عشان أدخل طب .. سؤال ؟

[tolina]

السلام عليكم
أخواني وأخواتي
أنا بس حبيت أستفسر عن حاجة بسيطة
أنا ماأحب العلمي ولا الرياضيات والفيزيا
بس أمنيتي إني أدخل طب ومن زمان أبغاه
علشان كذا أبغى أسأل
إذا كنت حألتحق بكلية الطب
لازم عليا أدخل علمي ولأ مو شرط ؟
بليز جاوبوني عشان أقرر ..

وشكرا مقدماً

[meme17]

طبعا لازم تكوني علمي :)

[Mr.Mohanned]

وعليكم السلام ورحمة الله وبركاته

أهلا ً اختي

طبعا شي ضروري انك تكوني علمي عشان تقدري تخشي كلية الطب

بس من ناحية الرياضيات والفيزيا خليني اقولك حاجة

عشان تخشي كلية الطب لازم تكون نسبتك الخاصة بعد السنة التحضيرية جيدة إلى حد ما

النسبة الخاصة : مجموعك في خمس مواد ( أحياء ، كيمياء ، فيزياء ، إنجليزي 1 ، إنجليزي 2 )

بعد كذا يقسمو المجموع على خمسة

يعني الرياضيات مو مهمة عشان تخشي الكلية بس شدي حيلك وانجحي فيها

وتراها بسيطة يعني مو مررة صعبة ومعقدة

وعلى فكرة في بونس انتي بس إبدي دراسة بعدين تعرفي

أما بالنسبة للفيزيا فهيا مهمة بس تراها بسيطة وسهلة كمان وتقريبا أسهل من الرياضيات

وانتي شدي حيلك فالمواد الباقية عشان ترفعي النسبة الخاصة اذا لاقدر الله ماجبتي مجموع كويس فالفيزياء

حياك الله يادكتورة

إلى الأماام ^_^

Mr.Mohanned

[dr.imey]

طيب ياحلوين

انا نفسي بالطب ومعدلي الحمدلله حلو

وحاشد حيلي دي السنة

لكني مااحب الاحياء

هل يغلب على الطب الاحياء لدرجة اني لازم اكون شاطرة فيها؟؟

[Mr.Mohanned]

^

شي أكيد الأحياء تعتبر أسااس الطب

الأحياء تدرس جميع تراكيب الإنسان والحيوان والنبات ... إلخ

أجهزة وخلايا وغيرها

وبالعكس مادة جدا ً شيقة ومن أروع مايكون

أنا شخصيا ً كنت أستمتع كثيير فمحاضرة الأحياء

وأنتظرها بفارغ الصبر

وعلى فكرة الأحياء فالسنة التحضيرية جدا بسيطة بين قوسين تست بااانك

إنتو لاتشيلو أي هم دحين

إن شاء الله لما تبدو دراسة رح تعرفو كل حاجة ورح تشوفو سهولة المواد والسنة التحضيرية بأنفسكم :)

بس يبغالكم شوية إهتمام ومسئولية

^_^

بالتوفيق يادكاترة

Mr.Mohanned

[Beeshoob]

يسلمووو

بس كنت بسال كم طالبه تقبلها كلية الطب كل سنه ؟

وكم اقل نسبه اتقبلت في الكليه ؟

[مـــآجد]

^^
عدد الطالبات 150 انتظام
و20 تقريبا موازي

اقل نسبة كانت 90
اللي هي موازي

النسب تختلف من دفعه لدفعه

بالتوفيق

[Beeshoob]

اهـااااا

طيب مره شكرا بس مو كانو قليل مره

[dr.gadi]

السنة هادي قفل البشري على 92.777
أما الموازي فقفل على 90.111
وهادي النسب تختلف من دفعة لدفعة على حسب شطارة البنات
بالتوفيق

[د. أسامة]

المشاركة الأصلية كتبت بواسطة beeshoob اهـااااا طيب مره شكرا بس مو كانو قليل مره

و الله أنا أشووفــه عدد كثيرررررررر مرررررررررررهـ ..