اتمني يوصل لاكبر مسؤولين الجامعه_معاناه في السكن الداخلي

[الامل المنشود 123]

السلام عليكم ورحمه الله وبركاته

كتبت هذا الموضوع من القهر الي فيني والذل الي شايفينه بنات الانتظام والانتساب من الاداره والمسؤولات في سكن الطالبات الداخلي لجامعه الملك عبد العزيز
واتمني ان المسؤولين يشوفوه على شان يعرفو البنات قد ايش عانوا ولسا بيعانو فيه
اغلب الي في الاداره شايفين نفسهم على البنات ,والدكتوره وكيله العماده للاسكان والتغذيه المصونه د.تحية عبدالله ابراهيم ميمني ماتكلم البنات الي خصام كانهم ماكلين حلالها ليش طيب هم ايش سوولها حق الاهانه هذي كلها
و سعاد الرفاعي المديره وحمده مساعدتها في كل شي تسويه اهانو البنات وذلوهم مايدرون ان هم موجودين على شان هدول البنات وبدونهم مالهم وظيفه شفت هذا بعيني وعاصرته بما اني كنت طالبه في السكن
مثلا تقول أ.سعاد لوحده من البنات تعالي اليوم الفلاني وماتداوم (ويامكترهــــــــــا غيابتها) ماافتكر شفتها في يوم احتجت اسالها فيه عن شي او تقول كلام ولما يروحولها البنات تغير رايها..!
وتجيك حمده الي كل ماكلمتها طالبه كلمتها من طرف خشمها كان البنت جايه تشحت منها وكل شي عندها لا مافي ممنوع (ارحميني) تستانس لما تشوف البنات متعذبين ومتبهدلين
او او او او ياااااااامكثرها من مواقف يحكون عنها البنات ..ليش طيب ؟؟
هذا بنات الانتظام وبنات الانتساب ادهي وامر مايدخلون السكن الا بعد طلوع الروح وروحي وتعالي من والي البوابه (تحت الشمس الحارقه طبعا) البنت ماتخلص اجراءات الدخول الا وهي بتموت تعب وتكون جايه من اخر الدنيا
فوق هذا مايدخلونهم الا اول يوم دوام لهم يعني مافي راحه يادوب يدخلون ويتجهزون على شان الجامعه......!؟
جاتهم د.كاتبه الله يريحها ويعطيها الف عافيه على قد مايدعون لها بنات السكن خلت مبني كامل بس لطالبات الانتساب بحكم ان دوامهم غير الانتظام ومو كلهم يعرفون بنات انتظام كيف يسكنون طالبه انتساب مع انتظام كييف تدخل البنت عليها في غرفتها باغراضها وكل وحده لها نظام ودوام مره غير ؟؟؟
ليش رجعو اخذوا المبني الي كان سنه كامله لبنات الانتساب وسكنو فيه بنات بحجه السكن مافيه غرف (معقوووووووووووووووله)مستحيل ليش مافي بنات اتخرجوا؟؟؟؟ ولا بس هدي السنه بس الي سار مافي غرف في السكن كله...
بنات الانتساب مااتوقع طلبو او يبون شي غير مكان امن يقعدون فيه وحافلات توديهم وتجيبهم الجامعه والسكن الداخلي انسب مكان ليش تضيقون عليهم قد كدا مايكفيهم البنات مغتربات كمان مذلولات وربي حرااااااااام الله مايرضي بالظلم (الظلم ظلمات يوم القيامه)مايرحموا ولا يخلو رحمه ربي تنزل على الخلق...
يعني اكتر من كدا صراحه مافي الدوله والجامعه موفره للطالبات انتو بتمنعونهم؟؟؟
كانو البنات مره مرتاحين بالنظام ان الانتساب سوا في الغرف بس دحين تفرقوهم على الغرف وعلى المباني وتخلونهم يروحو عند بنات مايعرفوهم ويمكن مايرتاحون مع بعض ترضوها لانفسكم ولا لعيالكم (طبعا لا) اذا ليش ترضونها لغيركم..؟؟؟؟!
غير ان الانتساب مالهم احقيه ياخدو مفاتيح لغرفهم (مو معقووووووول)نص اشياء البنات وهم في الجامعه بتنسرق ولما يشتكون عند حمده او سعاد ايش يقولولهم :خذو معكم اشيائكم المهمه كلها للجامعه (يعني البنت بتشيل اغراضها كلللللللللها للجامعه) يسير الكلام هدا اوك يسلموكم المفاتيح قبل يطلعو من السكن بس خليهم يضمنو اغراضهم وهم بره
وغير وغير وغير الوحده ماتدخل الاداره عند سعاد وحمده الا حاطه يدها على قلبها من الي بيسووه فيها..
وحيبدا هذا من جديد يوم السبت الموافق 1432/10/17 اول يوم في دوره بنات الانتساب ...
السكن الداخلي مكان نظيف و امن للبنات وتقريبا فيه كل التسهيلات بس هالاداره مو مريحين البنات ابدا...!
ليش كل هدا يشوفوه البنات وبنات الانتساب بالذات بس اسال انا ترضوها لبناتكم..؟
ماتخافو ربي يحطهم في نفس الموقف..؟(والدنيا دواره)
مايقولو الا (حسبي الله ونعم الوكييل فيكم ..حسبي الله ونعم الوكيل فيكم ..حسبي الله ونعم الوكيل فيكم)
جعل حوووووبه كل (ام) حرقتو وعورتو قلبها على بنتها وهي تسمع الحكاوي ماااتعداااااااااكم..
البنات بس يدعون عليكم في صلواتهم وانا وحده من البنات الي ماراح اسامحكم ليوم الدييييييين..
اتمني موضوعي وكلامي يوصل للمسؤولين الكبار واكبر مسؤول في الجامعه ويوصل لكل الناس عشان يعرفو البنات ايش بيشوفو هناك واتمني جد اي احد في يده سلطه يتصرف في هدا الموضوع لان البنات جد جايات يدرسون مو جايات للعب ابدا الله يريحه ويعطيه الف عافيه ويعطيه الي فباله الي راح يريح البنات راح يدعوله طول عمرهم ..

