عندي كم سؤال اتمنى الافاده من طلاب السنه الماضيه

[الزهراني2]

السلام عليكم ورحمة الله وبركاته.انا عندي كم سؤال عن سنه ثاني صيدله واتكنى الافاده من طلاب دفعة 09.اولا:كيف تحسوا مستوى الدراسه في سنه ثاني صيدله صعبه,سهله,متوسطه؟2-هل من الضروري لبس الاب كوت والاسكرب وايه لون الاسكرب(طلاب)؟3-ماهي اصعب ماده واجهتكم في سنه ثاني صيدله؟4-هل يوجد كتاب او مرجع للمصطلحات الطبيه لاني ساكن بعيد عن جده وما اقدر اسجل في دورة المصطلحات الطبيه الى في الجامعه ,وايه رايكم بكتاب (شابنر)ومن فين اقدر اشتريه وبكم؟5-متى يبدا الدوام ومتى ينتهي في ايام الدراسه العاديه؟6-كم عدد طلاب الدفعه (طلاب)وهل جميع طلاب الدفعه قروب واحد؟وسوري على الاطاله واتمنى الافاده.

[Jodah]

المشاركة الأصلية كتبت بواسطة الزهراني2 السلام عليكم ورحمة الله وبركاته.انا عندي كم سؤال عن سنه ثاني صيدله واتكنى الافاده من طلاب دفعة 09.اولا:كيف تحسوا مستوى الدراسه في سنه ثاني صيدله صعبه,سهله,متوسطه؟2-هل من الضروري لبس الاب كوت والاسكرب وايه لون الاسكرب(طلاب)؟3-ماهي اصعب ماده واجهتكم في سنه ثاني صيدله؟4-هل يوجد كتاب او مرجع للمصطلحات الطبيه لاني ساكن بعيد عن جده وما اقدر اسجل في دورة المصطلحات الطبيه الى في الجامعه ,وايه رايكم بكتاب (شابنر)ومن فين اقدر اشتريه وبكم؟5-متى يبدا الدوام ومتى ينتهي في ايام الدراسه العاديه؟6-كم عدد طلاب الدفعه (طلاب)وهل جميع طلاب الدفعه قروب واحد؟وسوري على الاطاله واتمنى الافاده.

وعليكم السلام ورحمه الله وبركاته

اول شي مبروك التخصص وان شاء الله تتوفق فيه يارب

1-
ثانية صيدلة تعتبر اسهل سنة بالمقارنة بالسنوات الاخرى في الصيدلة

مهي صعبة لكن زي اي سنة تحتاج جهد و(مرة ممتعة) حط تحتها عشرة خطوط

طبعا هي فرق عن التحضيري يعني الكميات حتكون اكتر
لكن المواد نفسها حلوة وتحتاج تركيز

بس صدقني سنة حلوة وحتنبسط فيها ان شاء الله


2-
بالنسبة للبس احنا السنة اللي فاتت كنا بالاب كوت
بس على الترم الثالني تقريبا حددوا لون السكرب تبع الصيدلة سواء للبنات والاولاد نفس اللون وهو الرمادي

فحتلاقي اغلب الطلاب لابسينه السنة الجاية لأنه حلو ومريح
انا ماكنت مقتنه بيه بس لمن شفته عجبني و ان شاء الله السنة الجاية حداوم بيه

3-
اممممم ما اقدر اقلك اش اصعب مادة دي حسب كل واحد واش الصعوبة عنده في كل مادة تختلف من طالب لأخر

بس يمكن عندك مادة الكيمياء العضوي تحتاج دراسة اول باول لأنه كميتها كبيرة والدكاترة يتفننوا في الاسئلة حقها
4-
بالنسبة للمصطلحات الطبية احنا دفعتنا زيكم مادرسناه في الجامعة وبصراحة السنة اللي فاتت تعبنا شوية في الحفظ لكن اذا تبغى نصيحتي انا دحين بدات دي الايم ادرسه من النت في موضوع مرة حتستفييييد منه ان شاء الله في منتدى medkaau
في قسم سنة تانية صيدلة اسم الموضوع

