للمتخصصين والمتخصصات ف الـ Economics متى نختااااااار حقولنا الاختيارية ؟ ^_^

[اقتصادي لغوي]

الله يديكم العافية جميعا

ومسا الخير ع الجميع :)

زملائي الاعزاء وزميلاتي العزيزات ....

لمتى نحصر نفسنا ف مسار اقتصاديات النقود والمؤسسات المالية ؟

أنا اقترح انو نعرض ع القسم يعطينا فرصة نختار من الحقول الاختيارية غير الحقول المعروضة حاليا

لأنو المعروف حاليا حسب ما اتكونت الفكرة عندنا انو مافي دكاترة تغطي الحقول التانية

لكن اتوقع انو الدكاترة اللي عندنا بالقسم يقدرو يدرسوا كل المواد الاختيارية لو تمت الترتيبات اللازمة

وأتوقع انو الحقول الاختيارية المتاحة حاليا وقع الاختيار عليها عشان زملائنا اللي اقدم مننا هم اللي اختاروها بالتنسيق مع القسم

بالتالي لو اتفقنا احنا نغير الحقول الاختيارية ( او نغير بعضها ) حنقدر نغيرها بكل سهولة ههههههه

طيب نلقي نظرة عن قرررررب للمعروض والغير معروض :)

المعروض حاليا خمسة حقول يختار الطالب منها اربعة ...

الخمسة هيا :

النقود والمؤسسات المالية - الاقتصاد الاسلامي - اقتصاديات الأعمال - الحضري والاقليمي - دراسات الجدوى وتقييم المشروعات

جمييييييييييل

خلونا نقول غالبا انو هادا اختيار زملائنا اللي سبقونا ( قصدي من يوم ما فتح برنامج الماجستير عندنا بالقسم )

طيب خلونا نشوف الاختيارات المتاحة بالخطة أصلا لكن ما تم تفعليها

( خلونا نقول مافي دكاترة تكفي مع اني أشك ف هادا الشيء / لانو الظاهر انو القسم مليان اعضاء هيئة تدريس ومتكامل ... أو خلونا نقول انو مافي طلب عليها من قبل الطلاب اللي سبقونا / طبعا ما حيفتح القسم شعب وينزل مواد مافي طلاب بيطلبوها فعليا )

طيب الحقول المتاحة وغير معروضة أيش هيا ولاحظو معايا لو تكرمتم :

1- اقتصاد دولي ( مواده : تجارة دولية / تمويل دولي )

2- تاريخ الفكر اقتصادي ( تاريخ الفكر 1 / 2 )

3- التنمية والتخطيط ( تنمية اقتصادية / تخطيط اقتصادي )

4 - الموارد والطاقة ( الموارد الاقتصادية / الطاقة )

5- الصحة والبيئة ( اقتصاديات الصحة / اقتصاديات البيئة )

6- النقل والمواصلات ( اقتصاديات النقل / تخطيط التنقل الحضري )

أنا مثلا أشوف فيها حقول تجذبني ليها أكتر بكتير من بعض الحقول المعروضة

طالعو فيها مزبوووووط مزبووووط هههههه وقارنو بين المعروض وهادي ال 6 حقول

اختيارات زملائنا السابقين حلوة بس ممكن ما تناسبنا أو ما تناسب سوق العمل الحالية أو تطلعاتنا الأكاديمية خصوصا للي يرغب يكمل ف الدكتوراة :)

وهادي خطة مواد البكالريوس لاحظو فيها المواد الاختيارية

http://economics-dept.kau.edu.sa/con...g=AR&cid=37856

ولاحظو حقول الماجستير الاختيارية

ممكن نلاحظ انو الدكاترة هم نفسهم اللي يدرسوا هنا ف الماجستير ويدرسو هناك ف البكالريوس لانو فيه تشابه ف كتير من المواد :)

الخلاصة :

أنا اتصور انو الحقول المعروضة عندنا ف الماجستير حاليا تعتبر بشكل أو بآخر امتداد لمسار اقتصاديات النقود والمؤسسات المالية اللي عندنا ف البكالريوس

ولعلو يكون عندنا فرصة ف الماجستير اننا نطلع شوية عن هادا المسار

طالما انو المواد الستة الاجبارية اللي عندنا ف الماجستير هيا الاساس لكل الحقول ال 11

ولعلو فيه أحد يشاركني هادي الأفكار وحاب اننا نتوسع ف الماجستير ونختار اللي احنا نحبه ونبدع فيه اكتر من التاني

بس :)

ويا ليت نتشارك الآراء ونخطط لمستقبلنا صح خصوصا احنا اللي بيدرس منا مواد تكميلية أو اللي ف الترم الأول ف الماجستير

وطبعا لازم نستفيد من خبرة زملاءنا اللي لسه ما تخرجو واللي تخرجو كمان عشان تتكون عندنا الصورة الكافية بشأن هادا الموضوع الجميييييييل

وتحياتي ليكم زميل زميل وزميلة زميلة :)

ملاحظة ع الطاير :

البكالريوس عندهم 7 مسارات المتاح منها مسار واحد فقط :(