Finally I'm a MEDICINE STUDNT !!

[JuStice]

وعليكم السلام ورحمة الله وبركاته الف الف مبرووووك تستاهل والله :)

.

الله يبارك فيكِ ويوفقك لكل خير (:

ماشاءالله .. الف مبرووووووك يادكتــــــور الله يوفقك وينور دربك تستاهل كل خير

الله يبارك فيكِ يا دكتورتنا , إنتي من الأشخاص القلائل اللي حمسوني بمواضيعهم وردودهم للطب فـ جزاكِ الله كل خير (:

الف مليون ترليون مبروك جيستس على التحويل يشهد الله علي اني فرحت يوم شفت الموضوع ومره ثانيه مبروك التحويل عندنا وصرت زميل في الدفعه واتمنى لك التوفيق

الله يسعدك يا صاحبي ويكتب لنا النجاح في مسيرتنا إن شاء الله ,

معليش ماكملت الجزئيه الثانيه من كلامك بالنسبه للمواد يعني مشينا فيها شويه واختبرنا في الميدكال ترمنولجي عندنا اختبار السبت الجاي في البايو كمستري في البروتين وراح اكتبلك كل ماده وين وصلنا فيها الاناتومي اليوم اخذنا الجهاز الدوري الدموي وخلصنا قبله المقدمه والجهاز العظمي والمفاصل والجهاز العضلي والعصبي واليوم اخذنا الدوري الدموي البايو بصراحه خلصنا البروتين والانزيمات وعندنا اختبار عن البروتين يوم السبت الهستولجي بصراحه قربنا نخلص الكتاب لانه الدكتور ماشاء الله شاد حيله وعندنا اختبار ميد يوم السبت بعد القادم والترمنولجي وصلنا فيها شابتر 6 وعندنا اختبار يوم الاحد القادم والثقافه واللغه العربيه ماقد حضرت ولا مره عشان كذا ماادري وين وصلوا بالزبط وبالتوفيق اي استفسار انا حاضر وراح ارسل لك رقمي على الخاص عشان اذا احتجت شي تكلمني وبالتوفيق

ما تقصر أخويا عبدالرحمن وبميزان حسناااااتك إن شاء الله ,

الأناتومي إن شاء الله ما عندي مشكلة فيه لأني درسته الترم قبل الماضي ومع مراجعة بسيطة راح أتذكره كله تمام .. واليوم كنت معاكم بالمشرحة أنا بـ قروب 1

المصطلحات الطبية أنا حملت كم محاضرة واطّلعت عليها اطلاع سريع ولقيتها سهلة , وبالنسبة للإختبار اللي اختبرتوه إن شاء الله راح أروح أنا وصاحبي - اللي حوّل معايا - للدكتور حتى يختبرنا أو يشوف لنا حل

الهستولوجي أسمع دايمًا إنها سهلة وأنا حسيت كدا بـ محاضراتها الماضية لكن المشكلة إني ما حضرت البداية فيها عشان كدا مو مرة فاهمها لكن أحاول الويك إند دا أخلص الكتاب كله !

البايوكمستري أكتر مادة شايل همّها .. نسأل الله السلامة منها والويك إند دا راح أحاول أغطي كل اللي فاتني من جزئيات فيها .

ثقافة وعربي مستوى 1 و 2 أنا أخدتها وخلصتها

أبغا أعرف بالنسبة لـ الصور حقت الهستولوجي اللي كان يعرضها الدكتور العجوز بالمعمل فين ألاقيها ؟

وكمان باقي الملخصات ..؟ علمًا إني رحت المكتبة اللي بـ مبنى 13 وما لقيت اليوم غير ملخصات بايو كمستري حقت الدكتور وحقت مدرس خصوصي اسمه حدّاد .

وبارك الله فيك أخي عبدالرحمن واعذرني على أسئلتي الكتيرة ..

justice الف الف الف مبرووووووووووووووووووووووووووك و ان شاء الله يارب تكون آول خطوآتك في النجآح welcome in med10 < يللا طقم معانا التوقيع :p

الله يبارك في أيامِك

من زمان وأنا أنتظر هاليوم .. كنت دايمًا أتخيل نفسي لابس السكرب الأزرق مع البالطو الأبيض

والحمدلله أتحقق الحلم أخيرًا , نسأل الله التوفيق والسداد لنا جميعًا .

طالب طب شويه شويه عليه فجعته مابقي شئ ما كتبته ماشاء الله خخخخخخ صح ,, ان شاء الله تقدر تلحق اللي اخذناه الين دحين و تمشي معانا تمام ^^

عادي خليه يقول

أنا داخل طب وعارف إنه ضغط وإنه فاتتني أشياء كتيرة بالأسبوعين الماضية واختبار ترمنولوجي والأسبوع الجاي فيه اختبارات وبرضه مصرّ عـ الطب ..

وعلى قولة الحكيم سرجون : اللي يبغا العسل يتحمل قرص النحل !

الف الف مبرووك وتستااهل كل خيير والله.. يلا الله يوفقك ياارب..

الله يبارك فيكِ ويسعدك دنيا وآخرة (-:

مبرووووووووووووووووووووك ماشاءالله

الله يبارك فيكِ ويوفقك .

على البركه اخوي .. فرحتلك من كل قلبي.. وان شاء الله كلكم لما تتخرجوا اخدكم اشغلكم عندي بالمستشفى اللي رح اصير مديرتها بإذن الواحد الأحد>>>تفاءلوا بالخير تجدوه ,,

الله يبارك فيكِ ,

والله فرحتوني بـ ردودكم الله يسعدكم ويحقق أمانيكم

ودعواتكم إن الله ييسرها علي وتعدي هالفترة العصيبة على خير وأخرج منها بالسلامة

.