أفضل طريقة لحفظ الكلمات مع الميننق والأوبزت والتعريف والأمثلة(المستوى الثالث)!!

[كنز المعرفة]

الله يوفقك في الدارين.
في انتظار كل مفيد من بارجة تعشق الرياح.

[wolfhand]

السلام عليكم
اخت بارجه
الله يوفقك حقيقه كل ما قريت لك احس ان المواد فيها سهولة
ابغا اسالك عن الاطلس
اسمه وسعره
وهل اقدر اترجم اي قطعه او للكلمات فقط
ردي الله يرحم والديك ووالدينا جميع

[wolfhand]

اخت شوزن حقيقة من مشاركاتك حسيت انك انسانه نشيطه فلدي كم سؤال وارجو الرد لو سمحتي
انا جدولي كذا
ثقافه اسلاميه 201
لغة عربيه 201
الشباب وقيم المواطنه
الاستماع والتحدث 1
القراءة 1
الكتابه 1
ابغا منك طريقة لمذاكرة مواد الانقلش الثلاث
واش اذاكر فيها (يعني الاشياء المهمه زي ايش بكل ماده )
وايضا الاستماع من وين اجيب الاشرطه حقته
لاني يوم اشتريت الكتب من دار الاصلاح جاني شريطين مع الاستماع فهل فيه غيرها ولا لا
واذا امكن تكتبي لي اول موضوع من كل كتاب من كتب الانقلش عشان اتاكد انها نفس الكتب
واسال الله لك التوفيق والنجاح وكل الاخوان بالمنتدى
وان يحقق الله امانينا جميعا
وااسف جدا لاني طولت عليك وباخذ من وقتك
ولكن اعتبريها صدقه لوجه الله
والف شكر مقدما

[شــــــوزن]

المشاركة الأصلية كتبت بواسطة تراتيل المترادفات وعرفنا إنها مطلوبه.. بس عكس الكلمة .. !!! طافت علي صراحة لولى أنك نبهتي!! شكرأ للتنبيه يا غاليه وشكرا كبيرة جدا بحجم قلبك .. ومساعي النجاح الباهر يا رب ..

العفو طااال عمرك
احنا لبعض يالغالية
وان شالله اننا نعين ونعاااون
شكرا لك تراتيل ..

المشاركة الأصلية كتبت بواسطة 989898 جوجل مايعطيني عكس الكلمه ومرادافها شوزن انا حايسه في لكلمه وعكسها ومرادافها وماغير احفظ الكلمات والاطلس كم سعره وعندنا للاسف ماتوقع فيه شوزن نزلي لنا الكلمات الي قلتها مع اصحابها وربي يكتب لك اجرها صدقه جاريه لاتنقطع وتذكري او علم ينتفع به انا عن نفسي ويني ووين جده وللاسف ماقدر اسافر دايما ظروفي ماتسمح واللاطلس لو غالي ماقدر اشتريه لاني حاليا امر بظرف اقتصادي صعب الله يفك الازمه هذي ومايطول واكيد كلا وظرفه وياليت قريب نلحق نذاكر منه

الله يعينك ويفرج همك والله اني شلت همك يالغاليه ..
انا ماراح اوعدك اني انزل كل شي لأنها راح تاخذ وقت كثيييييير
لكن باذن واحد احد راح اساعد في تنزيل البعض والتسهيل في الحفظ ..

بالنسبة للاطلس انا حطيت صورته ورقمه في أحد الردود

سعره اتوقع في حدود الالف وميتين او شي زي كذا ..

المشاركة الأصلية كتبت بواسطة مجنـونهـآإِ الله يجزآك عنا كل خير .. مآقصرتي بصراحه والله يجعلهآ بميزان حسنآتك .. وفكرة انو نقرا ونترجم رح تسهل علينآ الامور بعدين ومثل ماقلتـي .. رح نلآقي الكلمآت تتكرر .. والمشكله رح تكون في البداية بس ..

وياك يااارب ..

