لو تكرمتو يا طلاب الحقوق تدخلون وتطرحون وجهات نظركم

[نايف العبدلي ^]

بسم الله الرحمن الرحيم :

السلام عليكم ورحمة الله وبركاته ..

اخواني طلاب (الحقوق)

انا طالب سنة تحضيريه مسار اداري انساني .. وحلمي اني اتخصص (انظمه) ..

فانا الحين ابي منكم الرد على استفساراتي .. وتخدموني بكل ما تعرفونه..

انا ادرس (ثقافه .ولغة عربيه . حاسب . مهارات اتصال . مهارات تفكير . رياضيات . احصاء

انجليزي ليفل 1.2.3.4.


فانا الحين اتوقع درجاتي في المواد التاليه باذن الله تكون عاليه لانها مواد سهلة ..

(ثقافه .ولغة عربيه . حاسب . مهارات اتصال . مهارات تفكير)




اماا (الاحصاء و الرياضيات و الانجليزي 2.3.4) درجاتي مو قد كذا فيها لاني صعب فهمها ..


طبعا الحين خطة ..أ.. ادرس ثقافه و رياضيات و لغة عربيه و حاسب . انجليزي ليفل 1.2..



والخطة ..ب.. راح ادرس مهارات تفكير و مهارات اتصال . انجليزي 3.4 ..



فانا ابي اوصل لكم لو جبت في الانجليزي 2.3.4 كلها المستويات (60)

والرياضيات (70)

و الاحصاء (72)

وباقي المواد باذن الله اجيب درجة حلوه ...


انتظر ردكم لاني والله العظيم متحطم وحالتي حاله .. ابي منكم تساعدوني ..


.. وشكرا لكم مقدما حبايبي ..

[نايف العبدلي ^]

ها يا شباب وش صار معكم مافيه رد ؟؟؟

[مستفيض العبرات]

أستاذ نايف ، إن شاء الله انك تنقبل لأن قسمنا متاح دائماً ومقاعدها كثيرة ، فما بالك والآن أصبح لدينا كلية مستقلة ، حاول إن معدلك يكون 3.75 وإن شاء الله انك ضامن مقعد في الكلية ..

وحتى إذا ما شاء الله وقبلوك ، تستطيع أن تدخل قسم آخر وتنزل مواد سهلة ترفع معدلك وتنضم للكلية .

[نايف العبدلي ^]

المشاركة الأصلية كتبت بواسطة مستفيض العبرات أستاذ نايف ، إن شاء الله انك تنقبل لأن قسمنا متاح دائماً ومقاعدها كثيرة ، فما بالك والآن أصبح لدينا كلية مستقلة ، حاول إن معدلك يكون 3.75 وإن شاء الله انك ضامن مقعد في الكلية .. وحتى إذا ما شاء الله وقبلوك ، تستطيع أن تدخل قسم آخر وتنزل مواد سهلة ترفع معدلك وتنضم للكلية .

اول شى اشكرك من اعماق قلبي .. ردك على الموضوع .


1- سمعت ان المعدل مو ثابت يمكن 3.30 ومره 3.75 ابيك تااكد عليها لو سمحت ..

2- و اذا لاسمح الله ما قبلت في الكلية .. انت تقول تستطيع أن تدخل قسم آخر وتنزل مواد سهلة

ترفع معدلك وتنضم للكليه (طيب قسم اخر زي ايش وكيف طريقة التحويل وهل القسم في نفس الكليه


معليش كثرة في الاسئلة ..لاني محتس وانا اخوك

على العموم انتظر ردك .. الله يعطيك الف عافيه ويسعدك دنيا واخره

[خالد~]

1- سمعت ان المعدل مو ثابت يمكن 3.30 ومره 3.75 ابيك تااكد عليها لو سمحت ..

