إستفسارات : عن التحويل من نظام التعليم عن بعد إلى إنتظام بعد السنة التحضيرية.

[خـا!لـد]

السلام عليكم ورحمة الله وبركاته :

هذه أول سنة لي "السنة التحضيرية" في نظام التعليم عن بعد
وبإذن الله سوف أحول إلى إنتظام بعد هذه السنة ، ولكن لدي أسئلة بخصوص التحويل.

ماهو المعدل المطلوب ؟
وهل أستطيع التحويل بعد السنة التحضيرية مباشرةً ؟

وياريت لو فيه شروط أخرى تطلعوني عليها.
وسأكون شاكراً لكم.

[B.M.S]

انا حقولك تجربتي ... انا خريجة 2009 يعني خلصت سنتي التحضيريه و الحين في مرحلة القبول ..

اول حاجه احسن شي في التعليم عن بعد انو في اعمال سنه >> يعني يرفع المعدل .. اهم شي لازم تشدي حيلك من الترم الاول عشان تضمني التحويل ..

بالنسبه للمعدل حق التحويل من 3.75 و ما فوق .. الي يجيب اقل من كذا ينسى فكرة التحويل إذا ماعندو واسطه ..

او إذا ما كانت طلبات كثيره للتحويل و هذا شي نادر جدا !!

بس مو شرط كل الي جاب 3.75 يتخصص في التخصص الي يبغاه بعد التحويل ممكن يترمي في شي مايبغاه
و هذا يعتمد على المقاعد الفاضيه و المعدلات الي حتنقبل فيها ..

مثلا لو تبغي تدخلي إدارة و اقتصاد هما عندهم 150 مقعد فاضي حيقبلوا اعلى 150 نسبه من رغبات التحويل و ممكن يوقف التسكين عند 4.0 و ممكن اكثر و ممكن اقل على حسب المعدل الاجمالي للبنات المتقدمين على التسكين في الكلية ..

و بالنسبه للتحويل تقدري تحولي .. بس لازم يسوا حركه حرق اعصاب كل سنه و يقولوا مافي تحويل بس هوا في

بس يسوا كذا عشان يخلوا الطلاب يفقدوا امالهم نحنا صارت لنا و كمان صارت للدفع الي قبلنا بس الحمدلله التحويل حيكون في نص رمضان ..

الله يكون في عونكم و يوفقك .. وفي حاجه مهمه جداااااا

لو انتي طالبة علمي في الثانوي و دخلتي تعليم عن بعد حتدرسي طبعا إداري انساني ..

و الحين نزل قرار جديد انو إدارة الاعمال صارت فقط للمسار العلمي للسنه التحضيريه .. و فقط كم قسم من كلية الاقتصاد و الاداره لإداري والانساني ..

اما لو تبغي شي ثاني من المسارات الادبيه الوضع عادي ..

بس لازم تشدي حيلك ترى بالراحه تجيبي معدل بس لازم تضمني اعمال السنه في جيبك
وتذاكري كويس للنهائي و تشدي حيلك في الترمين

انا جبت في الترم الاول 4.31 و الترم الثاني 4.21 و طلع التراكمي حقي 4.26 الحمدلله و يارب احول على خير ((( ادعيلي )))

وزي ما المعدل تقدري تجيبيه بسرعه ترى ينخسف بسرعه لو تكاسلتي ..
في وحده من صحباتي معدلها الترم الاول كان 4.65 مررررره كويس بس تكاسلت الترم الثاني و جابت 3.70 شي زي كذا مني متذكره الرقم بالضبط ..!!
تخيلي طلع معدلها التراكمي 3.88 مره انخسفت عن الترم الاول ..

شدي حيلك انتي و سوي الي عليك وان شاء الله تنتظمي ^__^

اما بالنسبه للشروط الاخرى ليست ذات اهميه سوا انو تكوني سعوديه او من ام سعوديه عشان تحولي
وإذا ما كنتي كذا تقدري تقدمي طلب منحه من السفاره بعد السنه التحضيريه للتحويل و ربنا يوفقك ^____^ ..