فعلا انا لاحظت دحين في ثاني قطعه اني اقرا بسهولة اكثر
واترجم بشكل اسهل

كل التوفيق لك يالطيب ..

المشاركة الأصلية كتبت بواسطة كنز المعرفة الله يوفقك في الدارين. في انتظار كل مفيد من بارجة تعشق الرياح.

ويااك يالغالية ..
وباذن الله احاول ارفع ملف ببعض الكلمات ..

المشاركة الأصلية كتبت بواسطة wolfhand السلام عليكم اخت بارجه الله يوفقك حقيقه كل ما قريت لك احس ان المواد فيها سهولة ابغا اسالك عن الاطلس اسمه وسعره وهل اقدر اترجم اي قطعه او للكلمات فقط ردي الله يرحم والديك ووالدينا جميع

وعليكم السلام ورحمة الله وبركاته ..
بالنسبة لترجمة القطع الى الان انا ماالقيت الشي هذا فيه .. مدري ان كان فيه وانا مالاحظت
لكن اغلب ظني انو مافي ..

انا حطيت رابط صورته في الموضوع
ورقمه في احد الردود ..

سعره زي ماقلت انو ماايتعدى الالف وخمسمية تقريبا
لاتستكثروها فيه
حطوا ببالكم انو راح يساعدكم كثير لين التخرج باذن الله


الجهاز يحتوي على ترجمة كلمات من انجليزي لعربي والعكس
مع تحديد نوع الكلمة
والمرادفات لها
والمتضادات
وامثلة
وتعريف

ويحتوي على محادثات في جميع المجالات
المستشفيات
السفر
الصالون
ال ال ال .....

ويحتوي على قاعدات وشرحها

ايضاً يوضح طرق كتابة المقالات
والبحوث

ويوضح كيفية القراءة الصحيحة ..
مع توضيح انواع القراءة .. للمتعه او دراسة او او ....

ايضا فيه اختبارات قصيرة لتقييم نفسك ..

وفيه ايضا الصوتيات وتعليمها

وفي قائمة لتعليم المفردات بمستوياتها ..
وقائمة بالتعابير الاصطلاحية
يعني جمل صغيرة وتوضيح متى تنقال ..

وفيه كمان اشباه الجمل الفعليه
اللي هي بعض الكلمات المعروفة اذا انضافت لشي ثاني ويتغير معناها
زي مثلا : آسك << معناها يسأل
بس اذا جات كذا >> آسك آوت << معناها : يدعو شخص لموعد

وفي قائمة لحالها بالمتضادات
يعني انت تكتب الكلمة ويطلع عكسها

وقائمة تكتب الكلمة ويطلع مفردها

بالاضافة الى قسم بالامثلة
والالعاب
والمهام
وام بي ثري
ومسجل
واش كمااااان ؟؟؟ امممممم

المحادثات ب12 لغه
انت تحدد اللغتين اللي تبغاها في المحادثة الوحدة

تعليم اللفظ الصحيح

ومهارات الاتصال بالانجليزي

اساسيات الكتابة
وعلامات الترقيم
واساسيات القراءة

وتمارين على كيفيةترتيب الجملة

واختبارات للاستماع الاستيعابي
والقراءة الاستيعابية

حاسبة

تقويم

سجل مواعيد

مفكرة

الرسام ^_^

مشغل فلاش وفيديو وقارئ نص وقارئ ملفات بي دي إف ^_^

منبه

والقبلة

ودليل السفر


بالاضافة الى التحميل ..





فيه اشيااء كثير جدا جدا ممتازة ..



بالتوفيق للجمييييييييييع ..

