ما أهم الكتب والملازم للطلاب المستجدين ؟ {عنوان معدل}

[كاسبرينو]

السلام عليكم ورحمة الله وبركاته


أخواني الأعزاء ما أهم الكتب والملازم وملخصات لطلاب التحضيري لجميع المواد

acct-117
ecton-107
elib-201
stat-271
arab-101


سؤال أخير // هل يوجد دراسة أول يوم وأول أسبوع ؟؟.

[بنت ناس وقلبي ألماس]

وعليكم السلام ورحمة الله وبركاته,

قصدك الطلاب المستجدين في كلية الإدارة والاقتصاد (المستوى الثالث):

بالمناسبة ما أنصحك تشتري كتب لحد ما يطلبوها منكم الدكاترة لأن بعض الكتب تتغير , عموماً كنا نعتمد في المذاكرة على الكتب والسلايدات والتست بانك ومافي عندنا ملازم وملخصات .

بالنسبة للدراسة فغالباً تبدأ ثاني أسبوع والقليل من الدكاترة يعطي أول أسبوع .

[كاسبرينو]

^^^^


جزاكي الله خيرا .

[adnans]

المشاركة الأصلية كتبت بواسطة كاسبرينو السلام عليكم ورحمة الله وبركاته أخواني الأعزاء ما أهم الكتب والملازم وملخصات لطلاب التحضيري لجميع المواد acct-117 ecton-107 elib-201 stat-271 arab-101 سؤال أخير // هل يوجد دراسة أول يوم وأول أسبوع ؟؟.

وعليكم السلام ورحمة الله وبركاته

الماده الأولى : المحاسبه تعتمد بعد الله على الكتاب خذ الكتب مصوره نصيحه ولا تشتري ولا شي جديد الا هذا الكتاب ( المحاسبه ) لانه مادتين مستوى أول وثاني فكتاب واحد ومنها الارقام ملونه ومن هالكلام.. المهم فالماده شوف تقريبا فآخر كل شابتر أو فصل جدول أو 2 أو 3 بالكثير فيه زبدة الشابتر كله ولو فهمته أعتبر نفسك فهمت الشابتر كلللله أسمه summary أن ما خاب ظني سهله عالاخر لو أنزنقت لاخر الترم روح لمدرس لكن أنصحك من البدايه والله ما يبغالها أي بطيخ ركز مع الدكتور وحاول تحلها فالبيت هي محلوله بس أعرف طريقة حلها وباذن الله تفلح

الماده الثانيه : الاقتصاد الجزئي وفالترم اللي بعده الاقتصاد الكلي خذها عند الدكتور خالد الديب كل الاختبارات من التست بانك بدون كتاب ولا سلايدات ولا بطيخ سهله جدا

الماده الثالثه : انقليزي مدري على حسب الدكتور لو موجود واحد أسمه رولاند كركوف خذ كل مواد الانقليزي عنده مزبوط الشايب ذا وفله عالاااااخر عموما مواد الانقليزي سهله بس يبغالك تترجم الكلمات اللي أنت مو عارفها من أول الترم فالكتاب كله ومذاكره زي الشباب وتفلح باذن الله

الماده الرابعه : الاحصاء حق الكليه نفسها حق التحضيري بس الاختلاف فالتحضيري تحل كل المسائل بالاله الحاسبه واللي فالكليه تحلها على الكمبيوتر لا تقول أففف صعبه قسم بالله أتفه ما يكون بس خذها عند الدكتور المصري ولا تاخذها عند أسامه عارف ظلمنا ظلم مو طبيعي المهم لااااااااااا تشتري الكتاب حمل برنامج الميقا ستات على لابتبك تلاقيه أظن هنا فمواضيع المنتدى أو من نفس خويانك اللي اشتروا الكتاب او معهم السيدي او نفس الدكتور يعطيكم تحملوه زبدة الكلام حمله واعرف طريقة حل التباين والانحراف المعياري ... الخ وفالاختبار تطقطق عالكمبيوتر وتحل فالورقه وانت رافع راسك

الماده الاخيره عاد اللغه العربيه نفس نظام الثنوي والمتوسط مبتدأ وخبر وصفه ... الخ سهله بس دش كلام ويبغالك تركز فالاعراب وزي كذا أنت أخبر ...

وأي خدمه أخوك حاضر وممنون .. بالتوفيق يارب

[كاسبرينو]

^^^^



بارك الله فيك وجعله بميزان حسناتك معلومات رائعة أخي لكن آخر سؤال : هل في دراسة أول أسبوع ؟؟ لأن لو مافي عشان لازم أروح المدينة أما لو في أضطر أقعد وخلاص .

[adnans]

على راسي حبيبي الغالي أحنا فخدمة الطيبين دائما ..

بخصوص الدوام أنا ما أحب أفتيلك بعدين تدعي علي أغلب الشعب ما يداوم الا دافور دافورين عالكثير أنا من ناحيتي أغيب الأسبوع الأول كامل وأجي الاسبوع اللي بعده أكلم الدكاتره بعد المحاضره على جنب أني كنت أضيف مواد ثانيه ومتهجول فالشؤون التعليمية ومن اليوم ورايح حتشوف أنضباطي وماشيه معي الخطه 100 % الحمدلله ههههههههه ...

بالتوفيق حبيبي

[adnans]

تعقيب بسيط بس لو أنا مكانك أروح اللي أعرفه كل الدكاتره ما يهتموا بحضور أول أسبوع الا باشنيني حق المحاسبه وباسهل حق نظم المعلومات ولو أنا مكانك حطلع المدينه ولا أفكر فيهم اذا انتظمت بعدها راح ينسوا الغياب ان كانوا سجلوه .. في أمان الله

[كاسبرينو]

أشكرك كثيرا والله يوفقك .

[adnans]

الشكر لك حبيبي الغالي .. ومن قال يارب