اهلاً بملائكة الرحمة || خاص بدفعة Nursing 13

[KAU Active Nurses]

السلام عليكم و رحمة الله و بركاته


اول شي حابه ارحب بكل ممرضة جديدة ربي كتب لها و وفقها انو تنضم لكليتنا الرائعة كلية التمريض و حابه ابارك لكم من القلب بالقبول في الكلية ف آهلاً و سهلاً بيكم بيننا و الف مبرووووك قبولكم بالكلية..

و بإذن الله راح تستمتعو و تنبسطو بدراسة التمريض لانو فعلاً التمريض تخصص ممتع و حمااااسي و راح تكون سنواتكم الدراسية تجربة رائعة بكل ما تحمل الكلمة من معنى..











بداية انا حابه اعرفكم بينا احنا مجموعة طالبات من كلية التمريض مجتمعين من كل دفعات الكلية في مجموعة واحده و هي مجموعة
" kau Active Nurses "
و موحدين جهودنا في العمل عشان نوصل لهدف واحد و هوا اظهار المعنى الحقيقي للتمريض لكل فرد في المجتمع مما يساهم في ارتقاء هذه المهنة في مجتمعنا،

وبنحاول نوصل لهذا الهدف من خلال مجموعة من الحملات و الانشطة الي بتقام من قبل هذه المجموعة تحت شعار حملة واحدة و هيا حملة معنى ان نكون ممرضاً و الي بتعتبر المولد الي بتنطلق منه كااافة انشطتنا و طبعاً كانت اولى انشطة هذي الحملة التعريف بالتمريض في مدارس البنات الثانوية بجدة و الحمدلله تكللت بالنجاح و كانت نتايجها اجمل من التوقعات و بإذن راح نستكمل ذي السنة نفس النشاط بالإضافة الى نشاطات اخرى و اللي طبعاً كلها ليها نفس الهدف الاساسي و هوا الارتقاء بالتمريض في مجتمعنا و ترك بصمتنا في كليتنا.









و الان بعد ما تعرفتو علينا مين احنا! و ايش هيا توجهاتنا و اهدافنا!

حابه اعرفكم على اولى انشطة حملتنا حملة معنى ان تكون ممرضاً لهذا العام و الي هوا اليوم الارشادي و التعريفي الي موجهه ليكم انتو طالبات السنة ثانية تمريض و اللي فكرتو شبيهه باليوم الارشادي الي بتعمله الكلية لطلابها الجدد بس ذي المرة حيكون بروح طلابية اكثثثر،

يعني حيكون يوم من مننا نحنا الطالبات الي سبقناكم بالالتحاق للكلية و سبقناكم بالتجربة و اليكم انتم ممرضاتنا المستجدات و الي اكيد بتنقصكم الخبره حول مجال التمريض و عندكم كثير اسئله حول دراسته ، تخصصاته و غيرها اكثثثر و لانو احنا كطالبات عشنا التجربة قبلكم و مرينا اكييييد بكثير من الصعوبات واللي الحمدلله قدرنا نجتازها بنجاح ف هدفنا ف ذا اليوم انو نوصلكم كل خبراتنا و تجاربنا و معرفتنا حول التمريض و الي اكتسبناها من خلال دراستنا بهدف توعيتكم بالاخطاء و عدم تكرارها مره اخرى و بالتالي تسهيل دراستكم في سنة ثانية و جعلها تجربة سهلة و ممتعة ، بالإضافة الى توعيتكم بالمعنى الحقيقي لمهنة التمريض ، جعلكم قادرين للنظر اليه ابعد من النظرة الي تعود الكثير انو ينظر من خلالها لهذا التخصص وبالتالي اظهار متعة و جمال التمريض.









ممرضاتنا الجميلات طالبات سنة ثانيه تمريض دفعة 2013 احنا راح نستناكم يوم الاربعاء الموافق 28/10/1434 من الساعة 11 الى 1 في كليتنا كلية التمريض (مبنى 8) ، الدور الثاني (قاعة 830) ..



و احنا راح نكون بالإنتظار و كلنا حمااااس نشوفكم، نساعدكم ، نجاوب على تساؤلاتكم و ناخذ بيدكم عشان تكونو قادرين تبدآو بداية قوية و بخطا ثاابته..









طبعاً تقدرو تسآلو هنا من خلال ذا الموضوع عن اي شيء حابين تستفسرو عنه ..

[bayan-ow]

اول شي احب أشكركم من كل قلبي على الجهود الي تسووها عشان توضحون معنى التمريض الحقيقي لأفراد مجتمعنا موفقين ان شاء الله
ثانيا احب اشكركم تمنيت ان يكون لنا لقاء مع دفعات الي سبقتنا ونتعرف على خبراتهم حتى نستفيد والحمدلله أمنيتي تحققت شكرا مرا ثانية وجزاكم الله خير

بسالكي سؤال كيف اقدر انضم معاكم لان نفسي اسوي هاذا شي اني اوصل معنى الحقيقي للتمريض لان من قرائتي للمواضيع عن التمريض عرفت اش هو التمريض ومكانته العالية وقيمته ونفسي اوصل هاذا المعني للجميع
وبديت من اهلي من خيلان وخالات واي احد اشوفه احاول اتكلم معاه عن هاذا الموضوع والحمدلله الاغلبية يستجيبوا ومتفهمين الحمدلله

جزاكم الله خير في ميزان حسناتكم ان شاء الله

[KAU Active Nurses]

