سؤال خاص للبنات

[احلى بنوتة]

هااااااي....؟؟

عندي سؤال وله 3 اختيارات كل وحده تختار واحد وتقول سبب اختيارها له ....

اذا جاكي 3 عرسان واحد غني والثاني جميل والثالث فقير... منو تختارين؟؟
1-الغني.
2-الجميل.
3-الفقير.




تحياتي....

[bent mankoosha]

على حسب دينه و تربيته و اخلاقه

[eminem lover]

سوري احلى بنوته ادري اني ملقوف
بس من جد ليش ماسئلتي ولا حطيتي الدين والخلق من الاختيارات

[wizard]

شوفي.. بصراحة انا مح اقولك حأرتبط بواحد لازم يصلي الخمسة في المسجد ولا يختم القران كل اسبوع
ولا اقولك حأرتبط بواحد فله ومضيع
في شي اسمه دين لوحده وفي شي اسمه اخلاق لوحدها
والاتنين يكملوا بعض وانا اتمنى ارتبط بواحد يخاف ربنا وعنده اخلااااااااااااق
اما قصة الحلاوة والوحاشه فدا ما يفرق عندي ابدا لكن يكون مقبول يعني متلا مايكون في شي منفر جدا
اما الغنى والفقر دي ارزاق من عند ربنا لكن لازم اعيش في نفس المستوى الي بابا عيشني هوا مو اقل

تحياتي

[NooDy]

ولا واحد ,, ازا ماعنده اخلاق ودين ..

يعني ماتجي شكله عادي جدا , وظروفه الماديه عاديه جدا , مع اخلاق ودين ورجوله احلى ؟؟

[alol]

اذا انعدمت الاخلاق و الدين كيف راح تستمر العلاقة الزوجية طبعا لا يمكن ارتبط باي و احد فيهم

لان الاخلاق و الدين لم تكن في الاعتبار

[أندر.COM]

شوفي يا ستي اخلاقه وتربيته ودينه اهم شي
بس ترا الجمال والمال كمان ما يقلو عنهم يعني مثلا لو ارتبطت بواحد متدين واخلاق بس وحشششششش اظني ممكن انتحرررررررررررررر وبالعكس الشي دا راح يخليني اندم مستقبلا وممكن افكر اسوي شي غلط ...
وبنفس الوقت لو اخدت واحد متدين واخلاق برضو بس فقييييييييييير ايش اسوي انا في عمري اقعد اصرف عليه مثلا ؟؟؟؟
انا اعتقد انو في الوقت الحاضر صار الاهتمام بالظاهر يعادل الاهتمام بالباطن او بالجوهر انا لا اعني الحكم ميه في الميه على الظاهر ولكن اقصد انو لايقل هذا عن ذاك في الاهميه ..........
هذا ودمتم

[Taurus]

أوكي زي ماقالوا أهم شي دينو و أخلاقو ...
بس إذا كانوا التلاتة على مستوى واحد من الدين و الأخلاق معليش حآخد الحلووو...
الجميل يعني ...

عشان الفلوس تروح و تجي ...
و الي ماعندوش النهاردة يبأى عندو بكرة ...
شكرًا أحلى بنوتة عل الموضوع و اسمحيلي أنقلو لمنتدى المرأة لأنو الأنسب ليه..

[Biba]

المشاركة الأصلية كتبت بواسطة wizard شوفي.. بصراحة انا مح اقولك حأرتبط بواحد لازم يصلي الخمسة في المسجد ولا يختم القران كل اسبوع ولا اقولك حأرتبط بواحد فله ومضيع في شي اسمه دين لوحده وفي شي اسمه اخلاق لوحدها والاتنين يكملوا بعض وانا اتمنى ارتبط بواحد يخاف ربنا وعنده اخلااااااااااااق اما قصة الحلاوة والوحاشه فدا ما يفرق عندي ابدا لكن يكون مقبول يعني متلا مايكون في شي منفر جدا اما الغنى والفقر دي ارزاق من عند ربنا لكن لازم اعيش في نفس المستوى الي بابا عيشني هوا مو اقل تحياتي

هوا دا الكلام اللي كنت ابغى اقولو بالزبط....

[تووته زغنطووطه]

كلو يكمل بعضو...

.بس المهم انو يكون ابن ناس ويخاف ربناواحوالو طيبه ومايكون مره وحش...

وشكرا احلى بنوته على موضوعك الحلو :)