يــوميــــآت مــواطن جــوعـــآن ..!!

د.كيــف · #1 20-08-2010, 07:34 AM

هنــــآ ســأقـــوم .. بنقــل لقصــآئد المبدع - أحمد الصـــآنــ ــع -

ســوف يكــون هنــآك قصيدة تتم كتــآبتهــآ لكل يـــوم خلال الشهــر الكريــم

[ 1 ]

نطلبك يارب عطفك يا رؤوف ويا عظيم
............. ثبّت الإيمان فينا . . في [ الحياة القادمه ]

إهدِنا درب الهدايه و{ الصِّرَاطَ المُستَقِيمَ }
............. كلّنا نطمَع في عفوك لين ( حسن الخاتمه )

نقّنا من هالخطايا يا "غفور" ويا " رحيم "
............. وجنّب الشيطان عنّا .. والنفوس الظالمه

لا إله إلا إنتْ نطلبك الستر وإنت الكريم
............. و ( أمّة محمد ) نبيها ، من جهنّم ، سالمه

[ 2 ]

تقول ودّي بـ شوفتك بس صيّام
............... وأقول لك ودّي بعد .. بس ، مايفيد !

أفزّ لك من شوقي والناس نيّام
............... وأحلم ( أحبك حيل ) وتقول لي زيد

ودّي على ماتشتهي تْكون الأيّام
............... بكرا يصير [ العيد ] لو خاطِرِك عيد

[ 3 ]

من هَل شهر الخير ، هَلّت عزايم
ـــــــــــــ شخصٍ أجيه وشخص منّه تعذّرت

أغيب ... لكنّي أجيب ( الغنايم )
ـــــــــــــ وآسف حبيبي ، عن عيونك تأخّرت

ماهو أنا إللي ينسى لاصار نايم
ـــــــــــــ صاحي أفكّر فيك .. وإن نمت فكّرت

مبارك عليك الشهر وبخير دايم
ـــــــــــــ وأدري بأنك ~ تنتظر .. ما تفطّرت

من فرحتي في شوفتك وإنت صايم
ـــــــــــــ فكرّت طول الليل بك .. ماتسحّرت !

[ 4 ]

إذا ضايق على الضيقه تصبّر
ـــــــــــــ فرج يأتيك من بعد ~ المواجع

عليه الله .. كل منهو [ تجبّر ]
ـــــــــــــ ووقت حسابه ماتفيد المدامع

أمور الدنيا يا قلبي ، إتدبّر
ـــــــــــــ وكل إنسان عن نفسه يدافع

ترى مايدخل ( الجنّه ) مْتكبّر
ـــــــــــــ تواضع .. يابني آدم تواضع

[ 5 ]

النصيحه فيك ، أتمنى " تجود "
ــــــــ لانفعت الناس .. ومنتْ المنتفِع

في وجودك إنتْ ماتمْلِك وجود
ــــــــ [ غافل ] وجاي لْـ ذنوبك مندفِع

إنخفِض للـه في وقت السجود
ــــــــ وعن جميع الناس قدرك يرتفِع

[ 6 ]

إذكر الله .. وينفِرج كل ما حـ " صَل "
مهما حزنك داخل أعماقك و ( صَل )
إترك همومك ورا ظهرك ، و [ صَل ]
وإبشر بـ [ جنة ] من الواهب ، هديّه

لا تقول الحظ . . عن دنياك " مَال "
راحتك تسوى ترى كنوزٍ و [ مَال ]
نيّتك صفها وتصفى هـ ( الرمَال )
وإبشر بـ فرحك .. ترى النيّة مطيّة

[ 7 ]

بعد الفطور تصيبني حالة إغماء
ـــــــــــ والوَضع مُزري .. بعد أوّل " زقارة "

لحد يكلّمني .. أبو | وأُم | وأبناء
ـــــــــــ و ( لَبيبكُم ) منهو فَهَم . . بالإشارة

لأن السوالف عندي تصير ضوضاء
ـــــــــــ والخِلق ( ضيّق ) في صريح العبارة

[ 8 ]

نومك عبادة ..
وياعسى تلقى السعادة
ياحبيبي منت ظالم ،
إنت ذابحني وزيادة

كل يوم تشك فيني !
ولو تحبْني ، ماتشك
الثقة ضاعت وعيني :
للأسف .. ما توحشك

إنت .. متغيّر كثير
لا تْعذّر بـ رمضان
كل شي يشغلْك عنّي
هذا حالك من زمان .

[ 9 ]

البعض .. حتى أخوه يكيد و يحفر له
ـــــــــ اللــه يستر علينا ، صايره ~ ( فوضه )

واحد يصلّي [ عشان الله ] ، يغفر له
ـــــــــ وواحد صلاته عشان الناس والموضه

!anishtain law! · 20-08-2010, 02:56 PM

راقي

دمت بود

THE EXPERT · 20-08-2010, 06:56 PM

اولا أشكرك على هذا النقل الجميل

وأشكرك على طرح اسم شاعر كبير ويستحق الأحترام

ولكن

يوجده ماهو أفضل لدى الشاعر أحمد الصانع

فأبحث عنه

نـوارة · 21-08-2010, 05:48 AM

تسلم عالنقل
وياليت لو جبت القصايد كاملة
مشكور

د.كيــف · 21-08-2010, 06:17 AM

المشاركة الأصلية كتبت بواسطة !anishtain law!

راقي

دمت بود

المشاركة الأصلية كتبت بواسطة the expert

اولا أشكرك على هذا النقل الجميل

وأشكرك على طرح اسم شاعر كبير ويستحق الأحترام

ولكن

يوجده ماهو أفضل لدى الشاعر أحمد الصانع

فأبحث عنه

المشاركة الأصلية كتبت بواسطة نـوارة

تسلم عالنقل

وياليت لو جبت القصايد كاملة
مشكور

اشكر الجميــع على مرورهـ الكريم ..

لكـــن ..

حـــآب أوضح .. شي للجميـــــــــع

الغرض من الموضوع كما هو مكتوب ..

يوميــآت .. للشـــآعر يقوم فيها بكتابة قصيدة سواء كثرت ام قلت الابيـــآت .. وتكون الكتــآبة لكل يوم من أيــآم رمضــآن ( طـــآزجة )

يعني ليس لدي تدخل في الاختيـــآر .. للقصـــآئد

ولكن .. مجرد نقـــل .. لكل مــآ تبــوح به قريحــة الشـــآعر .. وكل مـــآ يجــود به قلمــه

أتمنى تكونوا فهمتوا معنى ( يوميـــــــــــــــآآآت )

د.كيــف · 21-08-2010, 05:44 PM

[ 10 ]

يعينك الله يا قلبي .. على ذنبك
والله يغفر خطـآك وجملة ذنـوبكـ

النـآس صيآم صوم وخــآف من ربك
بشهر العبــآدهـ آمـآنـه استر عيوبكـ

طول السنه عيش أوقـآتك مع حبك
الوقت هذا تـرى مو وقت محبوبكـ

لا مت .. ما يفيد منهو كآن في قربك
ودينك يفيدك اذا صــآر الكفن ثوبكـ