(دورة المصطلحات الطبية الملزمة والعروض)
نزلته سوما

وحتلاقي في الموضوع في الصفحة التانية رد من عضوة (ليل جينيس) دفعة 08 حذفت من الملزمة المصطلحات اللي ماحنحتاجها في دراستنا للصيدلة

اطبعها وابدا كل يوم احفظ 3 كلمات وترا مرة سهلة ان شاء الله ماحتاخد منك وقت ولا جهد ان شاء الله

5-
كل يوم حتبدا من 8 وتخلصوا على 3 او 4 ان شاء الله

6-
الاولاد كانوا السنة اللي فاتت تقريبا 23
و ما اعرف اذا كانوا قروب واحد ولا لأ
ان شاء الله يفيدك عبادي او جوكر


ياريت تاخدوا لفة على منتدى
medkaau

صدقوني مرة حتستفيدوا ان شاء الله
و في موضوع في قسم

general pharmacy discussion

نزلته لدفعتكم ابغاكم تقروا لانكم حتستفيدوا



و بالنسبة للمصطلحات الطبية زي ماقلت اذا اعتمدت على الملزمة اللي في المنتدى باذن الله حتكون كافيه

[super mo6awa3]

دخلت على الموقع بس ماعرفت فين قسم ثانية صيدلة .. يا ليت تحددي مكانة بالزبط

[Jodah]

ادخل على المنتدى
WWW.

حتلاقي اقسام لكل الكليات الصحية وقسمنا هو
pharmacy collage

حتلاقي
second year pharmacy

للاسف اللينك مو راضي ينحط هنا مني اش السبب مع انه حيسهل عليكم كتير

[url]]

[glass fleet]

حصلت الموضوع
الله يوفقكم وينجحكم مررره شكرا ياجودا

[MoonCat]

و عليكم السلام و رحمة الله و بركآته ..

ما عندي كلام زيآدة ع الي قآلته جوده الله يجزاها خير ..

بس حبيت اقول لكمـ طالما حابين التخصص و عندكمـ همة .. حتبسطوا مررره بالدراسة ..

و بالنسبة للمصطلحات .. يمكن تمر عليكم اول 3 اسابيع الدكاترة يقولوا مصطلحات و احنا كنآ " يا غافلين لكم الله " لكن مافي مشكلة وقفوا الدكتور و إسألوهـ

و كمآن مترجم صغير معاكـ ---> تلاقي نفسك نهاية السنة ما تحتاجه لآنه اخذت اذنك ع الكلمآت ..

بالنسبة للمواد .. حلوة صراحة اذا تذاكرت اول بآول .. و خصوصا الـ كيمياء العضوية لآنكم بتآخذوا حق سنة أولى مع ثآني .. فـ تحسوهـ طويل ,,

و بالنهآية .. يا رب يوفقكم و يسهل لكم السنة الجآية .. ^^

[banOta ch!c]

انا دخلت على الموقع وكل شي بس لمن ابغى احمل الصفحة يقلي صفحة خاطئة ممكن تنزلوها

[rich girl]

المشاركة الأصلية كتبت بواسطة banota ch!c انا دخلت على الموقع وكل شي بس لمن ابغى احمل الصفحة يقلي صفحة خاطئة ممكن تنزلوها

وانا كماان بيصير معايا نفس الشي,, موراضي يحمل لاالملزمه ولا العرووض,, ياريـت لو تشوفو ايش المشكله او تنزلوها لنا لو سمحتو,, عشان نحاول نقرا منها شويه في الصيف ,,
وجزاكم الله الــف خير,,

[Jodah]

رجعت نزلتها مرة ثانية في نفس القسم

بالتوفيق يارب

[rich girl]

المشاركة الأصلية كتبت بواسطة jodah رجعت نزلتها مرة ثانية في نفس القسم بالتوفيق يارب

نفس الروابط ولا براوبط تانيه؟؟
لاني جربت بنفس الروابط موراضي,,