وان شاء الله اكون افدتك .. لا تنسيني من دعوه طيبه عند افطارك ^.^

[خـا!لـد]

إنتي ليش تكلميني بتاء النسوة؟

شكراً أختي أستفدت كثير وربي يوفقك إن شاء الله

ذا اللي كنت خايف منه الزحمه على التحويل ، بالنسبة للمعدل إن شاء الله مافيه مشكلة وجربنا إنخسافاته في الثانوي << الله لايعيد هذيك الأيام :(

يعني أهم شيء أجيب معدل مرتفع مرة عشان تكون لي الأولوية

[B.M.S]

ههههههه ^^" اسفه جدا اخوي ..

ما انتبهت للاسم ^^" ولا للجنس ^^" .. عذراً

اهم شي استفدت .. ايوه خليك حريص قد ماتقدران ا القدرات و التحصيلي نزلت معدلي حق الثانوي

و دخلت تعليم عن بعد و حتى ماشديت حيلي مره في السنه التحضيريه بس الحمدلله جبت معدل كويس عشان ضمنت اعمال السنه كامل الحمدلله^____^ ..

انت الله يوفقك و ترى اكثر شي يفيدك في الاختبارات النهائية اسئلة الاختبارات النهائيه حق الدفع الي قبلك ترى تجي كثير اسئله نفسها بالضبط بدون تغير ^^

[خـا!لـد]

فتحي عيونك بغت تروح أرواح

المشاركة الأصلية كتبت بواسطة b.m.s اكثر شي يفيدك في الاختبارات النهائية اسئلة الاختبارات النهائيه حق الدفع الي قبلك ترى تجي كثير اسئله نفسها بالضبط بدون تغير ^^

أدري ، أدري بس والله للحين مو عارف شيء عن المواد والمسارات ، لو قالوا لي إنقلع للمسار "ت" قلت لهم قدام على الصدام ماعندي مشكلة ، والمشكلة اللي أكبر مالقيت طالب عملي يدرس سنة تحضيرية ، كل اللي عندي إما إنتساب أو متخصصين ، بس يعطيك العافية ماقصرتي وربي يوفقك

[لصمتي كلاام]

مشكووورهـ خيتو

مآ’قصرتي وآللهـ

آستفدت من كلامكـ

بس آنآ عندي آستفسآآآر

آلحين فيهـ تحويل من تعليم عن بعد لآنتظآم ؟

حسب مآعرفت آنوو فيهـ

وآلحين آلآنتسآب نزلت لهم آيقوونة آلتحوويل

بس آبغى آعرف آلتعليم عن بعد حتنزل لهم ولالا

لاني دخلت ومانزل شي

وآذآ مآتننزل وش آلحللل

؟؟

آنتظرر ردكـ يآلغلآ

وبآلتوفيق يآرب للجميع

[لصمتي كلاام]

بليييز حبآيبي آتمنى احد يرد علي

ربي يسعدكم ويوفقكم

[جوجوانا]

السلام عليكم ورحمة الله وبركاته

استاذ خالد فضلا لا أمرا ياليت تكمل لنا تجربتك الي بدأتها العام لأنو احنا الآن فنفس المكان الي كنت فيه العام فياليت لو تتكرم تجاوب على أسئلتي بما انك سبقتني في التجربة
1- كيف النظام بشكل عام ؟
2- ماهي التعقيدات الي واجهتك خلال العام ؟
3- ماهي المواد الأكثر صعوبة ؟والأكثر سهولة ؟
4- ماهي مميزات التعليم عن بعد من وجهة نظرك
5- كم كان معدلك؟
6- لو معدلك مش ولا بد اش الي خلاه ينخفض مع انك كنت ضامن المعدل ؟
7- اذا طلبت تحويل انتظام فما هي الاجراءات الي عملتها ؟

