تجربتي للسنة التحضيرية تعالو يا أخواني أخواتي دفعة 14 !!

[Soul Evil]

السلام عليكم ورحمة الله وبركاته

أول شي مبروووووووووووووك على القبول في الجامعة وعقبال التخصصات يا رب

كيف الحال اخواني اخواتي ان شاء الله طيبين جالس سهران كالعادة ومافي شي اسويه فا قلت خليني انزل لاخواني واخواتي الصغار الطيبين ايش سويت في السنة التحضيرية

وايش كان وضعي في الدراسة انا حتكلم بكل صراحة : ) انا كنت واحد زيكم في البداية دخلت على المنتدى ابغى اعرف ولو شي بسيط عن السنة الاولى وكنت مني عارف راسي

من رجلي جيت على موضوع (معقولة وطال عمري) وجالس اقرى الموضوع كذا مرة ابغا احفظ ملخصات مدرسين مادة صعبة مادة سهلة انا صراحة خفت بس بعد تواصل مع الاعضاء الله يوفقهم

فهمت كل شي فا ما ابغاكم تكونو زيي

بأحاول اشرح كل شي خطوة خطوة

-----------------------------------------------------------------------------------------------------------

دحين بعد ما نزل القبول (ورقة الترشيح) مكتوب فيها ايش انقبلت علمي ولا ادبي وموعد الحضور لأخذ البطاقة

طبعاً اتوقع كل المواعيد في الفرع الرئيسي في نفس مكان دراستكم ان شاء الله

موعد القبول < بقول ايش سرلي خطوة خطوة

أول شي صحيت الصبح فرحان لبست التوب والشماغ والعقال خويي كلمت خويي يجي معايا < معنو مو في نفس جامعتنا ما علينا

وصلت الجامعة تقريباً على الساعة 9 او قبل لانو افتكر كان موعدي على 9 اخذت الاوراق المطلوبة ونزلت شفت شكلي بالشماغ ما يسمح

فسخت على طول ههههه مشينا انا وخويي مبنى كبييييييييييييير مكتوب فوق الباب مرحبا بالطلاب المستجدين

ودخلنا وأستنينا حق 5 دقايق

نادوني رحت تقريبا اقل من دقيقة أخذت البطاقة وورقة زي الفاتور موعد اختبار الانجليزي تحديد المستوى وقلي مبروك قبولك بالجامعة !!

ورجعت فرحاااااااان انقبلت صراحة فرحت : )

الان بعد ما فرحان لازم نشد شوية عشان نوصل للي نبغاه!

طبعاً هدي مواد السنة الاولى

--------------------------------------------------------------------------------------------------------------------

في ناس راح يبدأو بخطة ب < زيي ! الي هي

أحياء

مادة متعبة مرة يبغالها حفظ وأنجليزي عشان يكون الحفظ اسهل

أفضل الدكاترة :

محمد أبو السعود صراحة ذكريات يحفظك معاه ممتاز جدا الله يوفقك

طريقة المزاكرة :

السلايدات وينزلو أسئلة مساعدة قبل الاختبار بأسبوع تقريباً يجي منها وبس !

كيمياء

مادة ممتعة صراحة استفدت منها عجبتني مرة

أفضل الدكاترة :

العنقري, انا جاني دكتور لقبو الجعيد الله لي وريكم مش ولا بد ما عجبني شرحو وخطو

طريقة المزاكرة :

ملخصات السيد من مكتبة 2000 وتست بنك وان شاء الله a+

احصاء

مادة بسيطة جدا جدا لانهم حذفو الدروس الصعبة لو كانت موجودة كنا حننجرد !!

أفضل الدكاترى :

أحمد أبو العم درسني ممتاز ممتاز جدا يدخل المعلومة بطريقة جيدة مرة وكمان

طبعاً ما انسى منسق المادة داغستاني !

طريقة المذاكرة :

يمديك بكل بساطة تاخذ الكاتب ب 20 ريال تتابع مع دكتورك تترجم

أو ملخص اشرف بركات

-------------------------------------------------------------------------------------------

الان فيه ناس يبدأو بخطة أ والترم التاني تنعكس الخطط الي كانو ب يسيرو أ والعكس

المهم ندخل على طول

فيزياء :

مادة متعبة خاصة الدوري التاني جاني تعبتني شوية

أفضل الداكترة :

مافي : ( من جد كل الدكاترة مش ولا بد الا ما رحم ربي وما اعرف اي احد كويس

طرق المذاكرة :

أشرف بركات وتست بنك

رياضيات :

مادة جميييييييييييييلة من البروفسور الي يدرسها واحد اسمو حمزة ابو جبل ممتاز جدا جدا

عندو شي اسمو workshop ما يطلع منو الاختبار على ايامنا انتو هو راح يقولكم

الموضوع كلو

أفضل الدكاترة :

