استطلاع عن اختبار اليوم الراي العام com204

[قمة النجاح]

بسم الله الرحمن الرحيم

اخواني ابي اشوف انطباعكم عن اختبار اليوم

الراي العام

والله بعض الاسئلة غامضة والدكتور حاط اسئلته صراحه لدكاتره او طلبة انتظام

مو طلاب انتساب

[بندر العوني]

اووووف انت تشوف .

انا من اول ما شفتها توزع وهي ورقه وحده وانا غاسل يدي .

صراحة صعبه موت حسبنا الله ونعم الوكيل ياعلا طلعت .

[honey_3sal]

والله لحس مخي

الله يهديه مع اني ماخذها ماده حره على اساس ارفع المعدل بس شكله راح ينخسف

[قمة النجاح]

المشاركة الأصلية كتبت بواسطة بندر العوني اووووف انت تشوف . انا من اول ما شفتها توزع وهي ورقه وحده وانا غاسل يدي . صراحة صعبه موت حسبنا الله ونعم الوكيل ياعلا طلعت .

حسبي الله عليه صراحه اسئلته غامضه

الله لايوفقه خساير واسئله غامضة

[abojary]

الله لايوفقه لا دنيا ولاآخرة حسبي الله ونعم الوكيل عليه

[فتى ارامكو]

اسئلة غامضة ياحسافة منزلها حره لرفع المعدل وياليت انجح

[zakaria_asere]

الله المستعان اسئلة ظاهرها سهل وباطنها صعب هذا وانا خريج ان شاء الله واخذتها لرفع المعدل
احد الامثله :
1 - من مقومات الراي العام : المشكلة والقضيه والمناقشه والحوار والقرار.

- يعني المقومات الاساسيه ثلاث ( المشكله والقضيه والمناقشه ) القرار والحوارهذي ماادري من وين جت وان اجبت صح فلوجود المقومات الثلاث وان اجبت خطا فمشكله اكبر لوجود اضافات عليها هي الحوار والقرار

2 - استطلاع الراي هو استطلاع فوري وسريع لتذكر قبول ورفض الراي العام

- انا ودي اعرف وش جاب كلمه تذكر ان اجبت صح فصيغه السؤال صحيحه وان اجبت خطا فلوجود كلمه تذكر

اسئلة للاسف لاتعتمد على الفهم او الحفظ بل تعتمد على الاستيعاب الشديد ومراعاة الكلمة الواحده هي اشبه مايكون المشي في وسط حقل الغام
لكن املنا بالله كبير ثم باالدكتور طلعت

[ابوثامر.]

الدكتور معروف عنه بالاسئله غير المباشره وفيها غموض نوعا ما..

انا اخذتها كماده حره لرفع المعدل بس الحين اتمنى النجاح فيها فقط..

الله يعديها على خير,,

[راكان بدر]

الله لا يوفقه حسبي الله عليه أسأله من النماذج غير يعني أحد سهل واحد صعب. وين المساواه. الله لا يوفقه بس

[tatherky]

الله يوفقنا وإياكم
ياشباب لا تخلوا الإحباط يتمكن منكم أنسوا الماده وأهتموا فالمواد الباقيه وذاكروها تمام عشان تساعدكم دراجاتكم العاليه في رفع المعدل
تقبلوا مروري
وقولوا جميعاً (سأستمر حتى أنجح مهما كان عدد الإخفاقات التي تعترضني)