ما بعد اختبار step شهر ذوالقعدة ( نقاش الاسئلة + تجميعها + النتايج )

[إحساس أنثى]

السلام عليكم و رحمة الله و بركاته

كيفففكم و كييف الاختباااار

دوووبني راااجعه

الحمدلله الاختبار كان متوسط المستوى
القطع ينحل منها اسئلة بسهوله
و القراااامر اسهل شي

يااارب الكل يجتاااااز

ارتاااح و لي باااك بالتفاااصيل

[جوورري1]

الحمد لله يارب تسهل
الوقت ماخدمني بالمرة
بس يارب اجيب درجة جيدة الله كريم
الليسنق سهل الريدنق دمه شوي ثقييييييييييييل

لي عودة

[shada_Ak]

عسى خير

يارب كل من دخل الاختبار يجيب الدرجه المطلوبه واعلى

قولو امين

[yesyes]

صراحة الاختبار كان ( متوسط المستوى ) اللسننق كان سهل جداً يعني يمكن تطلع منه 5 اسئلة هي اللي يبغالها تركيز ...لكن للأسف رغم السهولة الا ان هذا السكشن من الاختبار راح يأخذ عليه درجات كثيرة لأني تفاجئت ببعض الأسئلة كنت اتوقع انو الكنفورزيشن عليها سؤال بس لكن تفاجئت انو " عشان كذا ماركزت الا على المعلومات اللي في السؤال اللي قدامي ...وتفاجئت لما قلبت الورقة انو لسى باقي 4 اسئلة على نفس المحادثة السابقة ؟؟؟؟ وربي تورطت والقهر انو اسئلتها كانت جدا سهلة عبارة عن ارقام ( متى كان موعد الرحلة / كم كان رقم الرحلة / اتجاه الرحله ) وللأسف انو هالشيء صار معايه مرتين ......" يعني مرتين اعتقد انو المحادثة عليها بس سؤال وما أركز في كل المحادثة ولما اقلب الورقة ألاقي اسئلة اخرى مطلوبة على نفس المحادثة السابقة ..


..............

بالنسبة للقرمر تقريباً كان شبه سهل يعني انا ما راجعت ولاشيء قبل الاختبار واعتقد لو راجعت ممكن اجيب درجة كويسه في قسم القرمر ......واكرر اسئلته جدا شبه واضحه مو صعبه تغلب عليها السهولة

............

اصعب قسم صراحة قسم القراءة ......
أممممم ماأدري كان 4 أو 5 قطع .......صراحة فيه قطعتين بمستوى " التوفل " أتكلم عن الكلمات اللي موجودة في القطعة مو عن الأسئلة ....

.....

بالنسبة لي اعتقد انو كويس بحكم اني ما بذلت اي مجهود لا في مذاكرة ولا تجهيز .....والمرة الجاية ان شاء الله راح انتبه لللسننق .........واعطي القطع الوقت الأكبر ......

ونصيحة بالنسبة للقطع .....انصح بقراءة القطعة بشكل سريع كاملة عشان تفهم اي الحكاية وبدون لما يكون عندنا وقت اقراءها بشكل اكثر تركيزاً لأنو لا حظت انو فيه ثلاث قطع اغلب اسئلتها عن مفهومك العام للي مكتوب ...

زي القطعه اللي كانت تتكلم ( عن البنت وامها اللي كانوا تحت المطر ) فيه سطر خلاني اضحك كثير ...
البنت تقول لأمها نبغى نطلع نجري في المطر .....قامت ردت عليها الأم ...قالت لها ( لا يا بنتي كذا راح نمرض )
ردت البنت الصغيرة قالت بس انتي ياماما وعديتني انو نعبر من خلال المطر ...
قالت لها الأم ( انا وعدك ..؟؟ متى وعدتك )
ردت الصغيرة ايوة يا ماما فاكرة لما كنا نزور بابا وهو مريض بـ السرطان ...لما قلتي له انو الله راح يساعدنا نعبر من خلال كل شيء ....!!

قالت له الأم .....نعم قلت ذلك ......فقالت الطفلة طيب ياماما معناته راح نعبر من خلال المطر ..


القصة طويلة بس ( حوار الطفلة استشعرته وتخيلته سبحان الله )

.......................

بشكل عام نقدر نقول الاختبار متوسط

[جوورري1]

هذا اخر موضوع بالريدينق عن مكرونة ريمان سهلة التحضير،الاندومي على بلاطة
>>>>>ما احب الاندومي
تحكي القطعة عن صاحب اختراع طريقة سهلة لطهي المعكرونة او الشعيرية باضافة فقط الماء المغلي، واسس شركة نيسين للاغذية اللي تتحضر بسهولة من القمح القاسي او السميد
المهم رزي الكاتب انو يعارض هذا النوع بحكم انو غير صحي ويتكلم عن الحظ كيف يخدم صاحبه اذا توافق مع وجود موهبة او قدرة

[جوورري1]

yes yes
انا مثلك في الليسينق توهقت بالصفحة الاخيرة السهلة وماقدرت اكتب من قهري انو فاتتني المعلومات مثل رقم الرحلة
وبصراحة القاعة فيه شبه ازعاج، مرة ثانية انتبه ما اجلس جنب صحبات لانهم الا ما يهمسوا لبعض ، كمان في وحدة بالقاعة مراقبة وشكلها طالبة جابوها تساعدهم حركتها زايدة عن اللزوم تفتح الموية تقفل الموية تشرب وترجع تفتح وتشرب وتنطط لتحت وترجع تجلس ورا وتحط بلاستر على رجلها رجتني الله يهديها

[samtrooty]

الظاهر ان النماذج مختلفة لان قصة الام وبنتها والمطر ماكانت عندي بس كانت عندي المكرونة وكم قطعة اخرى وحدة منهم تتكلم عن شخصيات البشر او أصنافهم او حاجة كذا
بس ربنا يعين وييسر .......... وياااااااااكريم كل اللي دخلو الاختبار يجتازوه بمايرضيهم ,,,,,,,,, بس تقريبا تتوقعو بعد كم تطلع النتائج ؟؟؟؟؟؟؟؟؟؟؟

[*huda*]

الحمد لله ع كل حااااال..
هذي المرة الثالثة اللي أدخل فيها للاختبار..
يارحيم ياقادر ياااااااااااارب اجيب الدرجة المطلوبة فيه :"(
نفسيتي زففففففففففففت

[المحترف]

الله يعين ويسهل


ما أتذكر شي من الإختبار ...

[جوورري1]

اي صح القطعة ان البشر نوعين وبدآو ب اللهم شوي رايقين
والفئة الثانية حذرين ويعيشون من اجل العمل ويعتقدون ان الواحد ممكن يشبع نوم في قبره والكاتب يقول لازم يكون فيه توازن بين العمل والحياة
وجاتني قطعة البنت وامها في السوبر ماركت