اي احد يحتاج مساعدة بمواد الخطة أ يدخل هنا

[emankh]

السلام عليكم ورحمة الله وبركاته

حبيت اسوي مكان نحط في كل الاسئلة الخاصة بمرحلتنا الخطة أ لموادها (الاحصاء- مهارات التفكير-مهارات الاتصال- واللغة الانجليزي)

بفضل من ربي انا خلصت مادة الاحصاء ولم اجد فيها صعوبة اهم شي تدربي ع ورقة القوانين الي راح يوزعوها علينا وانتي تذاكري اي وحدة ماعرفت تحل تمرين او عندها سؤوال تسدحو هنا ونساعدها وانا حابة افيدكم من الي اتعلمتو خصوصا اني كنت مره تايهة بالبداية والحمدالله

الانجليزي كمان خلصتو ع خفيف يعني فهمت القرامر واي بنت عندها سؤوال برضو تكتبو وراح اساعدها بإذن الله

مهارات التفكير خلصت منو 5 ابواب بس صراحة المادة سهلة وحلوة بس تحتاج الى فهم مع تركيز لاتضيعي وقتك بالحفظ اهم شي ذاكري وافهمي كلو تعدادات اهم شي تعرفي كل التعدادات ترجع الى اي مفهوم وان شاءالله راح تشوفي انا سهلة خصوصا لما تخلصي حاولي تشوفي ورقة اختبار الترم الي فات وتحليه بنفسك عشان تعرفي طبيعة الاسئلة لانو الاسئلة اغلبها من بين السطور وان شاءالله بكرا اكمل الباقي

مهرات الاتصال: صراحة مابدات فيها بس الكل يقولي انها سهلة انا سبتها اخر شي عشان اختبارها

اول يوم


نصيحة يابنات لاتوترو نفسكم وثقو انو ربنا ماحيضيعلكم تعب واهم شي لخصو كل المواد وافهميها تمام لانو حتكون الاجابة قدامك بس تحتاج شوية تركيز وفهم ولاتضيعو الوقت بالحفظ اهم شي تفهمي وتحفظي الاشساء المهمة بس

وهم شي المحاضرات المسجلة يابنات مره مهمة واي وحده في مادة ماهي فاهمتها او جزئية ترجع للمحاضرات الي بالموقع موجودة مررره حتستفيدو منها والله والدكاترة شرحهم وافي الله يرزقهم ويوفقهم يارب

واخر شي تسويه انك تحلي نموذج اسئلة عشان لاتنصدمي بورقة الاختبار ويكون عندك خلفية عن نوع الاسئلة

والي ماهي عارفة ايش المحذوف من المواد كمان راح نساعدها بإذن الله الله يفتح عليكم ويوفقكم ومايضيعلكم تعب

[emankh]

مادة مهارات التفكير : انا عرفت انو مافي فيها شي محذوف هيا ومهارات الاتصال

والانجليزي : المحذوف يونت 14

الاحصاء : الباب الاول بعض البرامج (الحزم) الاحصائية بس تعرفي اساميها وبس
الباب الثاني : التوزيعات التكرارية المتجمعة
الباب الثالث: اي شي من مقايس النزعة المركزية تحت مسمى بيانات مبوبة محذوب يعني البينات الغير مبوبة معانا المبوبة من كل قياس مو معانا
الباب الرابع: معامل بوينت بايسيريال للارتباط محذوف
الباب الخامس : الخصائص التعليمية السكانية والمعدل الخام للمسجلين في المراحل التعليمية والمعدل العمري المحدد ومعدل الامية ..........الين قانون معدل الهجرة الصافية كلهم محذوفين
الباب السادس: بعض التوزيعات الاحتمالية المتصلة محذوف
الباب السابع والثامن: مافيه شي محذوف تقريبا
عموما مادة الاحصاء راح ابدا اراجعها ان شاءالله والي كتبتو من المحذوف لاني حضرت المحاظرات الموجودة بالموقع المسجلة ومتاكدة من الاشياء الي انحذفت دي من نفس الدكاترة وباقي السابع والثامن ماني فاكرة انو حذفت شي وراح اتاكد واردلكم والي عندها معلومات تفيدنا

[emankh]

ؤراح ادورلكم ع الرابط الي نزلت منها النماذج لاني ماعرف صراحتن كيف انزل مرفقات :p

[قوتي فحبي]

