تعليمات بخصوص المواضيع .. أرجو الاطلاع جميعا

[weddah]

السلام عليكم ورحمة الله وبركاته

الموضوع عام لكل الاعضاء وخصوصا المستجدين والمستجدات


أول شي آرجو يكون عندكم موضوع واحد لكل قسم او على الاقل موضوع لكل ماده
مو معقول احنا 5 اقسام وكل محاضرة جديدة في موضوع

كلكم فتحتوا مواضيع للتجمعات بس محد التزم واستقر فيها

شوفوا اللي يناسبكم سواء موضوع واحد لكل ثانية مختبر مثلا وموضوع لثانية علاج وكذا
او موضوع حسب المواد مثلا فسيولوجي ثانية مختبر او اناتومي ثانية اشعة
واثبتلكم التجمعات لو تحبوا عشان تفضل فوق

والمواضيع الموجودة حنخليها بس نبغى نرتبها عشانكم وعشان تكون محاضراتكم منظمة وسهل ترجعولها تصير مرجع

والنقطة الثانية المهمة ياريت ما نتكلم عن الدكاترة ونذكر اسماءهم
بالذات اذا الكلام مجرد حش ما منه فايدة انتو في غنى عن هذا الكلام

والنقطة الثالثة اللي نعيدها كثير لا نقلب المواضيع دردشة وكلام جانبي
نتناقش ونتحاور وننبسط ونمزح بس لا نطلع عن اطار المنتدى

هذا منتداكم في الاخير لكم والغرض كلنا نساعد بعض ونستفيد
اتمنى وصلت فكرتي
وابغى اسمع آراءكم
وشكرا لكم كلكم موفقين يارب

[K.RAD]

كلام رائع مشرفتنا وده

او ممكن تبقى مواضيع التجمعات للنقاشات بالمواضيع الجانبية وكذا والفضاوة في القسم

وموضوع يكون اسمه محاضرات ثاني اشعة مثلا ويصير تنزل فيه كل محاضرات اي مادة سواء بنات او اولاد ثاني اشعة من اول الترم الى الاخر وهكذا

اما التجمع فقط لللنقاش والسؤال عن المادة والاستفادة ممن هم اكبر سنا والي يتبث بس مواضيع المحاضرات اما التجمعات لانها حتكون على طول فيها ردود فما تحتاج تثبت ..

وهذا رأيي

شكرا

[Dr.candy]

انا مع كلام استاذه ود وخلود

احس خلاص راسي بينفجر ...

[AM00NA]

^^
سلآمة رآسك يآعسسل ^_^

شكراً خيتوو وده ع الأهتمام ..

[Dr.Shaikhah]

من جد كثرت المواضيع بالقسم هاليومين وتلخبطنآ

[قصة غروب]

وعليكم السلام ورحمة الله وبركاته.
اول شي نشكرك مشرفتنا الغاليه ع اهتماامك والله يعطيك الف عافيه ع حرصك ع المصلحه العامه.
الشي الثاني اقترح بالنسبه للي ينزلوا المحاضرات انه لكل سنه وكل تخصص يكون لهم موضوع وثقدري تثبتيه علشان سهله يوصلوا له لان اللحين صارت صعبه كل واحد ينزل محاضرة ويمشي ويصير في تشتيت.
او مثلا تسوي موضوع لجميع التخصصات يكون الغرض منه يعتبر مركز لتحميل المحاضرات لجميع الاقسام يصير اي محاضرة تبغاها تلقاها ف الموضوع هذا وخصوصا ان بعض التخصصات تشترك ف بعض المحاضرات فانا اشوف هذي كويسه الصراحه.
ربي يسعدك ويوفقك

[سبحانك اللهم ..~]

وي في ناس كآنو شايلين بقلبهم علينآ
مشكوره ع الموضوع الي خلى الناس تفضفض وماتشيل بقلبها ع بنات المختبرات ههههههههه
فديتك

[قصة غروب]

^^^^
اختي الله يسعدك انا الصراحه مادري كل واحد كتب شي ف الموضوع هذا ايش قصده لكن اللي متاكد منه 100% اننا هنا ف المنتدى هذا كلنا اسره واحده ومافي احد بيكون شايل ع احد نهائيا.
واولاد وبنات المختبرات وباقي التخصصات الثانيه كلهم ع عيننا وراسنا وماحد يقدر يزعلهم لكن ممكن كل واحد ليه وجهة نظر ف اللي كاتبه. واحنا المفروض اختي الله يسعدك اننا نحسن الظن ف الجميع.
ربي يسعدك ويوفقك
تحياتي

[سبحانك اللهم ..~]

ياستي انا قايلتها من باب المزح
لو كان كلامي من باب الجد ماكان شوفت الـ ( هههههههههه )
وانا حاسنه الظن , بس قصدي عشان وحدا قالت راسها انفجر والتانيا انو اتلخبطت فقولت كويس انو قالولنا عشان لايعصبو منناْ~
دا كل مافي الموضوع
< ورده الك خيو احسن الظن تاني مراآ

[قصة غروب]

^^^^
طيب تمااام تماام
المهم كلنا نحسن الظن ياااستي.
ربي يسعدك