شوفوا رد وحدة التوجيــه التربوي على منع العبايه

[بنت انشتاين]

السلام عليكم ورحمــه الله وبركاته
اخباركم صبايا ان شااء الله منــآح ..؟!

حبايــبي حقولكم الموضوع بالتفصيل^^
انا لما رحت الجامعه اليوم اتفــقت مع قروب من صاحباتي انو نروح للشؤون غرفه 31 ونكلمهم بخصوص منــع لبس العبايه داخل الحرم الجامعي ..بس لقينا المكتب مقفل فــرحنا لوحدة التوجيه التربوي في مبنى 13 غرفه 3 وكنا متأمليــن نلقى ناس راقيه واسلوبها راقي في الحوار لكن للاسف !!

كنت فاتحه الباب و واقفه عنده ( مادخلنا المكتب) ومعايه صاحباتي وكان في المكتب ثلاث استاذات على مكاتبهم ووحده جالسه عالكنبه زياره..المهم ما عرفت كيف ادخل في الموضوع و اوضح اعتراضي فقلت لهم لو سمحتوا ابغى اسأل من جد منعوا لبس العبايه ؟ قالت وحده منهم ايووووووووووه من السبت حنبدأ نسحب بطايق المخالفات قلت لها ليه طيب ايش الاسباااب اقنـــعونا احنا مانبغى ننزل العــبااايات قاموا ثلاثه يتكلموا ( الأصوات كانت مرتفعه وكل من مر طالع وألتفت )) ويقولوا عشان الدكتورات في المحاضرات ما يكتأبوا كأنهم داخلين عزاا وبعدين احنا مو في شارع في جامعه ..قلت طيب بما انو احنا في جامعه يعني مو مهم نلبس عبايه او لا.. المهم نتعلم ومو كل الخلق فاضيين يفكروا بكره ايش يلبسوا واحنا من مبنى للمبنى لو نزلنا العبي ماتخلص السنه اللي احنا انحــرقنا ومو كل البنات يقدرواا على مصاريف لبس لكل يووم قالت وحده منهم سووا زي الامريكان اشتروا لكم تنــورتين وتي شيــرتين ومشوا فيها قلت لهاا بس احنا في السعوووديه وقلت في نفسي ( الحين اللبس نسوي زي الامريكاان وانتوا ليه ماتخلوا تعليــمنا زي الامريكاان )والله العظيم ماردوا عليه وسكتوا لانو اسبااب اعتراضي واضحه ومنطقيه اما هما اسباابهم زي وجــــــيـههم وماتقــنع مجنون حتى قال محنا في شارع قال امحق سبب والله .

والشئ اللي يقهرررررررررررر انو وحده وقحه وما عندها اسلوب ( الحرمه الرابعه ) كانت تشتغل عالكمبيوتر قالت لهم قولوا لها مع السلامه ولا تطولوا معاها خلوها ترووووووح وربي انقهرت كأني جايه أشحت منهاا رياال ابــتسمت باستحقار وقلت شكراا وطلعنا انا والبنات كان بامكاني ارد عليهاااا واقولها ماتعلمتـــي فن الحوار ؟ واحترام الآخر ؟ يامشرفه يا متعلمه ؟؟؟؟؟؟؟؟؟
صرآآآآآآآآآآآآآآآآحـــــــــــه قراار سخيــــــــــف وناس مجلســينهم ورا المكاتب اسخف
اتـــمنى من كل بنت تقرأ موضوعي ومعارضه على منع لبس العبااايه تروح وتــتــكلم وتــقــنعهم باسبااابهاا وتطنش ردة فعلهم اللا حضـــــــــاريه بتاتا ولوو سمعوا اصوات كثيره صدقــوني نظامهم هذااا حيــخـــمــج في مكتب اللي أمر بتــنــفيذه

تحياتي للجميع واسفه عالاطاله ..(( وانا ماسويت هذا الشئ للمعارضــه من اجل المعارضه لااا.. سويت كذاا لانو انا مو مقـــتنعه باللي يبغوه وماتعوودت اسوي شئ يخصــني ومو مقــتــنعه فيه ))

[ღღღبيـــاض الثــلـجღღღ]

ماشاءالله والله خطوة شجاعة منك انك رحتي وكلمتيهم بس للأسف مااعتقد يسمعووا منك؟؟؟

ننتظر يوم السبت ونشوف اش يصير ؟؟؟؟

بس اعتقد الحكاية حق اسبوعين 3بالكثيرررر راح يلتزمووابالقرار وبعدين راح يطفشووووا لان البنات مااعتقد يلتزمواا بهذا الشيء وعندهم حق صراحة الواحد مو فااايق يتكشخ كل يووم العبااية ستر والله

[بنت انشتاين]

لو الكل راح وتكلم حنســوي لهم دووشـــه وحيــنــسحبووا هما وقراارهم المتخلف ..

