محتاره ..مشورتكم

[زينه العبدالله]

السلام عليكم ورحمة الله وبركاته
انا تخصص صعوبات تعلم ..وصراحه احسه مو مكاني ماني مرتاحه له ..وابغى أحول توحد ..
بس سمعت الكثير يقول التوحد ماله مستقبل ..صحبح هذا الكلام ..واش رأيكم في الإعاقه العقليه ؟؟
ايش تنصحوني ..الله يسعدكم التحويل مسموح إلى يوم الأربعاء فقط ..

[كل الوفا]

كل تخصص وله ميزآته ...
إنت شوفي نفسك وين ..!
بس اللي اعرفه إنه الصعوبآت يبغآلها
صبر وقوة تحمل ...
بس دآمك مو مرتآحة استخيري وحولي ...
والتوحد برضوا سمعت كثيير يقولوا مآله مستقبل
والتخلف مستقبله حلووو ..
وفي النهآية <<< وهذآ الأهم
كل شي بيد ربنآآآآآ ...


تحيـــــــآتي ...
لك ودي
^_^

[welee]

انا اتخصصت اعاقه عقليه بعد مشاورات من مدرسين في التربية الخاصه وناس شغالين في الوزاره

ونصحوني بالاعاقه العقليه

من حيث المستقبل الوظيفي والتعامل مع الطلاب وسهولة الدراسه

والله يوفقك يارب

[اللقماني]

وعليكم السلام ورحمة الله وبركاته

التوحد قسم جيد لكن لا يوجد ضمان المستقبل الوظيفي

اما بالنسبة للإعاقة العقلية فهو ممتاز ومرغوب في التوظيف لكن يجب عليك الصبر لانك بتتعامل مع طلاب معاقين عقليا

والله يكتب اللي فيه الخير

[0أبو عامر0]

المشاركة الأصلية كتبت بواسطة زينه العبدالله السلام عليكم ورحمة الله وبركاته انا تخصص صعوبات تعلم ..وصراحه احسه مو مكاني ماني مرتاحه له ..وابغى أحول توحد .. بس سمعت الكثير يقول التوحد ماله مستقبل ..صحبح هذا الكلام ..واش رأيكم في الإعاقه العقليه ؟؟ ايش تنصحوني ..الله يسعدكم التحويل مسموح إلى يوم الأربعاء فقط ..

عليكم السلام ورحمة الله وبركاته

أختي بالنسبة للتوحد مستقبله غامض بعض الشيء وصراحة ما أنصح به ..

أما بالنسبة لصعوبات التعلم تخصص دراسيا صعب بعض الشي لكن عمليا ممتع جدا ومستقبله جيد..

بالنسبة للإعاقة العقلية ( التربية الفكرية ) تخصص دراسيا سهل وحلو , وعمليا يحتاج للصبر والمثابرة والتحمل لأن النتائج تقريبا غير مضمونة ، لكن بحكم اني معلم تربية فكرية حاليا فأنا صراحة مرتاح مع الطلاب ونظام العمل بشكل عام ، وبالنسبة لمستقبلة الوظيفي فهو جيد جدا ..

أتمنى منك أختي أن تستخيري الله , وفي الأخير أتمنى ألا تربطي تحويلك من تخصصك بموقف شخصي حصل مع دكتور أو مادة أو شي جانبي بسيط .
موفقة أختي

[كرزه...]

هلا وعليكم السلام
ياحياتي إذا انتي مو مرتاحه وفتحوا التحويل ..وين المشكله ..ليه ماتحولي ..اهم شيء راحتك لاتفكري في وظيفه وغيره كله بيد ربنا أهم شيء انتي تشوفي نفسك وين ..ممكن الصعوبات والإعاقه العقليه مستقبلها أفضل لكن امكن مايعجبك وتتعبي في الدراسه والتطبيق مااتتحملي وتجيبي معدل منخفض ..اش الفايده !!!
بعدين التوحد امكن مكتفين بالنسبه للأولاد ..بس البنات اعتقد لأ ..انا لما سألت مشرفات في مراكز التربيه الخاصه قالوالي التوحد مطلوب بالنسبه للبنات فقط ..اصلاً التربيه الخاصه بشكل عام بالذات للبنات بحكم إحنا اول دفعه إن شاء الله مستقبلها الوظيفي مضمون ,,ولاتنسي إحنا عندنا نقص في الدكاتره بالنسبه للحريم..
الله يوفقك ويسهل عليك
ولاتنسي الاستخاااره قبل كل شيء ...
وبيني وبينك أصلا التخصصات إلي فتحوها لنا كلها ماهي عاجبتني انا نفسياصير أخصائيه نطق وتخاطب بس ربي ما أراد ومانعرف وين الصالح والخير ..^_^

[بنادوول]

صعوبات التعلم تخصص حلووو لأكن انتي بالمستقبل راح تتعاملي مع اعاقة عشان كذا شوفي الإعاقة الي حابه تتعاملي معها يعني مثلا روحي زيارة لمراكز ذوي الاحتياجات الخاصة راح تلاقي إعاقات مختلفة وشوفي طريقة تدريس كل إعاقة والتخصص الي مقتنعه فيه وحاسه انك راح تبدعي فيه ادخليه بعد الاستخارة وبإمكانك تدخلي اليوتيوب واكتبي مثلا Autism راح يطلع لك طلاب التوحد وطريقة التعامل معهم ومثل كذا لباقي الإعاقات يعني بالعربي شووووفي الفئة الي راح تتعاملي معهم

[ALFETO]

في قسم عندنا يالشباب اخصائي نطق ولغة وهو جداُ ممتاز بس مدري عنكم يالبنات هل هو موجود عندكم

[حفيدة نيوتن]

انا سمعت الاعاقة العقلية دراسة حلوووة وممتعه اما تطبيق صعب شويا


وصعوبات التعلم دراسة صعبة وتطبيق سهل


وتوحد دراسة وتطبيق كله صعب


والله يكتب لك الخير

[روح طفولية]

المشاركة الأصلية كتبت بواسطة alfeto في قسم عندنا يالشباب اخصائي نطق ولغة وهو جداُ ممتاز بس مدري عنكم يالبنات هل هو موجود عندكم

للأسسف مو موجود عندنآ ،،

احنآ عندنآ بسس 3 مسسآرآت ،،



غلآآتي ،،

انا انصحك ب الاسسستخآره ،،