مرحبنبكم ياشباب الجامعه انا عضوة جديدة من قسم الاحصاء ابغى مساااااااااااااااعده

[البنت الكوووووووووووول]

سلااااااااااااااام حبايبي في كلية العلووووووووم بس انا جدا حزينة على نفسي اتمنى انكم تساعدوني
اسمعو معاناتي الاخت<<جابت نسبة ولا في الخيال في الثانوية العامة<كانت تبغى طب ودخلت اختبار القبول واتشاتت على العلوم
قلنا يلا ندخل حاسب دخلنا اول سنة مافلحت<< في باقي المواد
قالت بلاش حاسب ندخل احصاء والسمستر دا كان اول سمستر لي في الاحصاء <========تقولو فلحت
حملت احصاء 211وهذا التخصص كرهت الاحصاء ودحين طالعة في راسي احول احيااااااااااء
ها اش رايكم احول وعلى فكرة انا دحين درست 4سمسترات يعني لودخلت احياء اش بيصير ولا ارضى بنصيبي في الاحصاء
وسلااااااااااااااااااامتكم واسفين على الازعاج

[عــــامـــر]

اسمعي يا شطوره انتي لمن دحين ما دخلتي في مواد التخصص
الارباع الاترام الاولى عادة مواد عامه حا تاخديها في اي تخصص تدخليه فما تقدري تحمي على نفسك او على القسم من هذه الاترام ممكن تحكمي على نفسك من الماده العامه الي اخدتها وتشوفي المواد العامه الي سويتي فيها كويس تتبع اي قسم
واذا انتي كنتي راغبه طب في اقسام قريبه للطب في كلية العلوم يعني عندك شلة كيمياء حيوي اسأليهم عن افسامهم واحياء كمان زي ما بتقولي بببرضه قريب من الطب يعني شوفي انتي في ايش سوويتي كويس وشفوي رغبتك ايش وشدي حيلك

يالله بالتوفيق وإن شاء الله نسمع منك احبار حلوه

[عــــامـــر]

اسمعي يا شطوره انتي لمن دحين ما دخلتي في مواد التخصص
الاربع اترام الاولى عادة مواد عامه حا تاخديها في اي تخصص تدخليه فما تقدري تحكمي على نفسك او على القسم من هذه الاترام ممكن تحكمي على نفسك من المواد العامه الي اخدتيها وتشوفي المواد العامه الي سويتي فيها كويس تتبع اي قسم
واذا انتي كنتي راغبه طب في اقسام قريبه للطب في كلية العلوم يعني عندك شلة كيمياء حيوي اسأليهم عن قسمهم واحياء كمان زي ما بتقولي برضه قريب من الطب يعني شوفي انتي في ايش سوويتي كويس وشوفي رغبتك ايش وشدي حيلك
بعدين من اي ترم اتخصصتي انتي كيف تجي هذه الاربع اترام بعد التخصص ولا قبل لو بعد التخصص وماشيه كويس يعني ما ترسبي حرام تعيدي وتضيعي كم سنه من عمرك الا اذا انتي رغبانه القسم التاني اما لو بس كدا بتدخلي تمشية حال لا خليكي في قسمك احسن ولا تضيعي سنين عمرك.

واحب اقلك لا تحطمي نفسك ولا تزعلي نفسك عشان ما انقبلتي طب يمكن خير لكي ما تعرفي مستقبلك فين حا يكون
لا تضيعي عمرك عشان ما انقبلتي طب وما هتمي في دراسنك خلاص هذا المكتوب لك شدي حيلك
ولا تجلسي تقولي في بالك ايش يبغى الفيلسوف دا ترى انا مخبص الدنيا اكتر منك وعلى قولهم (ما عندي ما عند جدتي)

يالله بالتوفيق وإن شاء الله نسمع منك احبار حلوه

[البنت الكوووووووووووول]

والله مشكوووووووووووووووور اخوي جد ماتقصر من ذوقك كويس بس انت<<بس عبرتها اظنك حاسس يمعاناتها
يااخوي انا والله الحمدلله الاترام الي فاتو الاثلاث سويت كويس يعني كان معدلي فوق الاربعه والنص بس الترم هدا الرابع فليييييييييييييييييييييييييتها واديت الدنيا طناش وجات على راسي وحملت الاحصاء والله اتصدمت صدمة اول مرة في حياتي احس اني انسانه فاشلة بس يلا نصيب على قولتك حرام اضيع سنتين فشوش اكمل احصاء والله يعين

فلسفتك جابت نتيجه لا تخاف

[عــــامـــر]

الله يوفقك وعن حاس بنعانتك فانا حاس بيها لاني انا كمان محول من كليه لكليه

[البنت الكوووووووووووول]

ليش وين كنت وين صرت عموما اخوي الله يوفقك ويوفق كل طلاب الجامعة
ويجي اليوم الي نطلع منها الله المستعان من جامعه

[عــــامـــر]

كنت هندسه وحولت اداره قسم انظمه

[Mr.X]

ما أدري يا بنوتة كووول...بس ليّا واحد صاحبي في العلوم برضو دخل إحصاء وكره عمرو من الـ 211 بس عدّى منا ب دي بلص!! يعني هيّا بصراحة شكلها مادة رزلة فعشان كده لاتحطي في بالك إنك فاشلة ولا أي شي من الكلام ده...
وأحمدي ربك إنك حملتي مادة في التيرم الرابع مو من أول تيرم -زي بعض ناس- "ولا تحسبي الكلام عنّي ..أوكي؟" فيعني الموضوع عادي "مو عادي مرة بس تصوريه كدا وقرري إنها تكون المرة الأولى والأخيرة زي ماسويت أنا والحمدلله كدا قررت وكدا صار"
المهم ماعلينا من الكلام الفاضي دا... نجي لموضوع التخصص
بصراحة ليّا واحد صاحبي تاني برضو في العلوم "أنا معظم اصحابي في الإدارة والعلوم أنا الوحيد اللي اترميت في الهندسة" أعتقد كان حاسبات ويبغى يحول أحياء أصحابه اللي في الأحياء نصحوه إنو لالالالالالا ولا تفكر تحول أحياء لأنها دراسة رزلة والدكاترة معقدينها على ولاشي وقالو إذا مرة ماهو فالح في قسمه يحول إدارة واقتصاد إنتساب أو انتظام المهم ما يحول أحياء!!
دا اللي أعرفو .. وإذا تبغي تفاصيل أكتر .. تحت أمرك

[عــــامـــر]

ترى يا بنت كوووووووول مو مشكله لو رسبتي مره ولا مرتين في الجامعه محد يقدر يحدد وضعه بالذات مع الداكتره المهم انك انتي بتحاولي تسوي الي عليكي وخلي الباقي على ربنا

[البنت الكوووووووووووول]

مشكورين اخواني والله جامعه ودكاترة رزلين >>وبنات فاشلين هههههههههههههههههههههههههه
من جد ترى احلى شي الفلة وطز في ام الدراسة عموما مصير الوحدة فينا بيت زوجها خخخخخخخخخخخخخخخ
وعادي زي ماتجي تجي مادة مادتين في اهية والله زمان يابنت كوووووووول فين عصر النهضة والدوفرة كنت دافورة وان عصر الانحطاط بسم الله عليكم اجمعين