مين درست ماده سيره نبويه مع أ.خديجه الغامدي

[N O R E T A]

السلام عليكم

طبعا الموضوع باين من العنوان

افكر انزل ماده سيره نبويه .. اعتقد رمزها hist 221 صح ؟

مافي شعب الا مع استاذه خديجه

واللي مخوفني انو قليل البنات اللي عندها

مين درستها الاستاذه وكيف شرحها ؟ ونوع اسئلتها ؟

[سسسعاده..]

لا تخافي انا حضرت معاها اول مره يوم الثلاثاء مررره طيبة

وهادية, تحضر واللي تغيب اكثر من 6 مرات حرمان بس

توكلي على الله واضيفي المادة

والملزمه عند نعمات :)

[N O R E T A]

نزلت الماده :) يعطيكي العافيه

بنات مين تعرف اسم الكتاب ؟ ابغى اشترييه اليوم ان شاء الله

[سسسعاده..]

الكتاب تلاقيه عند مكتبه العلمي ب 25

اسمه مختصر سيرة الرسول او مختصر السيرة النبوية << مافيني اطلع الكتاب واتاكد

وفية كتاب ثاني بس ما اخذت اسسسمه

[N O R E T A]

من جد في كتاب ثاني ؟؟
اممم ممكن تقوليلي ايش قالت بضبط بأول محاضره ؟
ايش حكايه الملزمه حقت المحاضره الاولى وايش حكايه الكتاب الثاني
وكيف قسمت الدرجات

[ورد الجوري""]

شوفي يا حلوة احنا اشترينا ملزمة من عند نعمات >>طبعا احنا مع الخيل يا شقرا شفنا البنات يشترون وشرينا.
طلعت الملزمة مو لنا هي تبغى كتاب زي ما قالت لك سسعاده والثاني ماادري وش هو بس اعتقد انه عن الخلفاء الراشدين
توزيع الدرجات عندك اختبارين من 25 طبعا صارت 50 و10 درجات على الحضور والتكاليف اللي هي واجبات تطلبها علينا وان شا الله اكون افدتك
بالتوفيق للجميع

[غلاتى غير]

يابنات العربى احد اضاف ماده السيره النبويه لان فيه بنات اضافوها والماده مو موجوده فى الخطه كيف راح يحسبون الساعات وماعندنا مواد عامه كلاها اخذناها الى فاهمه تفيدنى بليز

[اموووووره]

بالتوفيق

[سسسعاده..]

غلاتي غير

انا مو عربي بس هذي ماده حره يعني ماتكون موجودة في الخطة انتي تختاري اي ماده تكون من قائمة المواد الحره اللي ينزلها القسم اللي انتي فيه