ابغى رايكم بالجدول تبعى قبل ما تملئ الشعب ياعسولات .,’~

[°» Dior«°]

سلامـ عليكمـ

حابه اعرف احسن اساتذات لدي المواد لانو دا اهم شي بالنسبة ليا من ناحية
* التعامل .... * من ناحية الاختبارات والتكاليف ....
( لانو طحت مع دكتورة زينب عبدالصمد وكرهتني عيشتي بالحياة الله يديها بس ) .,’~

حابه اعرف هل المواد ضغط مع بعض ولا لا ؟؟ اخليها واتكل ع ربي ؟؟

المواد هيا : * ثقافة اسلامية 3
* ادارة مشروعات خاصة
* العلاقات الاسرية
* اقتصاديات الأسرة وترشيد الاستة
* ادوات واجهزة منزلية
*مادة اختياري ((ابغى رايكم؟ افكر بصيانه وماعرف هل هيا كرف مع الجدول ولالا))

ثاانكس

[Twix~}..]

سلامـ عليكمـ

وعليكم السلام ..

حابه اعرف احسن اساتذات لدي المواد لانو دا اهم شي بالنسبة ليا من ناحية
* التعامل .... * من ناحية الاختبارات والتكاليف ....
( لانو طحت مع دكتورة زينب عبدالصمد وكرهتني عيشتي بالحياة الله يديها بس )..

كبيرة بالسن ولازم الواحد يطول بالو معاها شووويا .. ربنا كريم .. والله يصلح حالنا كولنا ..ومهما كان فهيا دكتورهـ ولازم نحترمها ..

حابه اعرف هل المواد ضغط مع بعض ولا لا ؟؟ اخليها واتكل ع ربي ؟؟

المواد هيا : * ثقافة اسلامية 3 .. حلوووه خليها ..
* ادارة مشروعات خاصة .. ايام ما اخذتها كانت حلوه الماده وسهله بس دحين طويله ورزله شويا وتعتمد على الدكتوره الي حدرسك هيا .. بس خليها عشان يصير في تنوع بالمواد .. الي ماسكه الماد أ.وفاء صعيدي ما اعرفها لانها ما قد درستني ..
* العلاقات الاسرية ..مادهـ حلوووهـ وسهله تتكلم عن الاسرة وعن علاقة الزوج بزوجته وعن الابناء .. درستني هيا دكتورة زينب حقي .. ومسكته السميستر الي راح دكتوره نجلاء السيد .. الاتنين جيدات .. وحلوه الماده تعتبر سهله ..
* اقتصاديات الأسرة وترشيد الاستهلاك .. ممممم بين وبين .. يعني سهله وبنفس الوقت نص ونص بس اذا مع دكتورهـ زينب حقي خليها لانها مرآآ راح تبسطها .. بس هيا تعتبر طووويله يعني مع ادارة مشرووعات حتكووون رزاله .. :)
* ادوات واجهزة منزلية .. ليش انتي ما اخذتي دي الماده باول سميستر لكي بالتخصص !! يمكن تقصدي اجهزة مؤسسات ؟؟ الموهم اذا مؤسسات فهيا اسسسهل بكتير من منزليه .. وخليها ماعليكي مشكله ام اذا منزلية فانصحك تحذفي اقتصاديات وتخلي ادوات واجهزة منزليه .. << مدري فهمتي عليا ولا لا :$
*مادة اختياري ((ابغى رايكم؟ افكر بصيانه وماعرف هل هيا كرف مع الجدول ولالا))

ما تقدري تاخذي اكتر من سته مواد يا عسسسله .. ولو حابه تاخذي صيانه يكون حلووو بس لازم تحذفي اقتصاديات او مشروووعات .. لانو الماده دي تعتبر عمليه ..

ثاانكس

ولكم ولكم ..

[°» Dior«°]

Twix~}..

تسلم ايدك ياعسل ع تجاوبك

* بس ايش رايك :
اخذ بدل اقتصاديات ماده تانيه تكون اوكي مع الجدول ( بايش ممكن تنصحيني) ,, لانو انا ما اخذت ادوات واجهزه منزلية .
أو اخلي ا قتصاديات ومشروعات واخذ ((المقرر الاختياري)) حاجه غير صيانه ؟.,~

لانو انا ماخذه 6 مواد مو اكتر ياعسوله

[نيكييتا]

وي هي شعب ادارة مشروعات فتحت ؟؟؟؟؟ >>> من الظهر تستناها

[°» Dior«°]

لا ياعسل ما توقع فتحت

[Twix~}..]

صيانه مااادهـ حلوووهـ وعمليهـ بالعكس تغيري شوويا عن النظري ..

بس ممكن تاخذي مراهقة وشباب مع استاذهـ تغريد اذا حتكووون لسا موجودهـ ماحترجع تاني لكليتها .. مرآآ كتير من صحباتي مدحوووها وانا افكر اخذها دي السميستر ..

في اكثر من مادهـ بس الفيووز عندي ضااااربهـ مرآآآ تعب دي الايام .. انتي شوفي المواد واهم شي الاستاذات واذا غيرتي مادهـ تانيه قوليلي واقولك رأي فيها .. ولا يهمك يا عسسسله ..

اقتصاديات انا افضل انك تغيريها بشي تاني لانو مرآآ حيكون ضغط عليكي ممكن تبدليها بمادهـ حرهـ زي صحهـ نفسيه لانها سهله وخفيفه ..

[صابره على الحياة]

ممكن تكتبوا رمز المواد لاني مو عارفة اسوي الجدول

[Twix~}..]

^^

ادخلي على الخطة الدراسيه وخودي رمز كل ماده ..

[°» Dior«°]

Twix~}..
مرررره شكرا ربي يوفقك :)
وتسلمي والله ماتقصري وسلامه فيوزك ياعسل

:)

[°» Dior«°]

صابره ع الحياة

ElEC 302 مقرر الاختياري ( يتضمن الصيانه , ومراهقه الشباب ....الخ )
HHM 320 اداره مشروعات الخاصة
HHM 321 العلاقات الاسرية
HHM 322 اقتصاديات الأسرة وترشيد الاسته
ISLS 301 الثقافه الاسلاميه 3
HHM221 الادوات والاجهزه المنزلية

اذا تبغى المواد التانية افضل تدخلي الاوديس>ومنها >ع الخطه الدراسية للقسم