كيف التسجيل في سنترا ( السنة التحضيرية )

[بحرالبطالة]

السلام عليكم
ياشاب تكفووووون ( تكفى ترى تكفى تهز الرجاجيل )
كيف التسجيل في الدورة التأهيلية ( سنترا ) للسنة التحضرية لهذا العام خطة ب ؟؟؟؟
علما بأن صاحب السؤال في منطقة بعيدة جدا ولدية عمل
الخطوات المتبعة والروابط
ولكم الشكر

[mesho.ksa]

يآهلا أخوي


يدخل اوديس بلس


الطالب - تسجيل - اضافة دورة - تنفيذ


يختار المربعين الي تحت وبعدها يفتح القائمة ويسجل المواد حقته على حسب المواعيد والاوقات الي تناسبه

طبعا المواد لها اكثر من تكرار كل تكرار بموعد مختلف

لآزم يختار المربعين الي تحت قبل كل تسجيل لآجل يترتب جدوله ومايخلبط ويسجل مواد بنفس التوقيت ويحوس الجدول

[بحرالبطالة]

تحية طيبة أخوي وما قصرت رد علي الرجال وقال
يوجد اشكال
وبا أكلف عليك
بعد اختياري المربعين الاول( تطبيق مرعاة القيود على القائمة ) الثاني ( تطبيق مرعاة تعارض الوقت على القائمة )
دخلت على تسجيل في هذه الدورة ظهر لي اختر الدورة التأهيليه لعرض تفاصيلها ظعر لي قائمة المواد بأرقام مختلفة
مثال
مادة مهارات الاتصال رقم المرجع لها في الجدول الدراسي 11979 وفي الدورة ظهر لي 13 قائمة المادة مثل رقم 14480 ماهو الاختيار الصح
كيف يعمل
والله يسعدك دنيا وآخرة

[mesho.ksa]

يالغالي هذي شعب المواد

ماعليك اختار اي وحدة المهم انها تتماشى مع الوقت الي يناسبك للحضور يعني مثلا انت فاضي من 7 الى 11 الليل اختار مواعيد المحاضرات من 7 الى 11

او بيوم ثاني فاضي على 5 العصر الى اخر الليل اختار باليوم هذا المحاضرات تبدا من 5 الى 11

وكذآ


وبلغني وش يصير معاك

[فقدان]

طيب أخوي مآ عليك امر ..

أنا لي اسبوع احاول فيه ..احط صح عند المربعين ثمن اروح القائمه وافتحها مايجي شي يعني مافي مواد ولاش ..

اذ عندك اي معلومه افيدني بها الله يجزاك خير ..

[mesho.ksa]

والله يالغالية البنات كلهم تصيرلهم هالمشكلة

اعتقد والله اعلم ان الجامعة تنزل لكم المواد والجدول التابع للدورة مثل الترم الماضي

الشباب من اول مااخبرهم الطريقة وتضبط معاهم اما البنات يمكن الجامعة هي الي تنزل الجدول ومن كذا يرفض تسجيل اي مادة

[فقدان]

مشكور أخوي ..

الله يعطيك العافيه أن ششالله ..

بعد انا توقعت كذا بس قلت اسأل يمكن احد يكون عنده معلومه غير ..

لاهنت والله يوفقنآ جميع ..

[بحرالبطالة]

الله يعطيك العافية وبيض الله وجهك
واذا في اشكال بعطيك خبر

[بحرالبطالة]

خلاص الله يعطيك العافية وما قصرت
لاهنت ياغالي
واي خدمة نحن في الخدمة

[mesho.ksa]

الله يسلمكم ويعافيكم اجمعين


شدو حيآـكم


بالتوفيق