بنات فرع الفيصلية

[memo0o 02]

السلام عليكم

كيفكم يا بنات

حبيت اسأل عن الدكاترة مين احسن دكتورة تدرس هادي المواد يعني تنصحوني عند مين انزلها


cpit 211
cpit202
stat 210
cpit 201

[بيان عبدالرحمن]

أهلا بالمستجدات ❤❤
بالنسبة نظرية الاحتمالات في دكتوره زكيه و دكتوره فاتن انا درستها مع دكتوره زكيه أخلاقها مرا حلوه و الدرجات احلى و أحلى
أساليب الكتابه العلمية برضو أستاذين ا/شهد و ا/غاده أبدا أبدا التفكير تأخذيها مع أستاذه غااااده 😡😡😡
الحوسبة مع أستاذه سمر البلادي جججججدا حبوبه و اسئله جميله 😍😉
البرمجه انا اخدتها مع أستاذه فاطمه بالعمش لكن للأمانة في بنات ماكانو يفهمو من شرحها ويفضلو أستاذا غيرها

[Monadh]

نظرية الاحتمالات في استاذة داليا بوقس شرحها مقبول بس اسألتها شوية صعبة
والاساليب في استاذة ميعاد مرره حبوبة ذي الاستاذة وتراعي كثير واسألتها اسهل منها مافي
والبرمجة في استاذة اريج مرره شرحها ممتاز واسألتها حلوة بس شوية شديدة في الدرجات
ومقدمة حوسبة في استاذة ايناس تقريبا حلو شرحها لكن اسألتها موحدة مع الاستاذات الباقيات
واتمنى اكون افدتك

[iNada]

مممم ما أعرف لو عندنا دي المادتين : cpit 202 , cpit 211
بحثت عنهم و ما لقيت ^^

عموماً

دا جدول سويتو لمواد الترم الجي :

مقدمة حوسبة cpit 201 الرقم المرجعي : 24176

تدرسها : أستازة حنين الأحمدي ، يقولو كويسة بس ما درستني ، درستني أستازة سمر البلادي و كانت جممميلة جددا
شرح مررة ممتاز و أسئلة سهلة
المادة سهلة في البداية بعدين يكون فيها شوية حفظ

أساليب الكتابة العلمية cpit 221 الرقم المرجعي : 24185

تدرسها : أستازة شهد الأهدل ، ع دفعتنا كانت تدرس أستازة شهد و أستازة غادة
بنات أستازة شهد درجاتهم مرره حلوة ما شاء الله و يقولو كانت مررة طيبة و أسئلتها حلوة
أستازة غادة مررة كويسة بس دقيقة في التصحيح شويتين
المادة حفظها كتير شويا و حتسوي بحث في النهاية ف لا تراكميها ع بعض

برمجة 1 cpcs 202 الرقم المرجعي : 24165

تدرسها : أستازة فاطمة بالعمش ، درستني برمجة 1 برضو كانت لطيفة بس عموما أنا أفضّل
أستازة أريج في شرح أي شيء يتعلق بالبرمجة
المادة جدددددددا سهلة بس ركزي فيها شويتين

نظرية احتمالات stat 210 الرقم المرجعي : 20795

تدرسها : أستازة داليا بوقس ، يقولو كويسا بس تحتاجي تزاكري بنفسك أكتر
ع دفعتنا كانت : أستازة فاتن و أستازة زكية ، كانو الاتنين كويسات و أسئلتهم سهلة
و النهائي كان موحد
عموما المادة سهلة لا تخافي منها

فيه تعارض بين نظرية الاحتمالات و سكشن/لاب البرمجة
تقدرو تكلمو الشؤون يغيرولكم موعد السكشن/اللاب هوا التعارض في يوم الاربعاء الساعة 11-12:20
بس زنو ع راسهم و حيغيرولكم هوا في النهاية بحيث ما يكون فيه تعارض

تقدري تضيفي مادة عامة : عربي أو ثقافة و أنا أفضل الثقافة عشان تمشي ع الخطة مزبوط

الثقافة الإسلامية -1 - isls 101 الرقم المرجعي : 24505
اللغة العربية -1- arab 101 الرقم المرجعي : 24521

الثقافة و العربي ما يهم مين تدرسك عشان الاختبار الكتروني
10 درجات في يد الأستازة و ع حسب كل أستازة كيف تقسمها
عموما يقولولك في أول كلاس كيف نظامهم

بكدا يكون جدولك كامل و مرتب ^^

عموما عندنا نادرا ما تقدري تختاري أستازتك لأنو بينزلو لكل مادة شعبة
بالتوفيق ^^