للخبراء هل احتاج مدرس

[ابوفيصل966]

السلام علكيم ورحمة الله وبركاته
ياخواني انا مستوى رابع ونزلت لي المواد التالية
محاسبة ادارية
اساسيات ادارة مالية
مقدمة نظم معلومات ادارية
اساسيات الاقتصاد الجزئي
مقدمة في الموارد البشرية

اي من هالمواد يحتاج مدرس
وشكرا للجميع

[ايمن المزيني]

اخوي محاسبة ادارية لها متطلب وهوا اساسيات المحاسبة المالية كيف نزلو لك مادة ومتطلبها في نفس الترم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ENGr. TURKI]

محاسبة ادارية اساسيات ادارة مالية مقدمة نظم معلومات ادارية اساسيات الاقتصاد الجزئي مقدمة في الموارد البشرية

المحاسبة الإدارية : بعد تغيير الكتااب أصبحت أسهل من قبل وتحتاج مدرس إذا انت من النوع اللي ما يفهم من الكتاب
أو بحضور الدورة التأهيلية للمنتسبين ( بإذن الله تتبسط لك المادة ).

مقدمة نظم معلومات ادارية: مادة سهله ممتعة رائعة ( كلام × كلام ).

اساسيات الاقتصاد الجزئي: أختلف العلماء فيها :)) منهم من قال صعبة و منهم من قال سهله بس شد حيلك الشاهد برضو بحضور الدورة التأهيلية بإذن الله ماتحتاج مدرس ( ولو إني اقول فيها أخر الفصول تحتاج لشرح ).

مقدمة في الموارد البشرية: شاهي + نعناع ( و افتح الكتاب بدري لانها أطول مادة ) ( كلام في كلام )
اذا انت موظف راح تختصر 50% من المادة ... و سهله بس منهج طويل.

اساسيات ادارة مالية: مادة ممتعة 9 فصول ( فصلين منهم مسائل ) و الدكتور عادة يختصرو على الفصل الثالث و ويختار 10 مسائل إلى 15 مسئلة .. لكن ماعليك مادة سهله و الكلام فيها كتير و الاسئلة اغلبها من الكلام .


الله يوفقك يارب .. و عقبال الـa+

[Mohammed Alshammari]

وادارة العمليات لاتقولي في اي مستوى

انا مستوى سادس بس الماده هذي ماهضمتها كل ترم تنزلي واحذفها مدري ليش

هل هي نظرية ولاعملية

[ابوفيصل966]

اخوي ايمن انا مستوى رابع خلصت المحاسبة المالية
مهندس تركي الله يعطيك الصحة والعافية على الشرح الجميل وبيض الله وجهك وان شاء الله بركز على الدورة التاهيلية

[ENGr. TURKI]

المشاركة الأصلية كتبت بواسطة mohammed alshammari وادارة العمليات لاتقولي في اي مستوى انا مستوى سادس بس الماده هذي ماهضمتها كل ترم تنزلي واحذفها مدري ليش هل هي نظرية ولاعملية

ادارة العمليات : مادة ماتدري وش تبي تتكلم عن الانتاج و ادارة العمليات التحويلية
( دكتورها غالبا ً : المعتزبالله )
لكن في مجملها : ( 80% كلام و 20% مسائل )
أعرف واحد مافتح الكتاب و راح مخربها و أخذ 60 وعداها ...
وأعرف واحد جلس على المادة أسبوع فقط و أخذ 96 و مستمتع بالمادة ...

المادة تحتاج تركيز وفهم الاساسيات فقط
اذا فهمت الانتاج و تقرير الموقع الداخلي و الترتيب الداخلي فإنت فهمت 50% من المنهج.
عموما ً : لا تشيل هم و عطها حقها وبإذن الله 98% a+

لكن نزلها لانها متطلب ( كلية ) فيك فيك لو أخر ترم :))

[ENGr. TURKI]

المشاركة الأصلية كتبت بواسطة ابوفيصل966 اخوي ايمن انا مستوى رابع خلصت المحاسبة المالية مهندس تركي الله يعطيك الصحة والعافية على الشرح الجميل وبيض الله وجهك وان شاء الله بركز على الدورة التاهيلية

بالتوفيق يارب ...
وماسوينا الا الواجب
عسى الله يكتب لنا ولكم مافيه الخير ...

وفالك الدكتوراه