السلام عليكم .. محتاج مساعدة اخوكم في كلية الطب ؟

[dr-fahem]

السلام عليكم اخواني واخواتي معاكم اخوك ماجد من كلية الطب في جامعة الملك عبدالعزيز سنة اولى ..

أتمنى لو عندكم معلومات عن دكاترة كلية الطب واسلوب طريقتهم في وضع االامتحانات او الكويزات .. عشان اعرف بس وشلون تجي الطريقة ؟؟ وكيف ندرس من الكتب .. والطرق هذي

اذا ما عندكم مانع طبعا ..

مشكور

ويا ريت الاضافة على الماسنجر للتفاهم ma11jed@hotmail.com

[finaldream]

شوف يا خوي الكويزات دايما ما تكون عبارة عن MCQ ( اختيار من متعدد )
وهذه دايما تكون سهلة واغلب الطلاب يجيب فيها درجات جيدة

المشكلة هي امتحان النصفي والفاينل
لانه حيكون اختبار شامل فيله اكمال الفراغات وشرح ومقارنة وهذا كله بالانجليزي
بس ان شاء الله ما تواجه مشكلة

بالنسبة للمذاكرة
على حسب المادة
يعني الانجليزي ما اظن انك بذيك الدرجة من الصعوبة بس اهم شي تحفظ الكلمات اللي في كتاب chabner
الكيمياء والله انا اشوف انه شرح الدكاترة من احسن ما يكون والكلام اللي يكتبوه على السبورة يعطيك جو انك لسا في الثانوية
نجي للفيزياء وبصراحة كثير من اللي اعرفهم عادوا دور ثاني فيها هي مهي صعبة بس المشكلة انها بالانجليزي
في ملخصات لكل فصل تاخذه فيها حلول التمارين واهم القوانين
بس اهم شي انك تحاول تحل التمارين بنفسك

اخر شي البيولوجي
تعتبر مادة سهلة لكن لو خليتها تتراكم عليك صدقني حتضيع ومحا تعرف كيف تذاكرها
هذه المادة محاضراتها كثيرة ودكاترتها لا باس بس مو ذيك الدرجة ( في عيال كان يهربوا من بعض الدكاترة لانه من جد ما كان يفهم شي لانه الدكتور كلامه كله بالانجليزي وبسرعة )
اهم شي انك تحضر وتكون مذاكر اول باول

طبعا سيرة المعامل انا ما جبتها بس ان شاء الله يكون المشرفين عليها وضحولكم ابرز الامور

ان شاء الله ما اكون قصرت في اي شي
واي استفسار انا حاضر

زميلك في السنة الثانية طب بشري

[dr-fahem]

مشكور كفيت ووفيت يعيطك العافية .. بالنسبة للمعامل اخواني المشرفين اتمنى الجواب على المعامل .. كيف الاختبار في معمل الفيزياء والكيمياء والاحياء ياريت الجواب . وخاصة الفيزياء يا ريت ؟

[Dr. Medo]

السلام عليكم

أول حاجة الفيزياء : ينزل قبل الاختار شيت بالعربي عن الخطوات و التحويل في الوحدات لكل التجارب يعني كتاب المعمل ما تحتاجة ابدا الشيت العربي دا كفاية و ياخد منك مزاكرة يومين بالكتير...

أما الكيمياء: فالإختبار النهائي عبارة عن سكيم زي الكويزات يعني يعطيك مادتين مو معروفة و تسوي عليها الخطوات اللي مكتوبة في الاسكيم و خلاص تطلع النتيجة تكتبهاو خلاص

اما الاحياء: فلازم تزاكر كل شي اول باول لأنه طريقة الاختبار بالوقت يعني كل طالب يجلس على العينة دقيقتين و يدق الجرس تنقل على العينة التانية. و كل عينة يحطولك دبوس على شي معين و تكتبه في الورقة بس

و الله يوفق الجميع