	تسلمي حبيبي ماقصرتي بس انا خطه ب لو تقدري تجيبي رابط او موقع دكتوره فاطمة حسن عبدالرحيم شحاده ابي انزل الاسئله تبعها عشان استفيد وافيد البنات وشكرا

[emankh]

حبيبتي اتفضلي هاذا رابط الدكتورة

http://fshhadah.kau.edu.sa/Default.a...0010967&Lng=AR

والمادة مهارات لغوية اتمنالك التوفيق يارب

[fef0]

مممره حلو وتسلمي والله يوفقك ويوفقنا يارب
وعندي استفسار
دحين كتابين الانقلش اللي عندي مو اخضر واحمر
كلهم احمر حق التمارين والطالب وحضرت المحاضره المسجله الفصل الثالث شرحو مو زي اللي مكتوب عندي وبعضهم يقولو اليونت 3 و 4 محدووف < صارت حكايه مو استفسار
بس ممن جد احس اني ملخبطه

[اسووم66]

جزاك الله خير اختي

الله يسلمك في الاحصاء يكفي نذاكر من السلايدات ولا لازم الكتاب

والقوانين تجي رموز بس ولا مكتوبة بالعربي

لأني باروح لاستاذة لكن قالتلي على ايش نعتمد في المذاكرة؟؟

انتظر ردك..

[fef0]

توزيع المناهج
الوحدات المقررة

Beginner (Course Book, Workbook, & Vocab Lists)
Units 1, 2, 3, 4, 5, 6, 7, 8, 9, & 11 + 12
Elementary (Course Book, Workbook, & Vocab Lists)
Units 2, 3, 4, 7, 8 , 9, 10, 11, 12, & 13

دا التحديد اللي لقيتو ف معهد اللغه الانجليزيه لليونتات اللي معانا ونسختو

[ماجد قرشي]

المشاركة الأصلية كتبت بواسطة fef0 مممره حلو وتسلمي والله يوفقك ويوفقنا يارب وعندي استفسار دحين كتابين الانقلش اللي عندي مو اخضر واحمر كلهم احمر حق التمارين والطالب وحضرت المحاضره المسجله الفصل الثالث شرحو مو زي اللي مكتوب عندي وبعضهم يقولو اليونت 3 و 4 محدووف < صارت حكايه مو استفسار بس ممن جد احس اني ملخبطه

الحقي على عمرك أختي

المقرر للانقلش 101 كتابين للطالب ( اخضر و احمر ) ومعهم كتابين تمارين من نفس اللون

Beginner هذا يكون كتاب الطالب لونة اخضر ( يجي معاه كتاب تمارين لونه ايضاً اخضر هذا للتدريب يعنى لو ماخذيتيه مو مهم اللى هو كتاب التمارين ) اما كتاب الطالب
مهم ومقرر عليكم

الكتاب الثاني يكون لونه احمر وهو كتاب

Elementary هذا ايضاً كتاب للطالب ومهم ومقرر عليكم ( ايضا مثله مثل الاخضر يجي مهم كتاب تمارين لونه احمر


يعنى من الاخرى ههه المقرر عليك في انقلش 101 اربعة كتب ( فقط كتاب الطالب من كل لون مهم وفيها التحديد للمفردات وهي اللى داخلة معك في الاختبار ) اما الكتابين الصغار حقت التمارين فقط للتدريب وهذي مافي شئ منها مطالبه فيه بالاختبار
اعتقد وضح لك الحين انك فقط تملكين كتاب واحد اللى هو اللون الاحمر عشان كذا كان هناك
اختلاف عندك لما كنتى تتابعي المحاضرة لانه العادة تكون ثالث محاضرة من الكتاب الاخضر
لم تنتهى من شرح الكتاب عشان تتنتقل للكتاب الاحمر
فاكيد اذا تتابعيها من الكتاب الاحمر وهي تشرح في الاخضر راح يكون فرق عندك لانها مختلفه عن بعضها

االمقرر من الكتاب نفس اللى لقيتية في معهد اللغة

[waleedoo]

شفت نموذج لاختبار ماده مهارات التفكير اسئله صعبه وغير مباشره رغم الماده شايفها سهله ومذاكرها الحمدلله ف اذا عندكم نماذج للاسئله فلا تبخلو علينا