أرجو الإفادة عن التحويل لكلية الطب

[أمجاد القرني]

بسم الله الرحمن الرحيم
أولا من كثر مو أنا قلقانه ومحتاجة مساعدتكم بعد الله و رأيكم كتبت الموضوع في كم قسم وحتى أخذ بكلامكم ورأيكم فأتمنى الكل يحط رأيُه
أنا أنهيت السنة التحضيرية والحمدلله بمعدل ممتاز ولكن لم أتسكن في الكلية التي أريد و تسكت في كلية العلوم الطبية التطبيقية موازي ولكن أبداً مو مرتاحة أنا عارف الكلية حلوة ومستواها كويس والبنات الي في المنتدى الخاصة بالكلية ساعدوناااااا كثير ربي يسعدهم ومتعاونين معاً وكثيييير يتمنو هذي الكلية بس حاولت أحدد التخصص الي أبغى ما قدرت أحدد فكرت أختار قسم سهل عشان أرفع من معدلي وأن شاء الله أحول لكلية الطب أو أسنان أو صيدلة لكن كل التخصصات في هذي الكلية قوية وتحتاج رغبها قوية
وحب عميق لتخصص ففكرت أحول كلية العلوم لان مستواها أسهل وأخذ مواد عامة وسهله ومو زي كلية العلوم الطبية التطبيقية جدولهم إجباري وأجيب معدل عاااالي وأحول ان شاء الله
وعندي كم سؤال إذا تعرفو
1/هل ممكن أحول من كلية العلوم إلى الطب أو صيدلة أو أسنان وهل في أحد حول منها قبل كذا
2/هل يمديني أحول أول أسبوع من الدراسة إلى كلية العلوم الفرع الرئيسي وهل إذا حولت يعتبر خلاص معاد أقدر أحول لان التحويل يفتح مرة وحدة حسب علمي *علماً أنا نسبتي أعلى من أقل نسبة أنقبلت في العلوم الفرع الرئيسي بكثييييييير
3/وكم عدد الساعات الأقصى في الترم في كلية العلوم
4/ وإذا فتح التحويل هل أرتب الرغبات كلها من جديد أو أختار كم كلية يعني كم رغبة تنفتح لي
وأخيراً شكراً لكم مقدما

[بشائر الفرح =)]

أهلاً أختي :)

1/ ايوا تقدري تحولي من طبيه تطبيقيه لأي قسم طبي آخر
2/ نصيحه : خليكي ف التخصصات الطبيه تحويلك يكون أسهل , بإلاضافه إلى إنه يمكن تحبي قسمك ماتدري أبداً .. أجواء التخصص ودراستها تختلف تماماً وبعدها ح تقرري بنفسك إذا تحولي أو لا
3/ ماعندي علم عن عدد الساعات حقيقه
4/ برضوا تفاصيل التحويل ما أعرف فيها كثير .. بس غالباً لما تطلبي تحويل ح يوضحوا لك المطلوب منك

بالتوفيق يارب
ومعليش ع الرد المتأخر :/

[Miss.Asmari]

السلام عليكم ورحمة الله وبركاته
أنا كمان أبغاكم تفيدوني في التحويل لكلية الطب ، للأسف ربي ما كتب لي التسكين في أي كلية صحية تم تسكيني في كلية الاقتصاد والإدارة لكن الحمدلله على كل حال بس أبغى اعرف لو جبت في الترم ذا أو السنة ذي إن شاء الله معدل أعلى من قبل هل ممكن ينظروا لحكاية تقديمي على التحويل وأصلا هل أقدر أقدم على التحويل وأحول لو معدلي ارتفع ولا أروح أظف وجهي أحسن لي وأحافظ على ماء وجهي لا أتفشل !! إيش رأيكم ولا في إمكانية أكيد باستخير أصل لكن أبغاكم تفيدوني بس وهل توجد أفضلية في التحويل يعني مثلا بيأخذوا المحولين من الكليات الصحية أولا ثم الهندسة وبعدين الكليات الأخرى لأني سمعت شيء زي كذا بس ماني متأكدة!!
أفيدوني لو تعرفوا وجزاكم الله خير ^^