بقلمي ومن حرقتي والمي :
الامل المنشود

[شبيهة البحر]

الله يهون عليهم ويفرج عنهم
هذآ موتصرف حضاري المفروض يكونوا مستوعبين
إنو هذول البنات امانة في يدينهم
الله كريييييم

[عبادي$]

والله ان كلامك اثر فيني !
صراحةً شي غير منطقي دا اللي يسير !
المفروض يتوفر لهم كل شي لانهم جايين يطلبوا العلم ومن اماكن بعيده وناس تعبت لمن وصلت دا المكان ومع دا كلو يلاقوا معامله تخلي نفسية الواحد متكدره طول الوقت !
دا شي مايرضاه الله ولا رسوله واتمنى يتغير الوضع في اقرب وقت ..
المسؤولات اللي يعاملوا البنات بالطريقه دي انا اقولهم اتقوا الله فيهم ويمكن يجي يوم يتغير منصبكم وتكونوا تحت رحمة اي مديره او مسؤوله ماترحمكم وتعاملكم بنفس الطريقه وتتذكروا معاملتكم السيئه للبنات !
( الكراسي دواره مافي شي يبقى على حاله ابدا )
الله قادر في يوم وليله يغير الحال ,,
وكلمة حسبي الله ونعم الوكيل اللي يتحسبوا البنات عليكم فيها والله مو سهله لانهم وكلوا رب العالمين ..
شي قهرني الصراحه ..
الله يعينكم ..

[البارع]

الله يعينكم يا أخواتي والله شيء يقهر ولكن الله يعينكم ويصبركم ان شاء الله
والمسؤؤؤؤؤؤؤؤؤلات لازم الوحده تنفخ رووووووووووحها وتشوف نفسها على الطالبات

[رزان 18]

ياشيخه

من يسمعك ...!

قولي حسبي الله ونعم الوكيل ..

[جنااااااان]

حسبي الله ونعم الوكيل فيهم

[الواثقة بربها]

هادا كووم وانو تجلس البنت بدوون مكيف شهر وفي ايام الصيف..
بالله يرضي مين الكلام هادا ..
حسبي الله ونعم الوكيل..
حسبي الله ونعم الوكيل..
حسبي الله ونعم الوكيل..
حسبي الله ونعم الوكيل..

[رزان 18]

روحي للدكتور عبد الفتاح مشاط
حاولي توصلين له
هذا الدكتور مره طيب ويسمع لكل الطلاب والطالبات

[فواصل همس]

الله يعينكم

[الحائرة دائما]

الله يعينكم معاناة الصراحه يارب ينصلح الحال

بس بعلق على كلمة اسمحيلي لانها غلط تنقال وهي

مايرحموا ولا يخلو رحمه ربي تنزل على الخلق...

لأنه لا أحد يستطيع أن يمنع نزول رحمة الله تعالى : "ما يفتح الله للناس من رحمة فلا ممسك لها وما يمسك فلا مرسل له من بعده وهو العزيز الحكيم "