حمزة أبو جبل

طرق المزاكرة :

الورك شوب واللي ما فهمتو ما ملخص اشرف بركات وحاول تدرب على اختبارات

حاسب :

مادة جميلة جدا تستفيد منها

أفضل الدكاترة :

ما أعرف

طرق المزاكرة :

الكتاب بالعربي بس كبير والي تختبر ما يدخل معاك

مهارات اتصال

مادة حلوة بس هي على حسب دكتورها هو الي يخليها حلوة وهو الي يخليها غثيثة

أفضل الدكاترة :

مدري حقنا الله لي وريكم يدخلو واصلة معاه يبغا يحط حرتو في اي واحد خخخخخخخخخخخخخ

----------------------------------------------------------------------------------------------------------------------

الأن الانجليزي وما ادراك ما الانجليزي

عندك يا حبيبي 4 مستويات هو على اختبار تحديد المستوى

انا دخلت من 1 < اصلا عادي تعبت مرة بالدوام وخاصة انو بيتي في الشمال بعيييد

شوفو الان انت مثلا اختبرت تحديد مستوى وجاك لفل 1 راح تدرس كل السنة

لكن لو اخذت لفل 2 راح تدرس 3 انصاص هههه يعني كل الترم الاول ونص التاني

لانو كل مستوين في ترم ولو دخلت لفل 3 بس الترم الاول ولو لفل 4 بس نص ترم

الان شوفو عندك الدرجات في الانجليزي مقسة كالاتي

10 اسبيكنج على حسب كل لفل تختلف (لفل ون شي تاافه ايش اسمك كم عمرك وزي كدا لفل 2 يديك صورة يقول ايش فيها ؟ لفل 3 تقعد تتكلم لمدة دقيقتين عن موضوع انت تكون مجهزو قبلها بدقيقتن برضو لفل 4 زي 3 بس

تطلع تتكلم قدام خويانك)

10 رايتنج (لفل 1 50 كلمة لفل2 70 لفل3 نسيت صراحة لفل4 150)

10 ملف يكون فيه حاجات الدكتور يقولكم عليها

30 ميد تيرم على حسب اجتهادك يكون اختبار كمبيوتر

40 نهائي كل المنهج معاك

---------------------------------------------------------------------------------------------------------
نظام الدرجات في المواد

كل زي كدا

30 دوري اول

30 دوري تاني

40 نهائي

-----------------------

الا الحاسب

25 عملي

25 عملي

10 دوري اول

10 دوري تاني

30 نهائي

-----------------------

مهارات الاتصال

30 بيد الدكتور هو يقلكم عليها

30 دوري تاني << مافي دوري اول

40نهائي

-------------------------------------------------------------------------------------------------------------------

كدا نكون مخلصين السنة

الحمدالله شكرا لك يا رب

الان بكتبلكم الرد التاني نصايح وان شاء الله تساعدكم

معليش مافي اي تنسيق مكسسل مرة ويالله

اي سؤال انا موجود

والسلام عليكم ورحمة الله وبركاته

[Soul Evil]

يدي تعبت لمن ارتاح بكتبها ان شاء الله : ))

[صعب تلقاني]

يعطيك العافية, عندي سؤال ورقة الترشيح والشهادة تسلمها الموظف ولا عن طريق الاله, وهل ياخذون الشهادة الاصلية ولا يرجعونها لي, لان اخوي قبل اربع سنوات قدم واخذوا الشهادة الاصل

[عيون الانتقام]

شرح وفي وممتاز جدا الله يعطيك العافية على مجهودك وان شاء الله الطلاب الجدد يستفيدو :)

لكن ابغا اضيف كم حاجة <<<<<خلصنا 035

بالنسبة للمواد :-


أحياء

المادة ما يبالها تفكير وكلها تعتمد على الحفظ لكن معلوماتها كتيييييرة جدا

أفضل الدكاترة :

دكتور سفيان عسولي :) اسم على مسمى يفهمك الشي ويلصقو في نفوخك <<< شطحة 043

طريقة المزاكرة :

السلايدات والاسألة المساعدة بس لا تسيب السلايدات وتزاكر الاسألة

كيمياء

اكره مادة عندي :| واللي زاد الطين بلة الدكتور اللي ما تدري من فين جاي :( بس صراحة اللي يحب الكيمياء راح تكون معاه سهلة

أفضل الدكاترة :

ما اعرفلها دكاترة كوييسين وانتبه تغلط وتروح لدكتور سامي الدالي

وحاول تزبطلك خصوصي

طريقة المزاكرة :

ملخصات

احصاء

مادة بسيطة جدا جدا وممتعة :) اديها شوية اهتمام وراح تجيب A+

أفضل الدكاترى :

أحمد أبو العم مررررة كويس
الداغستاني يمدحوه

طريقة المذاكرة :

يمديك بكل بساطة تاخذ الكاتب ب 20 ريال تتابع مع دكتورك تترجم



فيزياء :

مادة ممتعة وعلى حسب دكتورك انا صراحة كنت استمتع فيها وزيها زي الكيمياء لو تحب الفيزياء راح تبدع !