[شــــــوزن]

المشاركة الأصلية كتبت بواسطة wolfhand اخت شوزن حقيقة من مشاركاتك حسيت انك انسانه نشيطه فلدي كم سؤال وارجو الرد لو سمحتي انا جدولي كذا ثقافه اسلاميه 201 لغة عربيه 201 الشباب وقيم المواطنه الاستماع والتحدث 1 القراءة 1 الكتابه 1 ابغا منك طريقة لمذاكرة مواد الانقلش الثلاث واش اذاكر فيها (يعني الاشياء المهمه زي ايش بكل ماده ) وايضا الاستماع من وين اجيب الاشرطه حقته لاني يوم اشتريت الكتب من دار الاصلاح جاني شريطين مع الاستماع فهل فيه غيرها ولا لا واذا امكن تكتبي لي اول موضوع من كل كتاب من كتب الانقلش عشان اتاكد انها نفس الكتب واسال الله لك التوفيق والنجاح وكل الاخوان بالمنتدى وان يحقق الله امانينا جميعا وااسف جدا لاني طولت عليك وباخذ من وقتك ولكن اعتبريها صدقه لوجه الله والف شكر مقدما

أهلا يالطيب
لا ولايهمك .. كلنا اخوان ونعين ونعاون ..

بالنسبة لجدولك امممم نفس جدولي لكن انا حذفت الكتابة .. وخليت مادتين للانجليزي بس ..

فماراح اقدر افيدك في طريقة مذاكرة الكتابة

طيب نجي للريدنق والليسيننق ..

اول شي روح لقسم الملخصات
وحاول تحمل كللللللل شي مهم يخصهم ..
ملفات مواضيع و و و

السيديهات احتمال انو ايوا صح سيديهين
لأني انا اشتريت كتب مصورة
والسيديهات حملتها من هنا ..

لكن للامانة مابدأت في الليسيننق لأني مشوشة من ناحيته
فحملت المحاضرات حق العام
وببدأ اسمعها واذا طلع معايا شي راح افيدك باذن الله ..
بس انت حاول برضو تشوف القاعدات من بدري وتذاكرها
الملخصات حتسااعدك كثييييييييير ..
في موضوع خاص بملخصات المستوى الثالث ثري جددددا بالمواضيع المهمة ..


بالنسبة للرييدينق ..

انصحك تطلّ ع موضوع الالماااسي ( الريدينق وماادراك ماالريدينق )
فيه الاخت رووح رفعت ملفات بتوضيح اهم نقاط الريدينق توضيح ممتاز جدا جدا .. راح تستفيد كثير ..
ابدأ اقرا القطع
ترجم الكلمات المهمة
جيب دفتر
وسجل الكلمات مع معانيها وتعريفاتها والامثلة

مع الوقت حيسهل عليك الموضوع مرررررررررررة ..
وحتقول شوزن قالت ^_^..


بالنسبة انك حاب تتأكد من الكتب
فكتاب الريدينق الشابتر الاول : اسمو ( ريس آند اثنيستي ) << مافيني اكتب انجليزي ×_×
الاستماع : ( هاو ديد موفيس جيت ستارتيد )
<< كيف بس مريحة عمري ؟!


اتمنالك التوفيق يالطيب
وان شالله انك مع الوقت راح تتقدم


بس نصيحة لاتتأخر فمذاكرة باقي المواد

ابدأ خلص ولو فصلين من الثقافة والمواطنة
وامسك الانجلش ولاتهمل الباقي

[النجاح اسمي]

كما عودتينا على مواضيعك المشرقه والرائعه ..
الله يعطيك العافيه وتاخذي الا a بجدارهـــ ...

ممممممم بس سؤال للكلمه تقريبا كم شبيهه لها ( مرادفاتها) وكم كلمه عكسها
لان عندي في اللونق مان يظهرلي تقريبا كلمتين اذا كثرت ثلاثه

والامثله تقريبا فيها نوع من الصعوبه يعني مو مبسطه بعطيكي مثال وقارنيه بالجهاز اللي عندك ..

مثلا كلمة respond اللي ذكرتيها
synonym/ react
مافي مرادفه غيرها !!
والمثال :
Most people respond better to encouragement than to criticism.
يعني عندك الامثله مبسطه يعني احمد يجاوب على اسامه مثلا ؟؟؟

واحيانا تمر كلمات مايطلعلي المرادفات لها مثلا كلمة major اعطاني الاوبيزت تبعها minor

يعني هي مالها مرادفات او الخلل في البرنامج اللي عندي !!

