طب طب طب ... أمنيتي ادخلووو بليز

[Dr.Sosa]

السلام عليكم

كيف الحال

اعرفكم على نفسي

انا طالبة سنة تالت ثنوي

وانشاءالله ناوية ادخل الطب بإزن الله

بس عندي اسئلة قد الهم ع القلب

أولها ابغا اعرف كم نسبكم في الثنوي والقدرات والتحصيلي

ومن دحين ماشالله تبارك الله

لاتخافو محد حيحسدكم

دحين انا عارفة انو السنة التحضيرية هيا إلي تدخلني الطب ولا تقعدني في البيت

فأبغا اعرف كل شي عن دي السنة

وابغا اعرف القبول ككل في الجامعة كم ؟

والي اختبرو القدرات ياريت يفيدوني بكتب أو دورات أو أي شي

بليز والله محتاجة

انا حاطة في بالي ازا مادخلت الطب مارح ادرس ههههههههههههه حقعد في البيت

لأني منجد ابغاه من كل قلبي

وربي لو تشوفوني دي السنة مرا متوترة ومن بدايتها

وانا نسبتي مو حلوه في سنة تانية اهئ جبت 93 فدي السنة مرا شادة حيلي

بإزن الله اجيب أعلى نسبة

زي منتو عارفين احنا ياخدولنا نسبة تاني وتالت وفوق دا كلو قدرات وتحصيلي وتحضيري

وربي تعزيب بس كلو عشان الطب يهوووووووووووووون

فأبغاكم تساعدوني وتشجعوني يانااااااااااااااااااااااس

ابغا ادخل الطب اهئ

جاوبو على اسئلتي بليز بليزو بليزي

[المتفائلة]

ياهلا بيكِ سوسا
وان شاء الله ربي يحقق امنيتك

والله يوفقك

بالنسبه للنسب فعلى سنتي ولله الحمد مافي التراكمي
كانو بس بياخذو نسبه الثانويه العامه
وكانت ولله الحمد 97.13 %
طبعا مع القدرات نزلت الى معدل 86.65
طبعا انقبلت تمريض اكاديمي


بالنسبه للسنه التحضيريه
فهي مثل سنه اولى جامعه على سنتنا

طبعا مقرر فيها مواد عامه مثل الفيزياء والكيمياء والأحياء والانجليزي وعلوم الحاسب

الدراسه باللغه الانجليزيه وطبعا نفس مواضيع الثانويه العامه لكن بتوسع شوي

وطبعا اللي يجيب معدل عالي
بيكون فرصه قبوله في الكليات الصحيه اكبر
وكل ماعلي المعدل
كل ماكانت فرصتك للدخول في كلية الطب أكبر


شدي حيلك
ولا تيأسي
وان شاء الله ربي يكتب لك الخير
ولو لا قدر الله ماانقبلت
فليس هذا الأمر هو نهاية العالم
تأكدي انو راح يكون فيه خير لك

والله يوفقك يارب
اتمنى اني اكون افدتك
والسلام عليكم

[evil girl]

اهليين وعليكم السلام

الله يوفقك وتتخرجي من الثانوية وتدخلي طب

أولها ابغا اعرف كم نسبكم في الثنوي والقدرات والتحصيلي

انا نسبتي في الثانوي ايام زمان قبل 5 سنين 99 % والقدرات افتكر 86 والتحصيلي 88
والحمدلله دخلت طب من غير اي مشاكل ...

دحين انا عارفة انو السنة التحضيرية هيا إلي تدخلني الطب ولا تقعدني في البيت فأبغا اعرف كل شي عن دي السنة

شوفي التجربة خير برهان اصبروا عالناس الي بيدرسوها دحين وبعدين يفيدوكي ويعطوكي نتاج خبرتهم

وابغا اعرف القبول ككل في الجامعة كم ؟

انا اشوف انه كل سنة بيزيد عن السنة الي قبلها لانه ماشاءالله كل سنة بيزيد عدد المتخرجين بنسب عالية فانتي شدي حيلك قد ما تقدري

والي اختبرو القدرات ياريت يفيدوني بكتب أو دورات أو أي شي

في دورات بتسير قبل الاختبارات وفي كتاب الامين لاجتياز اختبار القدرات وفي كتب ناسيه اسمها بس روحي لاي مكتبة وقوليله كتب عن اختبار القدرات حيعطيكي كلها معلومات واختبارات تجريبية وادخلي على موقع قياس حتلاقي اختبارات تجريبية



يلا ان شاءالله تعدي السنة على خير وتتخرجي بنسبة حلوه وتدخلي الجامعة وتجتازي السنة التحضيرية وتدخلي كلية الطب بجدارة وتتخرجي منها احسن دكتوره

يلا نستناكي السنة الجاية وشدي حيلك :)

[Dr.Sosa]

تسلمو والله كلكم زوووق مشكورين

وربي يوفقكم ويوفقني ويوفق الجميع ^_^

[lozana]

::ize="7"]انا عضو جديد
بانسبه للدورات ترى مافيها فائده غير طبعا القدرات لازم احد يفهمك
انا تخرجت من الثانويه ونسبتي كانت عاليه وكانت امنيتي انو ادخل طب يعني اسيييير دكتوره بس للاسف القدرات و التحصيلي وداني في داهيا======يعني نصيحتي لك انو تجيبي نسبه عاليه جدا في الثانويه يعني لازم تجيبي 100 في الترم الاول[/size] [لان الترم الاول مرررررره بسيط
والله يوفقك:

[kingdedo]

يااااااااااارب يحقق لك اللي في بالك


بس شدي حيلك

وبعدين الثانويه والقدارت والتحصيلي تعتبر ممر للعبور...



بس علشان تدخلي الجامعه


ولازم تشدي حيلك اكتر


عشانتدخلي الطب


وانا طموحي من طموحك

وياااااااااااااارب نصير دكتورات مع بعض


بس الفرق انو انا اول سنه تحضيري



وربي يعين


تحياتي

[Dr.Sosa]

الله يوفقكم يارب وتدخلو طب والحقكم ^_^

[مرهفة الإحساس]

آه ه ه ه كانت أمنيتي أدخل طب بس دحين.....

تحطمت......
..آآآآه ياوالدي الغالي أمنيتي أحققلك طموحك..
إنتي شدي حيلك وصدقيني ربي ماراح يضيع تعبك ولا تشيلي هم نسبة تانية ثانوي
ترى في الوضع الحالي(أقصد نظام السنة التحضيرية) من الممكن دخولك للجامعة لكن من الصعب دخولك للكلية اللي تبغيها
لأنو العدد محدود جداً والأعداد المقبولة في الجامعة هائلة

الله يوفقك ياdr.sosaويوفقني ويوفق الجميع...

اللهم آمين...

تحياتي الحارة
..:مرهفة الإحساس:..

[Dr.Sosa]

الله يوفقك يارب وتدخلي الطب إن شاء الله ^^ خلي أملك كبير

مشكورين على ردودكم

[نادين]

الله يوفقك ..عادي السنه التحضيريه تدرسي مواد عاااامه احصاء رياضيات فيزياء .....الخ

وازا حابه طب لازم معدل عالي العال يعني 4,8 زي كدا

الله يوفقك حبيبتي