جدولي !! , مساعده ضروريه بليييز

[Bos Bos]

السلام عليكم
الحمدلله رجعت لتخصصي القديم اقتصاد
وح اضطر اخذ المواد العامه السمستر هذا


المواد اللي بروح بكره اكلم مرشدتي فيها

اقتصاد كلي
تحليل كمي 2
نقود وبنوك
مبادئ محاسبه 102
ماليه عامه أو تحليل اقتصاد جزئي

ابغاكم ترشحون لي الافضل
وبسألكم نقود وبنوك ومالية عامه عملي ولا نظري ولا كلهم سواء ؟؟؟؟؟

بالنسبه للأستاذات لين ذحين الشعب مانزلت عليها اسماء مره متنرفزه ومتوتره
ماعندكم علم او سألتو متى ح تنزل ؟؟؟

انا قلت باخذ محاسبه مع رغدا الرملي
وتحليل كمي مع نسرين بنوي لو نازله عندها !!

يعني هي افتراضات من راسي ماعدا المحاسبه ودي اخذه مع رغدااء

رشحولي بليز اسماء استاذات + ترتيب جدولي بحيث انو مايكون فيه ضغط عليا ويرتفع المعدل
بالمناسبه انا منزله عربي 102 في جدولي من قبل ماأحول بس باقيلي مواد تخصصي
جزاكم الله خير

[أبــــرار]

اقتصاد كلي متطلب لماليه عامه و نقود وبنوك

اقتصاد كلي مع ايمان حسن

محاسبه ريم صقر و رغداء و ساره

[Bos Bos]

يعني ماينفع اخذهم مع بعض؟؟
طيب اقتصاد جزئي متطلب لكلي وجربت انزلهم الاثنين بالجدول وزبطو
فكرك ينفع لو عملت كذا؟؟

يعطيك العافيه ماقصرتي

[أبــــرار]

ايوه ان ما اخدتي الجزئي خديه و خدي الكلي معاه

تنزل الاتنين سوا بترم واحد

الله يوفقك =)

[احلاهم واتحداهم]

اقتصاد جزئي وكلي مو متطلب لبعض نزليها مع بعض عادي

[توتو غير]

محاسبه 102 مع امال عوض جداااااا راااااااااااائعه ((تضمني معاها a)) أخذت معاها 101
تحليل كمي 2 أخذته مع سوزان ابو العينين للأمااانه هذي الاستاذه تخرجي من الكلاس وانتي فاااهمه والمادة معاها كأنها لعبه مع ان البنات خوفوني منها ..
والباقي ما اقدر افيدك ما أخذتها..
بالتوفييق

[Bos Bos]

بنااات

يضر لو نزلت مادة ادارة اعمال دولية واخذتها من المستوى الثامن :/
لان مالية شركات وتسويق نازلين مع نعيمة بوقري و خديجه حريري

وانا مابغى معاهم
فـ قلت انزل ادارة اعمال دولية مع خديجه ضباب
اخاف يأثر على وضعي او شي
بليز جاوبوني من جد قرفت استغفر الله :(

[..{ اسكــادا]

ما أظن يأثر أنا جربت قبل كذا وأخذت مواد من المستوى الثامن

خصوصا إنو مالية وتسويق مو متطلب لمواد ثانيه

بس حاولي تخلصي مواد تخصص الاقتصاد أول خصوصا المتطلبات زي تحليل كمي2 واقتصاد كلي وتحليل جزئي

اقتصاد كلي متطلب لتحليل اقتصاد كلي وتحليل اقتصاد كلي متطلب لرياضي وقياسي وقياسي متطلب لبحث وتدريب
ونفس الشي تقريبا لتحليل جزئي

والله يعينك ويوفقك :)