يآ ناس مستقبلي يضيع والسبب خطأ خادم داخلي http 500

[السيّد ضرس]

السلام عليكم
تحية طيبة للجميع .!

يآ جماعة أنا سجلت بالقبول أبي دراسات عليا خاصة المهم اني سجلت واعطوني رقم طلب وكل شئ تمام ما بقى غير اني اكمل بياناتي ومعلوماتي ومؤهلاتي .!

بس المصيبة اني لما أجي أدخل معلوماتي الشخصية واحط التالي يطلع لي خطأ خادم داخلي http 500
وتنمسح المعلومات اللي حطيته جربت اسوي حفظ قبل اروح للخطوة اللي بعدها ونفس المشكلة
قالوا الموقع عليه ضغط وزحمة ومدري ايش

فقررت اصير ذكي وادخل بوقت مافيه احد ودخلت قبل صلاة الفجر بخمس دقايق

وبرضوا نفس المشكلة يعني معقولة الناس هذيك الليلة كلهم صاروا اذكياء مثلي

قلت يمكن المشكلة من متصفح الإكسبلورر وجربت بمتصفحات ثانية وبرضوا نفس المشكلة

جربت من جهاز ثاني وجربت من نت dsl وبرضوا نفس المشكلة

ولي اسبوعين على هالحالة يا ناس وش اسوي بنفسي ؟

انا خلاص تعبت نفسيّاً تعبت وانا اكتب اسمي بالإنجليزي مليت والله قرررف

إذا الموقع ما يبيني لا يتعبني كذا ترى انا واجد واجد مسكين

شاكر لكم مقدماً

[عماد الحسن]

حياكم الله أخي ، الله يعينكم على هذه المشكلة
اسمحلي ،، كيف المشكلة من أسبوعين وليش ما كتبت موضوعك من أول ، مثل ما تعرف الأن ظهرت نتائج القدرات وهناك آلاف الطلاب والطالبات يدخلوا الموقع كل ساعة لتقديم الطلي وكان المفروض إنك تستغل الفرصة من بدري وتكمل طلبك قبلهم!
عموماَ أنصحك تتابع الموقع وتراجع كل بياناتك، ولا تنسى تكتب البيانات في ملف وورد مثل البريد وتاريخ الميلاد وغيرها وبعدين تعمل نسخ ولصق حتى لا تقوم بكتابتها في كل مرة.. الله يسهل عليكم.

[أبو شدن]

لعل المشكلة من المتصفح أو اتصالك او جهازك جرب تغير :)

[السيّد ضرس]

عموماً مشكورين يالغالين ما قصرتم وابششركم انحلت المشكلة
سبحان الله فيكم بركة والله
تدرون وش طلعت المشكلة ؟
طلعت بإسم جدي الله يرحمك يآ جدي
اسمه سعد وانا متعود احط فاصله زي كذا sa'ad
وجاتني فكرة غبية اني اشيل الفاصلة وزبطت معي

أخيراً بس يآ ربي لك الحمد

[السيّد ضرس]

طيب عندي استفسار ثاني لا هنتم
ابي اسجل بالدراسات الخاصة ماجستير التوجيه والارشاد
وبالرغبات ما طلع لي إلا ماجستير التخصصات هذه

ماجستير علم وظائف الأعضاء1ماجستير التشريح2ماجستير علم الكائنات الدقيقة الطبية3ماجستير الكيمياء الحيوية السريرية4ماجستير علم الأدوية5ماجستير الاقتصاد المنزلي التربوي6ماجستير الاسكان وادارة المنزل7ماجستير الملابس والنسيج8ماجستير الفنون الاسلامية9ماجستير علوم الحاسبات10ماجستير علوم الفلك والفضاء11ماجستير الكيمياء الحيوية12ماجستير علوم الأحياء - السليمانية13ماجستير الكيمياء - السليمانية14ماجستير الرياضيات15ماجستير الفيزياء16ماجستير الاحصاء17ماجستير طب أسنان الأطفال18ماجستير الصيدلانيات19ماجستير الكيمياء - الفيصلية20ماجستير علوم الأحياء - الفيصلية21

وش السواة ؟ شكلي داخل على رابط غلط ؟
ممكن تفيدوني إذا فيه رابط خاص بالتوجيه والارشاد

[ramoos]

هل عندك اختبار قدرات مسجله ام لا