احنااا في موقع يحمس بس لسة مو ماخد مكانو كويس يعني حط دا الشيء ببالك وربي يوفقك يارب

اووو استني الله يعيينك لسا دوبني قلت بسم الله

بعد 4 سنين ان شاءالله

تعدي على خير ياارب

[دكتور فاهم]

الله يسعدكم كلكم على الردود اللي تطمن وتخلي الواحد يداوم وهو مرتاح نفسيا ويتحمس كمان ويشد حيله في تخصصه

اتمنى لكم التوفيق

[pharm.d .s]

المشاركة الأصلية كتبت بواسطة ميعاد اووو استني الله يعيينك لسا دوبني قلت بسم الله بعد 4 سنين ان شاءالله تعدي على خير ياارب

<<< يعني لو سرت معيدة في الجامعه
امكن يجي يوم اتفلسف عليكي
ههههههههههههههههه
امزح

بس من جد السنوات تجري
راح تغمضي عين تفتحي عين تلاقي نفسك سادس
اتمنى ربي يوفقكم ويسهل عليكم

[pharm.d .s]

المشاركة الأصلية كتبت بواسطة دكتور فاهم الله يسعدكم كلكم على الردود اللي تطمن وتخلي الواحد يداوم وهو مرتاح نفسيا ويتحمس كمان ويشد حيله في تخصصه اتمنى لكم التوفيق

الله يوفقك انت كمان