المشاركة الأصلية كتبت بواسطة bayan-ow اول شي احب أشكركم من كل قلبي على الجهود الي تسووها عشان توضحون معنى التمريض الحقيقي لأفراد مجتمعنا موفقين ان شاء الله ثانيا احب اشكركم تمنيت ان يكون لنا لقاء مع دفعات الي سبقتنا ونتعرف على خبراتهم حتى نستفيد والحمدلله أمنيتي تحققت شكرا مرا ثانية وجزاكم الله خير بسالكي سؤال كيف اقدر انضم معاكم لان نفسي اسوي هاذا شي اني اوصل معنى الحقيقي للتمريض لان من قرائتي للمواضيع عن التمريض عرفت اش هو التمريض ومكانته العالية وقيمته ونفسي اوصل هاذا المعني للجميع وبديت من اهلي من خيلان وخالات واي احد اشوفه احاول اتكلم معاه عن هاذا الموضوع والحمدلله الاغلبية يستجيبوا ومتفهمين الحمدلله جزاكم الله خير في ميزان حسناتكم ان شاء الله

الحمدلله ..
شوفي ياجميلتي .. الحملة حتكون فخورة وسعيدة جداً بنضمامكم لينا .. بس حالياً بدري جداً اننا نشغلكم فـ كان القرار انو سنة تانية بازن الله حنفتح لكم بوابة الانضمام للمجموعة ع الترم الثاني ان شاءالله .. بحيث تكونو خلاص اتعودتو واخدتو على نظام الدراسة وعرفتو تقسمو وقتكم وتدخلو جو التخصص مزبوط ..
باذن الله الترم التاني الحملة حترحب بيكم كلكم .. بس كـ بداية الافضل تأسسو نفسكم وتاخدو ع الجو وتقسمو وقتكم وترتبو اموركم ..

نشكر لكـِ تفاعلك ونحيّ فيكي هذا الحماس ..

[bayan-ow]

المشاركة الأصلية كتبت بواسطة kau active nurses الحمدلله .. شوفي ياجميلتي .. الحملة حتكون فخورة وسعيدة جداً بنضمامكم لينا .. بس حالياً بدري جداً اننا نشغلكم فـ كان القرار انو سنة تانية بازن الله حنفتح لكم بوابة الانضمام للمجموعة ع الترم الثاني ان شاءالله .. بحيث تكونو خلاص اتعودتو واخدتو على نظام الدراسة وعرفتو تقسمو وقتكم وتدخلو جو التخصص مزبوط .. باذن الله الترم التاني الحملة حترحب بيكم كلكم .. بس كـ بداية الافضل تأسسو نفسكم وتاخدو ع الجو وتقسمو وقتكم وترتبو اموركم .. نشكر لكـِ تفاعلك ونحيّ فيكي هذا الحماس ..

اها طيب شكرا صح كلامك من ممكن انو نتلخبط مع الدراسة ومحنا متعودين وان شاءالله من يوم ماتفتحو المجال للانضمام رح اكون معاكم ان شاءالله
جزاكم الله خيراً

[ابرار غروي]

* واخخيرا صار لنا قسم خاص ؛$ *

__

الفكرة ممرا ججيدة .. انا عن نفسي خلاص حبيت التمريض
و الحمدالله أني انقبلت بالكلية القميلة دي 😍
ومستعدة للدراسة من دحين حاسه حتكون سنه خونفشارية
وبنات دفعة 12 مرا م قصصرو معانا وتعبناهم كثير :(

نشوف كم يوم 28 ان شاءالله ي جميلات ❤❤.

[Asrar M]

احد قلكم انكم شي جميل ؟ جمال في تفاؤل وخير وعطاء

مهما تكلمنا ومهما عبرنا محا نوفيكم جهودكم لنا
وتحملكم لنا ولاسئلتنا اللي مدري من فين نخترعها

الله يجزاكم كل خير ويكون في ميزان حسناتكم يارب ❤❤❤❤

[Butterfly Hope]

مرحبا
جيت اقولكم شيين

مبروك قسمنا الجديد تكسروا بالعافية + اهلا وسهلا بممرضات المستقبل الجدد مبروك قبولكم بكليتنا الجميلة

حتنوروا وتنبسطو قدن

وبس

[عذاري السمروات]

اهلن اهلن بممرضات دفعة 2013 ..
من جد اكتر شي عجبني فيكم تفهمكم ..
و حمااااااااااااسكم .. بس لا تطفشوووا بعدين خلووووكم متحمسين على طووووول ..
حطوا في بالكم من طلب العلا سهر الليالي ..❤
و تاني شي لازم تعرفوا انو مافي شي في الحياة شي اسمو صعب ..❤❤❤ طالما انو الانسان متاح لو التفاؤل ..
لقلووووووووبكم قلوب متحمممسه زيكم ( ما شاء الله )
الله يوفقكم و احنا ماراح نقصر معاكم في مساعدتكم في جميع موادكم ..

[دره جده]

يسلموو حمله معنى ان تكون ممرضا ..
واهلاااااااااااااااا نيرساااااات دفعه 13
حتنورونا ومتفائله فيكم خير
واحنا الدفعه الي قبلكم في الخدمه أي سؤال .. استفسار .. مساعده ماتستحوووش بنكون معاكم ان شاء الله

[نــورهـ]

و عليكم السلام و رحمة الله و بركاته ..

الله الله على جمال الفكرة و الموضوع ماشاء الله عليكِ ..

تم التثبيت :$

الله يبارك في جهودكم و يعطيكم العافية و يجعلها في موازين حسناتكم يا ملآئكة الرحمة