المرحله السادسة (مرحلة التدقيق) مسجات التدقيق-موعد التدقيق - تجاربنا في مرحلة التدقيق

[طابة متخرجة]

السلام عليكم


مرحبا أخواني وأخواتي كيفكم جميعا ؟؟
الحمد لله عدينا مرحلة التسجيل وخلصنا منها .. نبدأ دحين مرحله جديده فيها انتظار حماس قلق خوف وهيا مرحلة التدقيق .. كلنا بننتظر المسجات ومواعيدنا .. عشان كدا هنا حيكون تجمع من بداية وصول المسجات الى نهاية مرحلة التدقيق.. نناقش فيه اوراقنا المطلوبه .. كيف نعبي الاوراق .. تجاربنا لما رحنا ندقق .. ايش حصل وهكذا ..

ملاحظة:
1-ياريت مواضيعنا ماتخرج عن مرحلة التدقيق.. يعني مالنا دخل بموعد السفاره .. او كيف نجيب قبول .. خلينا ماشيين خطوه خطوه ..
2- لما يبدأ التدقيق باذن الله .. كل واحد(ه) يكتب المدينه اليوم الموعد


نبدأ
الوثائق المطلوبة لمرحلة التدقيق

أولا :
البيانات الشخصية:


ناخد معانا الأصل وصورتين :
1- جواز سفر المبتعث .
2- بطاقة الاحوال للمبتعث ( الهوية الوطنية )
3- بطاقة العائلة .. في حال لم توجد بطاقة الاحوال .
4- جواز سفر المرافق .
5- بطاقة احوال المرافق .

ثانيا:
بيانات التسجيل:

1- استمارة التسجيل الالكترونية
اللي هيا اللي طبعناها بملف صيغته pdf .. يوم خلصنا التسجيل في الموقع
ولاتنسوا توقعوا عليها. والباقي كلو بالكمبيوتر

2- استمارة التقديم للجامعات الأجنبية .. ( وهذي نلاقيها لما نروح موقع برنامج البعثات .. ونسجل الاسم وكلمة المرور اللي عطونا هيا لما عبينا الاستمارة الالكترونية .. تفتح لنا صفحة .. نشوف من على الجنب االيمين خيارات كثيرة من بينها : نماذج مهمة : نضغط عليها وتطلع لنا .. استمارة التقديم للجامعات الأجنبية .. نحملها .. > نعبيها بالكمبيوتر .. > نعبيها .. > نصورها .. > ناخذهم معنا من ضمن الوثائق ) ..

3- اقرار ولي الامر .. ( ونلاقيها هذي مع استمارة التقديم للجامعات الاجنبية نفس المكان ونسوي نفس الشيء ) .


ثالثا:
البيانات الأكاديمية:



ناخذ كمان الاصل وصورتين : ( حتقولوا مافي داعي لكن الاحتياط واجب سبحان الله ماندري ايش الظروف ) ..
وهم كالتالي :

لمرحلة الماجستير :

1- وثيقة التخرج .. اذا كانت بالعربي نترجمها + ( واللي وثيقته فيها نص عربي ونص انجليزي .. تغني وتكفي عن ترجمتها ) .. ولو ترجمتيها برضو جيبي العربي
2- السجل الاكاديمي .. برضو اذا كان عربي نترجمها وطبعا معاه العربي الأصليه
3- شهادة حسن سيرة وسلوك للاحتياط
4- 3 توصيات .. مترجمة ومختوم عليها ..

..

لمرحلة البكالوريوس :

1- شهادة الثانوية العامة بالعربي ..

2- شهادة الثانوية العامة مترجمة ومختوم عليها ختم معتمد ..

3- شهادة القدرات العامة .. ،

4- شهادة الاختبار التحصيلي ..


لمرحلة الزمالة والدكتوراه :

1- شهادة الامتياز .. بالعربي + مترجمة ..

2- شهادة الزمالة او الماجستير .. بالعربي + مترجمة ..

3- 3 توصيات مترجمة .. ومختومة ..

4- شهادة حسن سيرة وسلوك ..

5- السجل الاكاديمي ، مترجم ومختوم ..

