منتسبة جديدة في المنتدى ... وفي الجامعة ..

[صاحبة الزعامة]

بسم الله الرحمن الرحيم

كيفكم اخباركم ان شاء الله تكونوا بخير ومبارك عليكم الشهر ...

عندي اكثر من سؤال وابيكم تجاوبوني عليه اذا ما عندكم مانع ..

انا سجلت ببرنامج الانتساب في الجامعة والحمد لله قبلوني وكل شي تمام ..

انا سمعت عن الدورات التأهلية اللي تسويها الجامعة للمنتسبين عشان تعرفهم على نظام الجامعة والتعليمات والمناهج والاختبارات ...الخ

سؤالي : متى تبدأ الدورات وين راح تكون واذا كانت الدورات في الجامعة في أي مبنى راح تكون وراح تكون في المساء ولا في الصباح ؟

س2 : باالنسبة للمناهج من وين نشتريها من الجامعة ولا من المكتبات ؟

وشكرا ..

[ســـعـــيد]

المشاركة الأصلية كتبت بواسطة صاحبة الزعامة بسم الله الرحمن الرحيم كيفكم اخباركم ان شاء الله تكونوا بخير ومبارك عليكم الشهر ... عندي اكثر من سؤال وابيكم تجاوبوني عليه اذا ما عندكم مانع .. انا سجلت ببرنامج الانتساب في الجامعة والحمد لله قبلوني وكل شي تمام .. انا سمعت عن الدورات التأهلية اللي تسويها الجامعة للمنتسبين عشان تعرفهم على نظام الجامعة والتعليمات والمناهج والاختبارات ...الخ سؤالي : متى تبدأ الدورات وين راح تكون واذا كانت الدورات في الجامعة في أي مبنى راح تكون وراح تكون في المساء ولا في الصباح ؟ س2 : باالنسبة للمناهج من وين نشتريها من الجامعة ولا من المكتبات ؟ وشكرا ..

وعليكم السلام وعساك على القوه ...
بالنسبه للدورات التاهيليه يتم الاعلان عنها في الاودس وبالنسبه للحضور براحتك اذا كنتي داخل جده
تستطيعين الحظور واذا خارج جده تقدرين تحظرينها عن طريق برنامج يسمى سنترا مباشر بين الدكتور والطلبه المقيمين خارج جده وبالنسبه للمناهج اصبح الحصول عليها سهل في خارج جده في المكتبات الكبرى مثل جرير واذا تبين ملخصات بالكووووووووم ولاكن ملخصات المنتدى 100%
تقدرين تنزلينها بالنسبه للمبنى يتم تحديد كل شي في وقته واعتقد بان الدورات مسائيه والله اعلم لاني ماحظرتها

[امتنان]

اممممم
بالنسبة للدورات طبعا تكون ف الجامعه وبالنسبة للمبني انتي ع حسب جدولك وشعبتك تكون فيها كل الاشياء دي والمساء طبعا اممممم والمناهج ع كيفك من فين تحبي تشتريها عادي يعني في مكتبة بالجامعه وفي برا وبس
اتمنى اكوون افدتك وبالتوفيق

[دموع السحر]

ما قصروا الأخوان وفوا وكفو
عسى الله يوفق الجميع لما فيه رضاه

[فتافيت سكر]

راح ينكتب لك في موقع الجامعه موعد الدورآت
كوني متابعه اول بأول
والله يوفقك ويسهل لك

[alfahd6]

الاخوان هنا ماقصرو كفوا ووفوا والف مبروك القبول بالجامعه ونتمنى لك التوفيق والنجاح

[صاحبة الزعامة]

يعافيكم ربي .. وفيتو وكفيتو.. وما قصرتوا ...
بالنسبة لبرنامج سنترا من وين احصله ..

[عنيد بس عميد]

صباح الخير
ألف مبروك على قبولك في الجامعة
والإخوان ماقصروا معك كل شيء جاوبوا عليه
بالنسبة لسنترا هذه راح تلقينها في الاوديس لكن مع الدراسة ومع بداية الإعلان عن الدورات وإليك الآتي
الدراسة بالجامعة مثل أي دراسة سهلة على اللي يذاكر وصعبة على اللي مايذاكر
أول سنة تحضيرية تدرسين مواد عامة عددها حوالي 11 مادة
يقسم الطلاب لخطتين أ وب فطلاب أ يدرسون في الفصل الأول مثلاً رياضيات ـ تحليل كمي ـ انجليزي 101 _ ثقافة إسلامية ـ حاسب _ عربي
و ب يدرسون إحصاء ـ تحليل احصائي ـ انجليزي 102 ـ مهارات تفكير ـ مهارات اتصال
في الفصل الثاني يصير تبادل بين الطلاب يعني كل خطة تدرس مواد الخطة الأخرى
الاسئلة عبارة عن اختيارات فقط في جميع المواد
التخصص يكون حسب المعدل
الاختبار في السنة الأولى في المناطق التالية الشرقية ـ الرياض ـ أبها ـ جدة
وبعدها في جدة
بالنسبة لشراء الكتب لاتستعجلين كل شيء بعد بداية الدراسة وبعد ماتتأكدين من أنها المطلوبة وذلك بمتابعة المنتدى والأوديس .
كل شيء عن طريق الانترنت ( نظام الاوديس ) وكذلك للاستفسارات نظام الخدمات الالكترونية للطلاب
المذاكرة من أول الدراسة راح يسهل عليك أمور كثيرة وراح تعدين في المواد وتجيبين معدل ممتاز بحول الله .
حاولي الابتعاد عن الملخصات وإن كان لابد منها فاستعيني بها فقط ، أما الاعتماد الرئيس فهو على الكتب .
أسأل الله لك التوفيق والنجاح وعقبال التخرج والوظيفة المناسبة وأي سؤال أنا في الخدمة .

[اصحاب السعاده]

اهلين وسهلين ياصاحبة الزعامه,,,,,ولا للزعامه إلا الزعيم
نورت المنتدى ونورت الجامعه ونتمنى لك التوفيق
ماقصروا المتواجدين اجابوا عن جميع اسئلتك بالتفصيل

[ابو جوزيف]

مرحبا بك يا اختي صاحبه الزعامه وإن شاء الله دفعتكم ما تكون زي دفعتنا حقل تجارب ولو سمحتوو فكونا من طاري الزعيم هههههههههههههههههههههه