استشاره عاجله جججدااا أبتعاث

[تولين11]

السلام عليكم ...


انا تخصصي مو من ضمن التخصصات المطروحه ببعثات الملك (رياض اطفال*...
معدلي ماشاء الله مره حلو 4.64

هذا اولا تاني حاجه المرافق تبعي معلم لغة عربيه:(

والثالثه عندي بيبي عمره 3شهور

والرابعه انا بـ الانقلش يادوبك ماشيه

أسـألتي لو ابغي ابتعث

اش اختار تخصص وهل اقدر اغيروا لمن اطلع برا ؟

واش افضـل دوله لياا ؟

و المرافق تبعي لو يبغى يكمل اش ممكن يناسبه تخصصات .؟


واي معلومات او نصائح لا تبخلو عليااا

[othm3000]

وعليكم السلام ورحمة الله

ماعندي خلفية .. بس ربنا يسهّلك ويوفقك ويسدد خطاك

[ابيك ومابيهم]

افضل دولة لك امريكا - بريطانيا
وانا انصحك بريطانيا لان الماجستير مدته 9 شهور بس
بالنسبه للغتك راح تاخذين هناك سنة لغة وكثيرين طلعو ولغتهم مره تعبانه
درسو لغه هناك وتحسنو الحمدلله وتخرجو وتوظفو ^_^
بالنسبه لزوجك وولدك يقدرو يطلعو معاك عادي وكمل زوجك معاك دراسته ويكون افضل له
بالنسبة لاختيار التخصص اختاري تسويق حاليا
وتقدرين تغيرينه هناك
وان حبيتي وعجبك التخصص تاخذين سنه تكميليه وبعدها تدرسين تسويق بسبب انه مو امتداد لتخصصك اتمنى اني افدتك شكرا

[مصرقعهـ رآيقهـ]

وانا انصحك بريطانيا لان الماجستير مدته 9 شهور بس

أخوي هذي نقطه حلللوة جدآ

لكن كيف تعآمل البريطآنيين هنآكـ .. وش أحسن الجآمعآت لتخصص علوم الحآسب ؟؟

[eng-alqaidy]

المشاركة الأصلية كتبت بواسطة مصرقعهـ رآيقهـ أخوي هذي نقطه حلللوة جدآ لكن كيف تعآمل البريطآنيين هنآكـ .. وش أحسن الجآمعآت لتخصص علوم الحآسب ؟؟

معليش انا بضيف اضافة بالنسبة للماجستير اللي يكون في برطانيا و9 اشهر انا ماانصح فيه للي ناوي يكمل دكتوراه .ليش عشان ماجستير ال9 اشهر يكون بحثي مو مقررات والبحثي ماتقدروا تتحكموا في المعدل لانه المعدل بيكون على قوة بحثك. وبالتوفيق.....

[تولين11]

المشاركة الأصلية كتبت بواسطة eng-alqaidy معليش انا بضيف اضافة بالنسبة للماجستير اللي يكون في برطانيا و9 اشهر انا ماانصح فيه للي ناوي يكمل دكتوراه .ليش عشان ماجستير ال9 اشهر يكون بحثي مو مقررات والبحثي ماتقدروا تتحكموا في المعدل لانه المعدل بيكون على قوة بحثك. وبالتوفيق.....

يعطيك الف عااافيه ما قصـرت معلومه اول مره اسمعهاا وممتازه جدااا

تيب معلش بثقل عليك حبتين ...

لو رحت بريطانيا انا اختار المدينه ؟ و الجآمعه ولا همّـا اللي بيختاروها ليا ؟
خااااصه انو مو ناويه اغير مجآلي لآني من قلبي اعشششششقه
تيب زوجي اش ينفع له هنآك خاصه انو عربي :/

::

بالنسبه للماستر البحثي حلو من ناحية نفسيه لأن العلم ماحد تعبان منه
بس الغربه لو كانت الظروف حلوه بتظل صعبه ....:(


تيب كيف بيكون تقويمهم للبحث؟
اخاف مثلاً حكمهم ع البحث مايكون موضوعي وتدخل فيه امور شخصيه
و عنصـريه
لاني مو ناويه اشيل نقابي ابداااااااااااااااا ونظرتهم عن الاسلام ...
ولا همّـا افكارهم اكبر من كدآ ؟


مممم اتمنى تفيدني وتجاوب عليا ممكن تكون الاسئله بسيطة لكم بس لآنها تدور حول
امر مجهول اشوفهاا كبيره

[eng-alqaidy]