:) مشكوره حبــيــبتي عالمرور

[مني يغار الورد]

والله منجد بيطفشو ويهجدو لا نه زي ماقلتي وين السبب اللي يقنع البنات ونقول ايوة معاهم حق بالقرار
اذا جات ع المحاضرة عادي بنزل العباية بالمحاضرة عادي مع انه المكيفات تهلك برد اما كذا بس مسالة عناد!!
الله يخارجنا منهم

[بنت الخليج..]

طيب دام قرارهم جاء بناءاً على إن نفسية الدكتورات صارت كئيبه >>ميخالف نفسخ العباة وقت المحاضرة فقط..
أما إنه يتحكموا فينا ويبونا نفسخها بممرات المباني ولافي شوارع الجامعة مستحيل..
حبيبتي اهي قاعده على مكتبها لاشمس تصك فيها ولاشي>> توجيه تربوي قال والله هم اللي يبيلهم رِبايه..

[so0oma]

حسبي الله عليهم هما وقرارهم السخيف اكرهههههههم ابغى اتخرج وافتك منهم

[مزون عابرة]

شوفي ياحلوة
انتي يمكن رحتي للمكتب الي ماله اي يد بالموضوع حتى لو مومقتنع
من الجهه الي بتصدر قرارات ؟روحو لها ,, هي الي لازم تسمع وبإمكانها تحدث تغيير
مو تروحو لأي مكتب مفتوح ..

[Dr.EM0o0]

بآرك الله فيك يآبطلـــه ,,

خطووووهـ شجآآعه منك ,,

وبجد لو الكل تكلم رآح يغيرووا قرآرهم السسسخيييف هذآآآ ,,

احنآآ جآيين ندرس ولا نتكشخ من صبآح آلله خير ,,

بس نقدر نسوي مظآهرهـ يوم السبت وندآوم كلنآ بالعبآيات ووقتهآ مايحقدروا يآخذوا بطآقة آحد ,,

وعلى قول الصبآيآ ,,
اسبووعين بآلكثيـر ورآح يطفششششوا ,,

يعطيك العآفيه يآقمر =)

[wallo]

ياحراااااااااااااام يجيييهم اكتئاااااااااااااب مرره بصراااحه كسروو خاااطري !!!!!

اقوول اش الهررج السخييف ذا اللي مالو معنى !!

مو راايحه انا الجااامعهـ اسللي الدكتووره ولا ابعد الامراااض النفسية عنها الريدي نفسياتهم تعباانه !!

قال ايه قال عشان الدكتووورااااات ونفسياتنا احنا ماتهم يعني ؟؟

يتحكموووووون في اللي يسوى واللي مااايسوووى مابقى شي الا وتحكمو فييه وربي كأننا غنم مو بناااات هاذا واحنا في جااامعهـ مكااان يفتررض يكوون رااااااااااااااقي والبنااات كلهم كباااااااار 20 سنه وفوووق ولسى يعاملوونا زي الحشرااات بدوون اي احترااام ولا كأنو لنا وجوود !!

في حريييييييقه نفسية الدكتووورة وفي حرييييييييييييقه الشؤووون مو شغلي اذا كان اللون الاسوود مايناسبها ..!

منعووو جوااال منعووو لاب تووب منعوو بنطلووون بس يمنعوو عباااية ! والله ماعرفناالهم !!

بعدييين قال ايه قال اعملو زي الامريكااان ياشييخه تخسي جامعتنا تكوون زي اتفهـ جامعه في امريكا نظاااام معقد + سيااسة تطفييييييييييييش مو عارفيين اش يسووو حتى اللي حلله ربي حرموووهـ !

حسبي الله عليهم بس ...

[نور الرياض]

عشان نفسية مدر ي كم خمسة الاف دكتوره يسطفلوا الخمسين الف طالبه
جامعة الدكتورات وبس

اصلا مو من صالح الجامعه النظام بيفتحوا على انفسهم ابواب في الملابس وتصير القوانين للملابس والدراسه بناقص