لبنات تانيه وتالت صيدله

[دنيا صغيره]

السلام عليكم ورحمة الله وبركاته
احب اشكر بنات تالت صيدله على الجو الحلو الي سو لنا اليوم
انتو بنات قمه في الروعه والله حمستوني مره
بعد ماكنت متضايقه حبيت القسم منكم
وانتو اليوم سويتو لنا جو مو طبيعي لدرجة انو سرنا كلنا واحد وكاننا نعرف بعض من زمان
حتى مع بنات شعبتي
والله كلمة روعه قليله فيكم حبيتكم من كل قلبي يا سوما و وجودا والبنت الي لابسه بلوفر تركواز تجننو ومبدعااااات بمعنى الكلمه
حسستوني بالفرحه اني معاكم بنفس القسم صح مو نفس السنه بس يكفيني انكم معايا بنفس القسم
الله يوفقكم يارب ياحلى دكاتره ويوفقنا معاكم

[drug]

و عليكم السلام و رحمة الله و بركاته

بصراحه سبقتيني كنت لسا داخله أسوي موضوع شكر

اليوم كان أحلى يوم ليا و مرررره حبيت الصيدله عشان بناتها و رجعت البيت مقتنعه و مبسوطه و متحمسه

كان نفسي أشكر البنات وحده وحده وجهاً لوجه بدون استثناء لأنهم خلوني أحب القسم أكثر بس الظروف ما سمحت

الله يوفقكم و يوفقنا جميعاً و شكراً شكراً شكراً من كل قلبي على كل شيء

و شكراً لكِ دنيا صغيره لأنك بادرتي بالموضوع

[دنيا صغيره]

انا متاكده حتى لو شكرناهم وحده وحده مارح نقدر نوصلهم نص الي خلونا نحس بي

[sooma]

:$:$:$:$:$:$:$:$

لا تكسفووونا بكلامكم
دا أقل واجب

وبعدين ليه ما عرفتو على نفسكم .. كان نفسي أعرفك

بناات كلامكم أثر فيني والله

وكان نفسي أقدر أجي بكرة نكمل لكم اللي بدأناه
وأعطيكم نبذة عن المواد والدراسة

بس للأسف صارت لي ظروف ما أقدر أجي :(
سامحوني

[بنت ناس واللقب الماس]

ايوة والله ماشاء الله عليهم البناااات الله يحفظهم ..
منجد حمستوني بكلامكم .. وان شاء الله نكون زيكم ..

[Jodah]

والله احنا اللي فرحنا لمن شفناكم اتحمستوا معانا
ونبغاكم دايما كدا وان شاء الله تكون دفعتكم احسن مننا وتنجزوا اكتر مننا
واي خدمة لاتستحوا احنا زي اخواتكم ان شاء الله


ودايما افتكروا اللي يبغى يكون مبسوط ويكون شخصية ناجحة ومحبوبة حيكون مدام هو يبغى
و اللي يبغى ينكد على نفسه حينكد على نفسه

فخلوكم دايما بنفسيات هادية ولا توتروا نفسكم عشين الدراسة وحتحسوا انه السنة حلوة ان شاء الله


على فكرة ليش ما تدخلوا منتدى
medkaau
في مجموعة منكم هناك
واحنا دفعتنا كلها هناك وحتستفيدوا اكتر لأنه كل شيتاتنا وملخصاتنا بنزلها هناك

[ميعاد]

منججججججججد شكرا والله يسعدكم يااارب..

[Dr.HMD]

يعطيكم الف عافيه على جو اليوم

كسرتولنا الروتين شويا لان جاتنا صدمة اول يوم الله يكفينا ويكفيكم شر الصدمات يارب

ويالتوفيق يالغوالي

[rarba]

جزاكم الله خير يا بنات
ربنا يسعدكم وينجحكم ويوفقكم
من جد كان يوم حمااااااااااااااااااااااااااااااااااااااااااااا اااااااااااااااااااااس
مرة ثااااااانك يوووووووو

[كيدو]

ولو هذا واجبنا ^^

إن شاء الله تكونوا انبسطتوا وماكنا ثقيلين دم عليكم

والصراحة مررره اسفين انو ماشاركناكم في الترفيع ....

إن شاء الله الثلاثاء الجاي يكون حمااس اكثر

سؤال بس اش بلوفر ؟؟؟؟