اي استفسار أو سؤال كلنا موجودين هنا لبعض ..

يارب يوفقنا جميعا ونبتعث .. لاتنسوا تدعولي

</B>

رمضان كريم... وكل عام وانتوا بخير .. والسنه الجايه زي دا اليوم أشوفكم مبتعثين

http://vb.eqla3.com/showthread.php?t=675079

[ساندي بل الحربي]

يابنات وياشباب
انا سجلت للماجستير وكل شئ تمام والحمدلله بس الي ناقصني السبره والسلوك والتوصيات وراجعت الجامعه ومافي حد كلهم مسافرين ايش اعمل قولولي وافيدوني جزاكم الله كل خير ,,,,,,,

[رعشة دفى]

هلا والله
الموووضع كثير حلوو

بالتووووفيق يارب
وانا معاكم قدمت الله يستر
ولنا رجعه هنا ان شالله

[رعشة دفى]

المشاركة الأصلية كتبت بواسطة ساندي بل الحربي يابنات وياشباب انا سجلت للماجستير وكل شئ تمام والحمدلله بس الي ناقصني السبره والسلوك والتوصيات وراجعت الجامعه ومافي حد كلهم مسافرين ايش اعمل قولولي وافيدوني جزاكم الله كل خير ,,,,,,,

السيرة والسلوك تاخذيها مع الوثيقة ومايحتاج ترجمة اما التوصيات الله يعينك روحي لرئيسة القسم هيا تحولك عند دكتورات
بالتوفيق

[رورو الحنونه]

مشكورة عزيزتي
طيب بالنسبة لأستمارة القبول في الجامعات الاجنبية
كيف اعبيها؟
واستمارة الطلب وين اوقع عليها
اطبع واوقع ولا اطبعها ولمن اروح عندهم اوقع هناك
افيديني الله يجزاك بالخير

[شغب انثى]

صباااااح الخيررر كيفكم ومشكوره ياطالبه على دي الفكرة حلو انو نمشي خطوة خطوة حتى يجي الفرج باذن الله والله يوفق الجميع يااااااارب بس انا عندي استفسار انتي قلتي انو استمارة التسجيل الالكترونيه نطبعها بملف صيغته pdf انا طبعتهااا عادي متل اي ورقه يصير والا لا وياريت ازا عندك خلفية نزليلي شكل الصفحه لما تنطبع بالملف هادا؟ ترى انا غشيمة بهالشغلات الله يكون بعونك

[قانونيه جامده اوى]

صح موووضووع ختييير ربي يسعدك يااعثوووله وبالتوفيييق للجميع والله يستررر من الجاااي

[طابة متخرجة]

المشاركة الأصلية كتبت بواسطة شغب انثى صباااااح الخيررر كيفكم ومشكوره ياطالبه على دي الفكرة حلو انو نمشي خطوة خطوة حتى يجي الفرج باذن الله والله يوفق الجميع يااااااارب بس انا عندي استفسار انتي قلتي انو استمارة التسجيل الالكترونيه نطبعها بملف صيغته pdf انا طبعتهااا عادي متل اي ورقه يصير والا لا وياريت ازا عندك خلفية نزليلي شكل الصفحه لما تنطبع بالملف هادا؟ ترى انا غشيمة بهالشغلات الله يكون بعونك

انتي عندك البرنامج Adobe Reader 8
عادي حبيبتي كدا ولا كدا كويس
يالتوفيق ادعيلي انا واختي

[طابة متخرجة]

المشاركة الأصلية كتبت بواسطة رورو الحنونه مشكورة عزيزتي طيب بالنسبة لأستمارة القبول في الجامعات الاجنبية كيف اعبيها؟ واستمارة الطلب وين اوقع عليها اطبع واوقع ولا اطبعها ولمن اروح عندهم اوقع هناك افيديني الله يجزاك بالخير

http://vb.eqla3.com/showthread.php?t=675079

بالتوفيق حياتي وادعيلي

اطبعيها ووقعيها لما تروحي عندهم

[سما ليل]

مشكورة موضوع مفيد جدا

ونحن متابعين :)