كل واحد من كلية علوم البحار يكتب لي ايش يبي تخصصه....

[sam01]

ايش يبي يتخصص بالضط وليش لابد ان نتناقش عن موضوع التخصص باذن الله

[yoyo]

بصراحة يمدحون قسم الدراسة البحرية

[KING OF BIO]

ياشيخ هذا التخصص اصلا ما لو داعي ما لي اي مجالات في المملكه يعني تتخرج من هنا تاخذ تدريب شهرين في سوق البنقله احسلك حوووووول بسرعه

[haitham]

المشاركة الأصلية كتبت بواسطة king Of Bio ياشيخ هذا التخصص اصلا ما لو داعي ما لي اي مجالات في المملكه يعني تتخرج من هنا تاخذ تدريب شهرين في سوق البنقله احسلك حوووووول بسرعه

يا اخي أحترم عقولنا

[أسد العرب]

احكي لك معاناتي دخلت الجامعه قبل سنتين ونصف وطوال هذه السنتين والنصف جميع الطلاب الي في الكليه يناضلون ويكافحون بل ويقاتلون من اجل التحويل من الكليه هذي بأ ثمن وانا من الله علي بل واكرمني بأن صار معدلي 3,02 بالظبط طبعا بكيت ثم بكيت ثم بكيت من الفرحه وشردت بل وهربت بل ما صدقت على طول رحت كلية اداره واقتصاد بالنسبه عن التخصصات كتب في جريدة عكاظ قبل شهور عن ناس اتخرجوا منها الي هي فيزيا بحريه وكيمياء وطقته ومالقوا تصنيف لهم في الخدمه المدنيه يعني بلطوا البحر اما عن الدراسات البحريه سألت مهندس بحري في وزارة النقل قال اشرد واهرب مالها اي مجال تلقاهم الأخوان ما صنفواها في وزارة الخدمه المدنيه حول وحنفش زي ما انا حنفشت واشرد مالها تصنيف من وزارة الخدمه المدنيه

[daddys_girl]

معاناة اسد العرب بيمر فيها مئات الطلاب و اخويا واحد منهم بس حمدللة حول بعد سنة و نص هندسة ... و للاسف اخويا التاني في نفس المشكلة دحين بس إن شاء الله كمان حيحول هندسة دا الترم
المشكلة انو احنا بلد على البحر يعني افظع كلية مفروووووووض تكون علوم البحار و تخصصاتها الأكثر اقبال
بس اي احد علوم بحار يقولولو فين شغلك في البنقلة":) للاسف الشديد

[fofo_912]

انا اعتقد انو هادي الكلية مالها مستقبل
وكل اللي اعرفهم حولوا من عندها

[كوع نمله]

ايش التحطيم هذا
كل واحد مجرد انو يفكر يدخل الكليه هذي ويجي على المنتدى ويشوف كلامكم والله تنسد نفسه
مين قال مافيه مجالات
انا اللي سمعته انو اللي تخصصه احياء بحريه له فرصه في المزارع السمكيه وهذا اول مربوط له على ما اعتقد حوالي7 او 8 الاف
وعندك كمان المواني مين يشتغل فيها اكيد راح يكون فيها فرص وظيفيه
وغير هذا كله للي يبغو العسكريه ياشيخ الواحد يروح للكليه البحريه وراح يقبلوه غصب عنهم وراح يكون اولى من غيره
واقلها عندك لو الواحد كان معدله حلوو راح ياخذونه معيد في الجامعه

انا معاكم ان الكليه هذي مالها خيارات واسعه بس برضوه فيه وظائف

[ابو دعاء]

الى طلاب الاحياء البحرية تحياتي لكم بالخاصة لأني كنت واحد منكم اتمنى لكم التوفيق والسداد اخوكم ابو دعاء

[Ra7mOnY]

من يوم مادخلت هالكلية وانا ندمان على ايامي اللي ضيعتها فيها

صراحة كلية مافيها اهتمام بالمرة واللي بالكلية فاهم قصدي خصوصا المستجدين

انا حولت الحمدلله وصراحة نفسي انهم يهتمون فيها زي باقي الكليات

تحياتي لكم ,,