اعلان هام لجميع الخريجات ...بخصوص تسليم الوثائق

[math-969]

السلام عليكم ورحمة الله وبركاته
كيفكم ياقمورات
والله وحشتوني
سامحوني على انقطاعي الطويل عن المنتدى
بس كان بسبب ظروف خارجة عن ارداتي
المهم خليني ادخل في الموضوع
بالنسبة للوثائق أنا رحت بنفسي يوم الثلاثاء لعمادة القبول والتسجيل في الفيصلية
وقالوا ان الوثائق ممكن تكون على نهاية شهر 8
لانهم باقي يعدلوا فيها وماني عارفة ايش
وقالوا مواعيدنا تختلف عن مواعيد الجامعة
وانه راح ينزل اعلان في موقع الجامعة اذا بدأ تسليم الوثائق
عشان كذا لاتستعجلوا يابنات
ولا تروحوا الا لما تتأكدوا انها نزلت
بالذات اللي مسافرين
لان مواعيد الكلية دايما مضروبة
تمنياتي للجميع بالتوفيق

[عزة نفسي_تكفيني]

وعليكم السلام ورحمة الله وبركاته


حسبي الله ونعم الوكيل

انا مني عارفه وش بيسوو يخترعوا الذرهـ

مدري متى راح ينعدلوا ويصحصحوا

مشكووورهـ حبيبتي

وجزاكي الله خير

تم التثبيت

[طموحهـ ولكنـ]

جزاك الله خير ,,

كنت بروح بكرة ,, يافرحتي ,,,

وش بيعدلون ؟؟ ولا قرار مجلس الشورى ,,

الجامعات كلها سلمت وثائقها ,, واحنا لسة يعدلون ,,

[روووووونه]

حسبي الله عليهم هذي هي كليتنا مارح تتغير ابد
math-969
ماتدري قد ايش قعدت ادعيلك لما قريت ردك على موضوعي امس
لاني كنت لاخر لحظه متردده ارجع جده ولا لا << حاسه ان كليتنا ماعندها سالفه ولا فيه تسليم وثايق
عالعموم تسلمين يالغاليه
موفقه : )

[قمر الكون9]

الله يسعدك كنت بروح يوم السبت ماادري ايش بيخترعون في الوثائق.

[All Softness]

ههههههههههههههههههههههههههههه

ومازالت المعاناااه مستمره حتى بعد ماتخرجناااا

المفروض يعطونا شهادة صبر وتحمل مع الوثيقه خخخخخ

يسلمو حبووبه ع الخبر كنت بروح بكرى :(

[math-969]

هلا فيكم يابنات
أسعدني مرورك مشرفتنا الغالية
طموحة ولكن ان شاء الله نستلمها قريب
رووونة تسلمي على الدعوات وكويس انك لحقتي تقري الموضوع قبل ماتجي جدة
قمر الكون هلا فيك وانا زيك ماادري اش راح يخترعون بس يمكن مثل ماقالت عزة نفسي يخترعون الذرة هههههه
All Softness اقتراحك جميل المفروض يعطونا شهادة صبر عليهم

بس والله احس احنا كمان لازم نلتمس لهم العذر
لان وضعنا غير
كل مرة واحنا على نظام
يعني حتى هم حايسين بسبب هذي الانظمة
ومااعتقد انه كذا بس نذالة يأخروا تسليم الوثائق
لانه مالهم مصلحة
بالعكس لو يخلصوا ويسلموا بدري هم يرتاحوا من الشغل
التمسوا العذر ياحبايبي
وان شاء الله كل تأخيرة فيها خيرة