يا ليت بعد اذنك تتكرم وتجاوبني علشان تكتمل تجربتك ونستفيد منها ولك الشكر

[خـا!لـد]

المشاركة الأصلية كتبت بواسطة جوجوانا السلام عليكم ورحمة الله وبركاته وعليكم السلام ورحمه الله وبركاته استاذ خالد فضلا لا أمرا ياليت تكمل لنا تجربتك الي بدأتها العام لأنو احنا الآن فنفس المكان الي كنت فيه العام فياليت لو تتكرم تجاوب على أسئلتي بما انك سبقتني في التجربة 1- كيف النظام بشكل عام ؟ بشكل عام النظام جميل وممتع 2- ماهي التعقيدات الي واجهتك خلال العام ؟ التعقيدات اللي واجهتني، أعطال في الموقع (طبعاً إذا حصل لك خلل في الاختبار النصفي وحسب لك صفر ارسل للدكتور وهذي نادرا تحصل المهم يكون النت سريع) الشيء الثاني واللي رفع ضغطي بعض الدكاتره معقدين طبعاً نادراً يجي دكتور معقد يحاسبنا على كل حرف 3- ماهي المواد الأكثر صعوبة ؟والأكثر سهولة ؟ اللغه العربيه وماده التفكير من أصعب المواد (طبعا مع المذاكره سهله في ناس جابو الدرجه الكامله) أسهل المواد (بالنسبه لي الإنجليزي) ومهارات الاتصال والحاسب أما الرياضيات والاحصاء متوسط صعوبتهم بس شد حيلك فيهم :) 4- ماهي مميزات التعليم عن بعد من وجهة نظرك أفضل شيء فيه إنك تكون متابعه على طول مو مثل الانتساب الشيء الثاني درجات أعمال السنه تقدر تضمنها تتعرفي على طالبات 5- كم كان معدلك؟ معدلي الترم الأول = 3.75 معدلي الترم الثاني = 4.2 المعدل التراكمي = 3.89 6- لو معدلك مش ولا بد اش الي خلاه ينخفض مع انك كنت ضامن المعدل ؟ اللي خلى معدلي ينخفص اللغه العربيه وماده التفكير، بالذات العربي حاقد عليه كنت ممتاز فيه ماتوقعت كذا (درجتي في العربي والتفكير 65 باقي المواد تمام وهذا اللي خفض معدلي عن اللي المعدل اللي كنت أبغاه) 7- اذا طلبت تحويل انتظام فما هي الاجراءات الي عملتها ؟ للآن ماعملت تحويل، إن شاء الله راح أعمله في يوم 15 شهر 10 هجري بروح لعماده القبول والتسجيل وأحول وممكن من موقع الأوديوس اطلب تحويل اذا نفع يا ليت بعد اذنك تتكرم وتجاوبني علشان تكتمل تجربتك ونستفيد منها ولك الشكر

كتبت رأيي و تجربتي وممكن تختلف التجربه من شخص لشخص حسب الدكتور اللي يدرسه وحسب ميول هالشخص للماده وحسب إمتياز وجهود هذا الشخص في الدراسه
،،
لاكن أنصحك بما إنك مادرستي للأن تشدي حيلك في الدراسه لانها سهله، كل اللي عليك تختمي المواد وتجبين فوق التسعين، تراها سهله وأنا والله ندمااااان لو بيدي أعيد السنه بس ما ابغى اتأخر بصراحه كنت مهمل :( << أول مره اعترف ههههههه
وعلى فكره لو طلعت لك ماده درجه منخفضه او راسبه لاقدر الله، ترى مو نهايه العالم، عندك اربع سنوات يعني المعدل بسهوله يرتفع مع المعدل التراكمي
،، << ماني مصدق مرت سنه كنت أسأل واليوم أُسأل :)
في النهايه بالتوفيق للجميع وأي سؤال أو إستفسار أنا والاخوان حاضرين

[جوجوانا]

جزاك الله خير

عقبال ما أنسأل أنا