بالله تأكديلي ..

[عاشقة التوليب]

الى الاماااااااااااااموجزاك الله خير عالمجهود الطيب
بس انا اتوقع انه لو كل شخص ترجم بنفسه راح يستوعب اكثر وترسخ المعلومه في باله
ولكن مجهودك طيب للي ماعنده وقت والموظفين الله يكون بعونهم
تحياتي

[ahmed-1]

الله يكثر من امثالك
نجاح أغلب المنتسبين والمنتسبات "بعد الله" يعتمد على إجتهادات الأخوان والأخوات أمثالك
مانقول الا.....
الله يوفقكممممممممممممممم

[تراتيل]

.............^_^ .............

[شــــــوزن]

النجاح اسمك ^_^
الله يبارك فيك ويحقق لك اللي تتمنيه ..

بالنسبة للجهاز عندي
بوضحلك اكثر ..
شوفي مثلا كلمة respond
يجيبها ليا بأكثر من معنى وفي كذا حالة لها ويجيب لي امثله عليها

لكن بالنسبة للمرادفات لها يجيبها كلها ..
يعني عندك هنا المرادفات للكلمة جايب 8 كلمات .. من ضمنها = return-reply-retort
ونفس الشي للعكس ..اكثر من كلمة ..


بالنسبة لكلمة major
اول شي الكلمة هذي تجي بثلاث حالات
اما صفة وتكون بمعنى اعظم - اهم - اساسي - كبير - رئيسي - خطير (يتطلب اهتمام وعناية كبيرة )
واما تجي اسم وتكون بمعنى رتبة او اهم واعظم او اختصاص
واما تجي فعل وتكون بمعنى يتخصص في دراسة

طبعا احنا لازم نحدد من خلال سياق الجملة اش نوع الكلمة ونفهم الجملة عشان نقدر نطلع المعنى الامثل لها
طيب من خلال الاوبزت اللي انتي حطيتيه فهذا يدل ع انك تبغي تعرفي المرادف للصفه
راح يكون المرادف لها هذا = crucial (وتنطق كروشَلْ ) وتاتي بمعنى شديد الاهميه وحاسم -
او كلمة مرادفة اخرى = important اي مهم - ذو قيمة عاليه - عظيم
العكس زي ماانتي وضحتيه = minor وياتي بمعنى : اصغر او اقل حجم او اقل كمية
او ثانوي غير هام .. او بسيط طفيف ..
وغيرها من الكلمات المتضاده مع الكلمة ..
بالنسبة للجملة :
the majore factor in the decision to stay or leave was usually professional
طويلة شوية لكن لو تركزي في المعنى تلاقيها سهله مرة في الحفظ ..

انا اللي فهمته من الجملة انو :
العامل الاهم في الوصول لقرار البقاء او المغادرة كان مميز او بارع كالعاده ..
^_^

----------------------------


عاااشقة التوليب

كلااامك عين العقل
وفعلا انا لمست الشي هذا فيني

لمن حفظت الكلمات ع الجاهز لقيت انها ماترسخ الا لمن اقرا القطعه واترجمها وافهم الجملة ككل ..

بس ع قولك احنا نساعد اللي ماعندهم وقت
والشي الثاني ..
يمكن محد عارف يترجم ..
وغير كذا ماراح نحط كل الكلمات راح نحط امثلة فقط .. لبعض الكلمات ..
اشكرك عزيزتي .. بارك الله فيك ..

----------------------------

الأخ احمد

بارك الله فيك

والمرء قوي باخوانه ..

وان شالله اننا ننتعاون في كل شي عشان نحقق النجاح المطلووب ..
اشكرك يالفاضل ..

-------------------------

تراتيل

اشكر لك حرصك واهتمامك .

ونتمنى ان نكون جميعنا خير معين بعد الله .. ونوقف مع بعض ..


^_^