سؤال بسيط

[lele20]

السلام عليكم
كيفكم يا دكااترة
سمعت ان بعد سنة ثانيه ممكن نتدرب في مصنع ادويه ،، وانو حيكون شئ حلو وراح تفرق معانا
بس هل الكلام دا صح ؟؟
وادا صح ممكن تقولولنا عن مصانع الادوية الي في جدة ،، وادا في احد قد اتدرب هناك ياريت يفيدنا ..
وشكرا مقدماا

[Qotaiba HBK]

وعليكم السلام ورحمة الله وبركاته ..

بالنسبة للتدريب والله ما عندي خلفية لكن كثيرة هيه مصانع الأدوية .. بس كيف نقدم عليها ما أعرف

وأكيييييد راح تفرق معانا .. وإن شاء الله طلاب ثالث يفيدونا

[ُزمرد]

المشاركة الأصلية كتبت بواسطة lele20 السلام عليكم كيفكم يا دكااترة سمعت ان بعد سنة ثانيه ممكن نتدرب في مصنع ادويه ،، وانو حيكون شئ حلو وراح تفرق معانا بس هل الكلام دا صح ؟؟ وادا صح ممكن تقولولنا عن مصانع الادوية الي في جدة ،، وادا في احد قد اتدرب هناك ياريت يفيدنا .. وشكرا مقدماا

وعليكم السلام ورحمه الله وبركاته

اهلين سميتي الجميلة

دوبي سألت صحبتي هي سنة 3 صيدلة

وقالت لي :

لا لانه سنة 2 ماراح نكون اخدنا داك الشيء اللي يؤهلنآ نتدرب وسنة 2 كلها أساسيات

لكن من بعد سنة 3 يكون التدريب لاننا ح ندرس شيء اسمه "فارماكولوجي" ولازم نتدرب عشان نطبق

ما اعرف دا اللي فهمتو ! المهم انو ماحنقدر نتدرب من بعد سنة 2 ><"

وكمان سألتها ان التدريب لازم يكون ف مستشفى ولا ينفع شركة ادوية؟
ف قالت لي .. " ما ادري"

[lele20]

Qotaiba HBK

مشكوور ما قصرت

------------------
لينتي :P
يب اعرف ان التدريب بعد سنة 3
بس لما سمعت الكلام عن المصنع قلت امكن في بعد سنة تانيه وانا ما ادري

[THE HILL]

المصانع لاولاد بس :/

بس سمعت انهم الان فتحو الباب للبنات ^^

انا تكفيني زياره للمصنع :)

والتدريب للاسف بعد ثالث ولو بنروح مصنع فتكون رحله خلال سنه ثانيه






هذا اللي سمعته&_&

[pharm.d .s]

التدريب بعد سنة تانية في مصنع مرا مفيد انا عن نفسي انصح فية
ومن قال مافية للبنات انا صحباتي ادربوا في جمجوم بعد سنة تانية
طبعا تدريب المصانع يكون في الكوليتي كنترول وكتير اجهزة وكدا ادربوا عليها وشافوها وفاتدتهم في مادة الكوليتي وفي المايكرو
دا الي اعرفوااا

[pharm.d .s]

المشاركة الأصلية كتبت بواسطة the hill المصانع لاولاد بس :/ بس سمعت انهم الان فتحو الباب للبنات ^^ انا تكفيني زياره للمصنع :) والتدريب للاسف بعد ثالث ولو بنروح مصنع فتكون رحله خلال سنه ثانيه هذا اللي سمعته&_&

صح التدريب في مستشفى مو مفيد بعد تانية لانو مايكون الواحد درس ادوية وكدا بس في مصنع يكون الواحد ماخد فكرة في المعامل

[Qotaiba HBK]

المشاركة الأصلية كتبت بواسطة pharm.d .s التدريب بعد سنة تانية في مصنع مرا مفيد انا عن نفسي انصح فية ومن قال مافية للبنات انا صحباتي ادربوا في جمجوم بعد سنة تانية طبعا تدريب المصانع يكون في الكوليتي كنترول وكتير اجهزة وكدا ادربوا عليها وشافوها وفاتدتهم في مادة الكوليتي وفي المايكرو دا الي اعرفوااا

يعطيكي العافية دكتورة ع الافادة بهالخصوص ^^