عندي مشكله صارت لاخوي وهو بالنسبه التحضيريه الفصل الثاني؟؟؟وابي لها حل؟؟

خالد البليهد · #1 08-06-2010, 08:29 PM

مساء الخير للجميع
ويسعدني اني اشارك معكم من جديد بالمنتدى بعد سنه من تخرجي
والسبب اخوي الحين هو متوجه لجده بلحظة كتابتي للموضوع المشكله
ومافيها ياخوان اخوي عدى الترم الاول بالسنه التحضريه بكلية الاداب
بكل نجاح والترم الثاني هذا حصلت له مشكله هو طبع جدوله بشكل عادي
من موقع الجامعه اللي هو جدول المنتسبين العام وشيك على المواد
وطابقها وطلعت صحيحه وتبدا اختباراته حسب الجدول العام 27/6
يوم الخميس بعد بكره ولكنه تفاجأ من احد زملائه يقول له ترا اختبرنا
يوم السبت الماضي وينك قال اشلون اختبرتوا والجدول يوم27 يوم الخميس
قال والله جاك العلم وحتى انا مثلك بغت تروح علي الاختبارات وسألت واحد
وقال ومكنت عليها وبعض الشباب مادرو ونبي حل للمشكله هو رايح لجده
والجدول معه ومذاكر واخوي ماشاءالله جيد ولا يبي يضيع مستقبله
يوم27/6 فيه طلاب التعليم عن بعد يختبرون في نفس موعده اللي كان جاي
عشانه هل من الممكن يدخل معهم ويختبر لان المواد هي هي والقاعات هي هي
ولادري وش المشكله وربي حرام يروح عليه ترم او يحمل المواد
ياليت تنورني بالحل ولكم مني جزيل الشكر,,,,,

اخوكم في الله خالد البليهد........

خالد البليهد · 08-06-2010, 08:43 PM

ابي حلول بسرعه يالغالين.................منتظركم

اذكروالله · 08-06-2010, 08:44 PM

يااخي مبروك على التخرج وعقبالنا واخيك ان شاء الله
اذا اخوك دفعت 09 وماقبل اختباره يبدا يوم 27/6
واذا دفعت 10 اختباره بدا من يوم السبت اللي فات والله اعلم
واتمنى لكم التوفيق وادعيلى انى اعدي المواد كلها وخاصه الانجلش والاحصاء مع هذا الاذان

خالد البليهد · 08-06-2010, 08:47 PM

المشاركة الأصلية كتبت بواسطة اذكروالله

يااخي مبروك على التخرج وعقبالنا واخيك ان شاء الله
اذا اخوك دفعت 09 وماقبل اختباره يبدا يوم 27/6
واذا دفعت 10 اختباره بدا من يوم السبت اللي فات والله اعلم
واتمنى لكم التوفيق وادعيلى انى اعدي المواد كلها وخاصه الانجلش والاحصاء مع هذا الاذان

الله يوفقك ويخليك اخوي اذكرو الله وان شاءالله تتخرج وتجيب معدل يبيض الوجهه
ونفرح فيك وفي كل الطلاب ......

ومعلومه جيده يمكن تفيدنا يعطيك الف عافيه