المعدل مو ثابت كل ترم تتفاوت فيه درجة 3.75 تدخل براحه اقل من كذا حسب طلبات التقديم

~

2- و اذا لاسمح الله ما قبلت في الكلية .. انت تقول تستطيع أن تدخل قسم آخر وتنزل مواد سهلة ترفع معدلك وتنضم للكليه (طيب قسم اخر زي ايش وكيف طريقة التحويل وهل القسم في نفس الكليه

ممكن تدخل اداره عامه وتنزل مواد عامه مثل عربي والثقافه الاسلاميه وماده حره او حتى اختياريه سهله وماده مبادى قانون تكون ما ضيعت ترم على الفاضي عشان هاذي المواد في خطة الحقوق
وكمان رفعت معدلك وتقدر تحول الى كلية الحقوق
~
وبدري على الحسابات هاذي خطه ب اسهل ويمديك ترفع معدلك حتى الاحصاء اسهل من الرياضيات

~

بالتوفيق

[طيوفك]

وعليك السلام ورحمة الله وبركاته

لو جبت بالانقلش 60 , والاحصاء والرياضيات من 70 الى 74 , وفرضنا جبت ببقية المواد 80 {على الأقل }

رح يطلع معدلك 3.30

طبعا في مواد سهله زي الاتصال والتفكير لوهذه المادتين جبت فيها 95 وفوق رح يطلع معدلك ثلاثه ونص وعليها

التحضيري سهله وسهل ترفع معدلك فيها

[Minato]

والله نفسس الششعور يانايف انا مادخلت الجججامعة الا عشان ادرس قانون

وكممان تحضيري ونفس خطتك أ لكن عندي نفس المخاوف الي عندك خصوصا من الرياضيات
والاحصصاء والمعدل كل شويه واحد بيقول حاجه طبعا الا بعض الاخوان هنا يحاولون يشدون من عزيمتي
لكن المشكله ان للان مافتتحو الكليه بشكل رسمي لو افتتحوها بشكل كامل ولها مبنى خاص راح يزيد عدد
الكراسي وبكذا ينقص المعدل اما للان افتتحت كأسم بس لكن المبنى ماصار عليه شئ ~ هذا طبعا على حد علمي
ممكن احد الاخوان يفيدنا لو كانت افتتحت بشكل رسمي ولها مبنى خاص فيها حاليا لكن نأمل خير ان شاء الله
وبإذن الله معدلاتنا تطلع فوق ال 3,30 وربك بإذن الله يرزقنا بدراسه القانون الي نحلم فيها وششكرا لكم

[نايف العبدلي ^]

شكرا لكم حبايبي .. الله يعطيكم العافيه ..

الحين. المعدل المطلوب 3.75 .. طيب لو جبت أقل مثلا ! 3.45 انقبل وألا لا

وهل الكلية زي ما ذكر الأخ إلي قبلي .. ما انفتحت الكليه .. افتتحت كاسم .. هل هذا صحيح .

وكلية الحقوق كم تضم كرسي ..

[نايف العبدلي ^]

المشاركة الأصلية كتبت بواسطة خالد~ المعدل مو ثابت كل ترم تتفاوت فيه درجة 3.75 تدخل براحه اقل من كذا حسب طلبات التقديم ~ ممكن تدخل اداره عامه وتنزل مواد عامه مثل عربي والثقافه الاسلاميه وماده حره او حتى اختياريه سهله وماده مبادى قانون تكون ما ضيعت ترم على الفاضي عشان هاذي المواد في خطة الحقوق وكمان رفعت معدلك وتقدر تحول الى كلية الحقوق ~ وبدري على الحسابات هاذي خطه ب اسهل ويمديك ترفع معدلك حتى الاحصاء اسهل من الرياضيات ~ بالتوفيق

الله يعطيك العافيه ياارب

[نايف العبدلي ^]

المشاركة الأصلية كتبت بواسطة طيوفك وعليك السلام ورحمة الله وبركاته لو جبت بالانقلش 60 , والاحصاء والرياضيات من 70 الى 74 , وفرضنا جبت ببقية المواد 80 {على الأقل } رح يطلع معدلك 3.30 طبعا في مواد سهله زي الاتصال والتفكير لوهذه المادتين جبت فيها 95 وفوق رح يطلع معدلك ثلاثه ونص وعليها التحضيري سهله وسهل ترفع معدلك فيها

اختي الفاضلة ...

في المقام الاول اشكرك .. على مشاركتك في الموضوع ..


بغيت اسالك ... الحين الكلية ترشح الطلاب وتقبلوهم على اساس (المعدل العالي)

زي ما حنا .. عارفين .. طيب سوالي هو .. الكلية تقبل من المعدل العالي وانتي نازله لين تكتفي الكليه

؟؟؟
هل هذا صحيح ... ارجو التوضيح .