جميع آلإستفسآرآت هنآ..~

[نونيشي]

السلام عليكم..
حابه اعرف ايش المواد اللي في الكليه نازله صيفي ذا الترم؟

[نونيشي]

بنات الله يسعدكم حابه اعرف اليوم عن المواد الصيفيه في كليه التصاميم والفنون عشان بقدم طالب زائر للترم الصيفي

[somiahH]

السلام عليكم
عندي كذا استفسار واتمنى تجاوبوني عليهم
انا دحين خلصت التحضيري مسار ادبي وسويت التسكين ودحين قفل وفي خيارات التسكين حطيت كلية التصاميم والفنون سادس رغبة
وما كنت عارفه انو تخصص تصميم داخلي فيها وانا مرا حابه التخصص هذا
بعرف اذا اقدر دحين بعد ما قفل التسكين اروح للجامعة واعدل ترتيب الرغبات او بداية السنة !
لان خايفه يحطوني في كلية ثانية انا ما ابغاها وبعدين لازم ادرس فيها وبعدها انقل :(
انا قريت مواضيع كلها تقريبا قبل سنة وحابه اتأكد انا معدلي 3.82 هل انقبل فيها ولا لازم اختبار قبول ! وابغا اعرف كمان اذا اختبار القبول لكل البنات ولا بس للي معدلاتهم اقل من 3 !
وكمان بداية الترم الجاي ان شاء الله بعد ما ارتب وضعي في التخصص حابه اعتذر لظروف خاصة عن الترم للترم الي بعدو ، هل اقدر ولا لازم ادرس اول ترم !
اتمنى تكونو فهمتو عليا وتجاوبو على استفساري :)

[جامعيه ~]

السلام عليكم
انا بعد تنائج التسكين في السنة التحضيرية طلع لي عند كلية الفنون والتصاميم ( حققت رغبة الطالب ) هل هذا معناه اني انقبلت في الكلية ؟
ولو انقبلت متي اقدر اختار القسم او التخصص انا ابغي تصميم داخلي
اتمني تفيدوني

[MAN0LAH]

السلام عليكم ورحمة الله وبركاته

لو سمحتو حابة استفسر عن موعد اختبار تخصص التصميم الداخلي لهذي السنه ؟
مع العلم اني انا دوبي خلصت تحضيري والحمد لله جا قبولي في الكليه ..
بس الي حابه اعرفو انو التخصص في الكليه يكون بعد التحضيري على طول ولا ادرس السنه الاولى المواد العامه حقت الكليه وبعدها اتخصص ؟
وهل الاختبار له طريقة تسجيل .. يعني لازم اروح الكلية واسجل هناك ولا بس من الاودس ؟!

ياليت تفيدوني بالرد .. وان شاء الله ما أكون ثقلن عليكم

[queenn]

و عليكم السلام
اول شيء تروحين الكليه عشان تختارين التخصص اللي تبغينه
وانتبهي لا يقولون لك انه معدلك مو مقبول الا لما تتاكدين
و اذا انقبلتي في التصميم الداخلي اسالي عن تاريخ الاختبار

لو سمحتو ابغى اعرف موعد اختبار تخصص التصميم الداخلي لهذي السنه ؟
يقولون في الموقع بس دخلت وما لقيت شيء

[waad *]

أنا اليوم رحت الكلية واخترت التخصص "تصميم داخلي"
وقالتلي احتمال كبير ما يكون في اختبار للمستجدات
فقط للمحولات

روحوا اتخصصوا الحين
الشؤون التعليمية - الدور الأول
واسألوا عن أستاذه حميدة
حتعطيكم ورقة تعبوها بالتخصصات حسب الأولوية


قالتلي كمان بس تنقبلي تعالي تأكدي من رئيسة القسم اذا في اختبار أو لا
وتشوفي جدولك

بالنسبة للجدول قالتلي غالبًا المستجدات ينزل لهم الجدول اوتوماتيك ما يحتاج انا اسويه
بس عاد سنة عن سنة يختلف

سو , راح اروحلهم بس انقبل بالتخصص
وأرجع أكتب ايش صار


بالتوفيق جميعًا

[العنود طلال]

المشاركة الأصلية كتبت بواسطة waad * أنا اليوم رحت الكلية واخترت التخصص "تصميم داخلي" وقالتلي احتمال كبير ما يكون في اختبار للمستجدات فقط للمحولات روحوا اتخصصوا الحين الشؤون التعليمية - الدور الأول واسألوا عن أستاذه حميدة حتعطيكم ورقة تعبوها بالتخصصات حسب الأولوية قالتلي كمان بس تنقبلي تعالي تأكدي من رئيسة القسم اذا في اختبار أو لا وتشوفي جدولك بالنسبة للجدول قالتلي غالبًا المستجدات ينزل لهم الجدول اوتوماتيك ما يحتاج انا اسويه بس عاد سنة عن سنة يختلف سو , راح اروحلهم بس انقبل بالتخصص وأرجع أكتب ايش صار بالتوفيق جميعًا

لو سمحتي رحتي فرع السليمانية ولا الرحاب ؟

[waad *]

المشاركة الأصلية كتبت بواسطة العنود طلال لو سمحتي رحتي فرع السليمانية ولا الرحاب ؟

الرحاب


قبل شوي دخلت ع الاودس لقيتهم فاتحين التخصيص
رجعت دخلت رغباتي كمان

عشان بعدين ما يقولولي ليه ورقي ، لي ما اخترتي من الاودس

[Duaa_A]

لمتى فاتح التسجيل في التصميم الداخلي للمحولات ؟
عشان أنا مسافرة واراجعة بكرة ان شاء الله وابغا اروح الجامعة بعد بكرة اذا ربنا اراد ، فتتوقعوا لسة فاتح ؟