أفضل الداكترة :

دكتور وليد السيد اكوس دكتور فيزياء :)

طرق المذاكرة :

ملخصات اشرف بركات

رياضيات :

مادة مررررة حلوة لو اخدتها عند بروفيسور حمزة ابوجبل, انسان في قمة الروعة

عندو شي اسمو workshop ما يطلع منو الاختبار


أفضل الدكاترة :

حمزة أبو جبل

طرق المزاكرة :

الورك شوب وملخصات اشرف بركات

حاسب :

مادة جميلة جدا تستفيد منها

أفضل الدكاترة :

اغلبهم كويسين انا كنت عند دكتور صلاح الطالب برضو كان كويس

طرق المزاكرة :

افهم من الدكتور عشان تحل العملي واحفظ الكتاب عشان تحل النظري

مهارات اتصال

زي الوطنية :) مادة سهلة وعلى حسب دكتورك

أفضل الدكاترة :

كنت ادرس عند دكتور خالد ابو حكمة, كان هه يعني شويتين شديد بس يعطي درجات ويساعد



شي اخير......

شدو حيلكم اكتتتتتتتتتتتتتتتتتتر شي في التحضيري لانو السنة هادي راح تحددلك مستقبلك ومعدلك وصدقني لو جبت درجة عالية في التحضيري صدقني بعد كدا راح ترتااااااح فشدو حيلكم اكترررررر شي



وان شاء الله تخلصو منها وتتخصصو في اللي تبوه :)

بالتوفيق للجميع

[Soul Evil]

المشاركة الأصلية كتبت بواسطة صعب تلقاني يعطيك العافية, عندي سؤال ورقة الترشيح والشهادة تسلمها الموظف ولا عن طريق الاله, وهل ياخذون الشهادة الاصلية ولا يرجعونها لي, لان اخوي قبل اربع سنوات قدم واخذوا الشهادة الاصل

لا تعطي الموظف الورق وبطاقة الاحوال يدخل الاحول في الالة

ويجي لون اخضر يسمحلك بالدخول وتكمل اجرائاتك عادي

[انتِمَآء]

جزاك الله كل خير ..، بصراحة أستفدت كتيير وخصوصا مواد خطة أ << حبدأ بيها ^_^

بس أنا اللي قالقني الانجليزي ان شاء الله أقدر أعدي مستويين عالأقل عشان المعدل وما أبغى أتعب : ( ..،

وإن شاء الله أشد حيلي : ) ..،

[SOMEBODY1994]

طيب الملخصات وكذا للبنات والاولاد ولا بس للاولاد ؟ وكمان هذي الملخصات متى نشتريها ؟ بدايه الترم ولا قبل الاختبار ؟
انا اسالتي كثيرة معليش :)

[الهيملي]

الشيء اللي مافهمته لما دخلت التحضيري هههههههه

السلايدات : شرائح بور بونت تطبعوها من الموقع وتذاكروها .

الوورك شوب workshop : أسئلة كثيرة وكل سؤال مع الجواب كامل .

مادة مهارات الاتصال: مادة تتكلم عشان القراءة والتحدث والإلقاء طبعا بالعربي . بالتوفيق حبايبي.

[الهيملي]

المشاركة الأصلية كتبت بواسطة somebody1994 طيب الملخصات وكذا للبنات والاولاد ولا بس للاولاد ؟ وكمان هذي الملخصات متى نشتريها ؟ بدايه الترم ولا قبل الاختبار ؟ انا اسالتي كثيرة معليش :)

أنا بجاوبك وأتمنى من البنات يكملوا الإجابة ههههه . الملخصات ينزلوها مدرسين خصوصيين يعني مايكونوا من الجامعة نفسها ينزلوا شرح لمواد التحضيري, طبعا أنا بصراحة ما أعرف بس أتوقع أنو في مدرسات خصوصيات تقدري تاخذي الملخصات اللي ينزلوها وإذا كان نفس الشباتر(الوحدات) اللي عند الطلاب تقدري تأخذي اللي تبين . الملخصات تكون معاكي من أول الترم هذا إذا كنتي دافورة ههههه عشان تذاكري أول بأول أو على الأقل أسبوعيا . الله يسهل عليكم إن شاء الله.

[شـروق الزهراني <3]

دعائي للجدد اثابكم الله وجعلكم من اهل الجنه وعوضكم الله في شبابكم يارب


هنيئا مريئا هذه السنه >_<"