تكفوووون محتاجه مساعدتكم ضروووووووري الله يسعدكم والله تعبت

[جووري الوررد]

السلام عليكم كيفكم ياجماعه حبايبي عندي كم استفسار اتمنى الي يعرف ومجرب يرد علي انا طالبه تعليم عن بعد خلصت التحضيري الحمدالله معدلي 4.38 انا من اول ابغى انتظام وماقبلتني الجامعه قالولي ادخلي تعليم جيبي معدل ونحولك بعد التحضيري انتظام طبعا انشاءالله معدلي يأهلني احول بس عندي مشكله هما قالوا نحولك لو معدلك سمح الحين يقولوا ماعندنا الا اقسام معينه في الفيصليه انا ابغى قانون او تربيه مو موجوده في الفيصليه يقولولي خدي ترم في اي قسم من المتاحه لكي في الفيصليه وجيبيه في معدل بعدين نحولك للقسم الي تبغيه بس كثير بنات قالولي لاتسوين كدا والله مايحولوكي يورطوكي لما يجي وقت التحويل يقولوا اجلسي في قسمك وانا ماني عارفه مره تعبت والله كل مره يحطموني في شي الي صار معاه زي يقولولي حولوه ولا لا واكيد انهم يحولوا ولا لا ادا موا اكيد خلاص بجلس في التعليم وامري لله ايش اسوي مع اني ماابغاه وعارفه انه بيكون اصعب عليه في التخصص هدا النظام
ثاني شي لو حولوني ايش تشوفوا احسن قانون او تربيه طبعا انا ماعندي مشكله في الاثنين كلهم عادي احبهم بس الافضل والي مستقبله كويس علما انه التربيه كثير تخرجوا منه وخايفه من كثرتهم احنا معاهدنا مو كثيره والقانون لو حولوني احنا نكون تقريبا ثاني دفعه تتخرج منه لانه قبل سنه فتح ادا ماخاب ظني
ثالث شي واخر شي واسفه لو طولت عليكم لو جلست في التعليم عن بعد راح اتخصص نظم معلومات اداريه لانه هدا حلمي بس هو موموجود في الانتظام ايش رايكم في التعليم مضمون وفيه ناس توظفت بشهادة التعليم لانه يقولوا مثل الانتساب مستقبله ضعيف جدا
واسفه لو طولت عليكم جد اسفه بس والله كثير اشياء في بالي وتعبت وانا افكر محتاجه راي احد مجرب ها الشي
طبعا انتو مالكم في الجزء الثالث من سؤالي لاني طرحته هنا وفي التعليم عن بعد

[شـروق الزهراني <3]

تربية خاصة كثيررررررر لها وظائف


يعني الحمدلله ثقي بتلقيييييييين وظايف بقسم التربيه الخاصة


اما القانون ماعررررررف


ان شاء الله تتحولي انتظام