الثقافة الإسلامية 4 ((إعتراااااااااااااض))

[آمال وطموح]

بسم الله الرحمن الرحيم

بدون مقدمات

المواد العامة لابد ان تكون مواد تفيد الجميع وهي مواد لطيفة لابد ان تمر تاركة اثر طيب في النفوس

بالنسبة لثقافة 1 كانت مواضيعه ممتعه ومفيدة عن العقيدة كما اذكر

ثقافة 2 عن الوحي وامور جميلة

ثقافة 3 عن الزواج

كلها مواضيع مقبولة أساسها مقتبس بعناية من الفقه الإسلامي والعقيدة الإسلامية

________________________________

ثقافة 4 موضوع هادف "الأخلاق"

إلا أنه موضوع انشائي بشكل كبير أساسه فلسفي موضوع يفضل أن يقدم لطلاب الإبتدائي بشكل مفصل لأن الإبتدائية مرحلة التأسيس

موضوع مهم لكل مسلم ومسلمة ولكن لا تصلح كموضوع لمنهج كامل يدرس على مدى ترم كامل في المرحلة الجامعية !!

ويمكن ادراجها كفصل من الفصول أو باب في كتاب ... الخ

في النهاية أشكر كل اللي تعبوا في الكتاب وعبروا بإخلاص وتفلسفوا فلسفة جميلة تسعد النفس قراءتها ولكن صعب اختبر في فلسفة غيري لإن كلن وله وجهة نظر وده يكتبها ويألف كتاب يحمل عنوان لها.. !!!

في الختام أنا أعارض بشدة هذا المنهج واذا كان تبغون رأيي كطالبة علم أفضل أن يتم تبديل هذه المادة بمادة فرق وأديان من قسم الدراسات الإسلامية لتعم الفائدة الجميع ..

[ساكو]

انا ماعندي هالماده او بالاصح ماخذتها للحين
لكن تعترضين منها ليوم الدين المنهج منهج ومحد حووولك
وبصراحه الثقافه بشكل عام منهج غير مفصل ابدااا تحسين
تتكرر المواضيع والعبارات بكثره
الحل هو ...
امسكي القلم وحددي الاهم ثم المهم والعبارات والمقولات اللي فيها احكام
وفيها توجيهات هذي المهمه .. فيه اشياء بالثقافه من سهولتها نفهمها
بس لو جت نصآ ماعرفنا مين قائلها ولا معناها وغالبا فيها احكام وفرائض ووو
بس من كثر مانكون فاهمينها مانهتم وهي سهله جدا بس تحتاج تحديد وتركيز ..
والله يوفق الجميع يارب

[آمال وطموح]

لا تقولين كذا للحين ما اخذتي المادة بس لين تاخذينها ان شاء الله على خير راح ترجعي هنا تردين على الموضوع وتقولين وانا بعد اعترض بشدة ههههههههههه

[رحال1]

انا اخر ما اخذت ثقافة 3 بس بكل صراحه وبعد عن المجامله يستحقون الشكر والتكريم من قام على هل الماده لانها تفيد الكل ومهمه لكل مسلم ومعرفة اساسيات دينه خاص بهل الزمن الي كثر فيه التشكيك بالدين وبمصادره ونفسي تعمم على كل جامعات المملكه وهي ماده مهمه وسهله وسلسه بقرأتها ويستمتع من يقرأ فيها ولكن انصح من يضع الاسأله ان تكون تعتمد على الفهم وليس الحفظ لان اهم شي كون عند الطالب تصور بطريقة النقل ومصادره لان اصعب شي عنده عدد او التواريخ .

[اسير]

والله أعتراضك غير صائب وليس بمحلة

وبالنسبة للعقيده في حالة انك تبي تقراها علشان تنجح فيها فهذا والله لاتكون مادة شيقة لك

اما بالنسبة لقرائتها علشان تطبقها في حياتك فوالله ماده حلوووووووووووووه

واذا حابة تعترضي روحي للمواد الثانية في الاقسام الاخرى

[آمال وطموح]

انت تعارضني على اعتراضي على أي أساس يالحبيب ؟

اعطيني وجهة نظرك بالضبط هذي مادة عامة وأنا اقدر اتطرق لمواد أخرى ولكن هذي المادة بالذات تاخذها الجامعة كلها الجميع مطالب فيها هل معقول انها تكون فلسفة في فلسفة وبعدين نطلع بإيش؟؟

انا ماني معترضة على الموضوع بحد ذاته .. موضوع الكتاب مثل ما قلت موضوع هادف ينفع الواحد يقراه يطلع عليه ويمشي لكن يصير منهج ونطالب فيه وهو في النهاية موضوع انشائي !!

انت متخيل موضوع الثقافة باب وتعبره والسلام ؟ كم ورقة عليها تعبير تحفظ التعبير وتروح تحل !!

ما تحس انك تحتر وتنقهر يوم انك تطالب بإنشاء !

والله لو انه موضوع فقهي فيه احكام فقهيه البنود اللي فيه مكتوبة بهدف واضح مبني على قال الله وقال الرسول انا أحيي هذا الكتاب وراح اقراه من الفه الى ياؤه وماعندي مشكلة اختبر فيه

لكن فلان وفلان اجتمعوا وقرروا يخترعون بنود للأخلاق وياليتها بنود واضحة تقتدر تستوعبها انت كل اللي عليك تشوف المية بند اللي جلسوا فلان وفلان يعبرون فيها وتحفظ اماكنها بالضبط عشان تطلع من المادة على خير وانتهينا

وش استفدت منها ؟؟

[ro7i Leek]

الاخ اسير انتا مستوى ثالث والاكيد انك لسه ما اخدت هالماده


فا الله يرضى عليك لما تشوف المنهج وتختبر فيه تعال ابدي تأييدك او اعتراضك ..

وشكراً~

[آمال وطموح]

شاكرة لكم مروركم نفسي اعرف آراء اللي درسوا المادة !!

[Esraa.MD]

لا يشيخة حرام عليكي يعني هيا مادة عامة واحنا مو تخصصنا دراسات اسلامية يروحو يحطولنا مادة صعبة ولا شي صعب ومعدلنا يتخسف لا والله خلي كدا سهل

[آمال وطموح]

طيب بلاش يحطون شي صعب يعني كان مجرد اقتراح مو اكثر
المهم يخترعون شي جديد ويحطون الاخلاق باب من ابوابه او ياليت يعطونا كتاب من الكتب المعروفة نذاكره يفكونا من المواضيع الانشائية حقتهم !!