بالنسبة لزي الطالبات في كليه العلوم الطبيه التطبيقيه ,,,,افاده لكم :)

[mzat kau]

اهلين ياحلوين انا سمعت كتير هنا كانو بيسالو عن كليه العلوم الطبيه التطبيقيه الزي فيها للبنات بس



فحبيت اقلكم من اللي قريتو بالمنتدى عن الزي :)


الاولاد للاسف ماعندي فكرة
اما البنوتات

طبعا تقدرو تلبسو لاب كوت ومايكون مرة قصير ع الركبه وبنطلون

وبالنسبه قريت انو كل قسم لو سكرب معين وهادي الالوان

التغذيه سكرب موفي

التمريض سكرب ابيض

العلاج الطبيعي سكرب ازرق نيلي

الاشعه سكرب رمادي

المختبرات سكرب عودي

وهما سارو يلبسو من سنه تانيه وماظنو مفروض يعني اختياري هيا بس الاسنان اللي مفروض عليهم

وبس هوا دا

وطبعا اشكر الاخت nano0ok لانو انا اخدت المعلومات من عندها بقسم الاسنان


وبس هوا دا الله يسهلنا تخصصاتنا في دي الكليه

ودا موقع للسكربات برضو منها الله يسعدها يارب

http://www.a2zuniforms.com/cgi-bin/a...ltMedical.html

[Hiromi]

شكراً مزة

يلا بقي كم يوم ونتسكن

[حابه # اتخصص]

شكراا على التوضيح
والله يصبركم وان شاء الله تكون نهاية صبركم خير

[Dr~NanoOok]

عزيزتي مزّه

يعطيكِ الف عافية على اجتهادك لمساعده الكل هنا =)
ماشاء الله عليكِ
في ميزان حسناتك , وعقبال لما تدخلي التخصص اللي تتمنيه يارب


السكرب اذا ناويين تشتروه
فالأفضل انكم تاخدوه جاهز ومن ماركة كويسة ومتخصصة ليه
لأن قماشها يكون مخصص للتعقيم وحق غسيل كل يوم
يعني يعيش معاكم

أما التفصيل اللي عند الخياطين , أنا شفت كذا محل وما حسيته كويس
بس انتوا براحتكم واختاروا اللي يعجبكم =)


والموقع اللي ذكرته مزّة هنا
هذه نفس الماركة المتواجدة في محل اسمه scrub موجود بسوق دانية -شارع حراء
وأغلب طالبات الطب بيشتروا منه

لكن هناك أنواع مره كتير , واذا دورتوا في النت تلاقوها
وهذه الصفحة مثال scrub suit

وفي برضو عن طريق موقع امازون بالنت
انا لقيت أنواع وأشكال مرررررررره حلوة
إن شاء الله حطلب منها ^^

وهذا جروب على الفيس بوك
يساعدك على الشراء من موقع امازون ويؤدي عنك كل الحوسة
حقت الدفع ببطاقة النت والشحن والتوصيل و.....الخ

PayCash (Amazon) للشراء من موقع أمازون

[Hiromi]

معليش على السؤال الغبي بس استحملوني شويه


من يعرف مكان يبيع لاب كوت كويس وقماشه حلو

[Dr~NanoOok]

المشاركة الأصلية كتبت بواسطة hiromi معليش على السؤال الغبي بس استحملوني شويه من يعرف مكان يبيع لاب كوت كويس وقماشه حلو

ويلا يهمك أسألينا زي ما تبغي
وإن شاء الله نقدر نفيدك =)

عندك الثوب السعودي , لاب كوتاته كويسة
وعندنا بالجامعة يبيعوا لاب كوت من مشغل مروة
وتقدري تشتري من نفس المشغل موجود بشارع باخشب جنب الجامعة
ومرره كويس قماشه حلو ويعيش وفي كل الأطوال اللي تبغيها (طويل -وسط - إلى الركبة )

وفي على طول شارع بخشب محلات كتير حقت لاب كوتات
روحي واختاري الي يعجبك

وغالبا الجاهز يكون سعره كويس مابين 60-80 ريال
لكن التفصيل يوصل لـ 120 ريال وأكثر

[mzat kau]

في الحسيكي للملابس الطبيه عند مستشفى المستقبل فين بالزبط لاتساليني خخخخخخخخخ


وفي المواقع اللي قالت عليها nano0ok الله يسعدها يارب :)

[Hiromi]

والله مررره شكراً

الله يوفقك دنيا وآخرة

[Hiromi]

المشاركة الأصلية كتبت بواسطة mzat kau في الحسيكي للملابس الطبيه عند مستشفى المستقبل فين بالزبط لاتساليني خخخخخخخخخ وفي المواقع اللي قالت عليها nano0ok الله يسعدها يارب :)

شكراً مـــــــزة

[Dr~NanoOok]

الحسيكي زي ما قالوا في نهاية شارع باخشب
قدام مدرسة الثغر
<< على أساس الموضوع عن الحسيكي في قسم الطب

=)