المشاركة الأصلية كتبت بواسطة تولين11 يعطيك الف عااافيه ما قصـرت معلومه اول مره اسمعهاا وممتازه جدااا تيب معلش بثقل عليك حبتين ... خذي راحتك.. لو رحت بريطانيا انا اختار المدينه ؟ و الجآمعه ولا همّـا اللي بيختاروها ليا ؟ خااااصه انو مو ناويه اغير مجآلي لآني من قلبي اعشششششقه تيب زوجي اش ينفع له هنآك خاصه انو عربي :/ شوفي اختي بالنسبة للقبول هم يحضروا لك قبول(قبول اللغة)اذا انتي تبغي تجيبي قبول مافي مانع من الان تراسلي الجامعات بس قبل ماتراسلي الجمعات تدخلي موقع وزارة التعليم العالي وتختاري حقل التعليم في الخارج وتشوفي الجامعات المعترف بها ::بوزرة التعليم العالي بالنسبة للدول اذا كان اختيارك امريكا انا انصحك بولاية كولورادو مدينة دينفر من تجربة بالنسبه للماستر البحثي حلو من ناحية نفسيه لأن العلم ماحد تعبان منه بس الغربه لو كانت الظروف حلوه بتظل صعبه ....:( شوفي ياختي مااخفيك الغربة ماهي سهله هذا شي ماحد ينكره بس طالما معاكي زوجك وطفلك ان شاء مافي خلاف بالنسبة للماستر البحثي من ناحية نفسيه اخالفك الرأي احسه صعب بس حلاوته انه لمن تجي تعملي الدكتوراه تكون عندك خلفية حلوه لانه الدكتوراه اعتقد انه بحثي تيب كيف بيكون تقويمهم للبحث؟ اخاف مثلاً حكمهم ع البحث مايكون موضوعي وتدخل فيه امور شخصيه و عنصـريه لاني مو ناويه اشيل نقابي ابداااااااااااااااا ونظرتهم عن الاسلام ... ولا همّـا افكارهم اكبر من كدآ ؟ بالنسبه لتقويمهم لا يااختي ماتدخل امور شخصية ان شاء الله بس البحثي مشكلته بحر ..ايش تكتبي وايش تتركي بصراحة احسه صعب لكن بالعزيمة والاصرار ان شاء الله تستطيعي تجاوز صعوبته هم اكبر من كذا بكثير راح تتعلمي منهم الشي الكثير.. ابالنسبة لزوجك وتخصصة الشي المتأكد منه انه يستطيع ان يدرس اللغة بس الماستر ماعندي علم والله مممم اتمنى تفيدني وتجاوب عليا ممكن تكون الاسئله بسيطة لكم بس لآنها تدور حول امر مجهول اشوفهاا كبيره

بالتوفيق لك اختي الكريمة.. ان شاء الله اكون افدتك....

[تولين11]

الله يسعدك والله
مآقصـرت :/

تيب سؤال أخيـر هههه

لو نفرض أنقبلت
المبتعثين يطلعوا قـروب ؟ ولآ كل مين لوحده ؟
السكن هما بـ يآمنوه قبل أوصل ؟ ولآ انا لآرحت أدور ؟
تيب البيبي عمره تحت السنه بـ يـأمنوا له حضآنه وبيدولي له مصـروف ؟
تيب شيء تآني بلآقي بنآت كتيـر منقبات دآخل الجآمعآت ولآ بكون شيء غريب

كم فتره الدراسه ككل للمآستر ؟

[eng-alqaidy]

المشاركة الأصلية كتبت بواسطة تولين11 الله يسعدك والله مآقصـرت :/ تيب سؤال أخيـر هههه لو نفرض أنقبلت المبتعثين يطلعوا قـروب ؟ ولآ كل مين لوحده ؟ السكن هما بـ يآمنوه قبل أوصل ؟ ولآ انا لآرحت أدور ؟ تيب البيبي عمره تحت السنه بـ يـأمنوا له حضآنه وبيدولي له مصـروف ؟ تيب شيء تآني بلآقي بنآت كتيـر منقبات دآخل الجآمعآت ولآ بكون شيء غريب كم فتره الدراسه ككل للمآستر ؟

ويسعدك ان شاء الله..

تنقبلي ان شاء الله...

والله يااختي بعد ماتنتهي الوزارة من الاجراءات يصدر لك قرار الابتعاث والتذاكر بس مااعتقد

قروب لانه في ناس تطلع له الفيزا بسرعه وفي ناس تتأخر شوي بس ممكن تتقابلي في رحلتك كم

مبتعث ومبتعثه يعني الرحله اللي بتطلعي فيها تكون رحله عاديه فيها مسافرين لسياحه وغيره..

بالنسبه للبيبي يعطوه مكافئه صغننه بقولك قيمة المكافاة 300 دولار بس مو متأكد...
لا شي عادي بتلاقي منقبات بس على حسب المكان ايضا....

والله يااختي اول شي مرحلة اللغة الانجليزية اقصى حاجه تعطيها الوزارة 12 شهر وبعد كذا لابد تجتازي التوفل. والماستر على حسب التخصص والجامعة...

.... بالتوفيق....

[تولين11]

يعطيك الف عآفيـه مآ قصـرت والله :/