تجمع طالبات مادة (محاسبة منشآت متخصصة) مع د.سحر الجبروني *جديد*

[حأقعد عالكاشير]

بيبا
التقارير ماتقرق معاها سنوية ولا أخرى
أهم شي انها تكون نسخة من كل كل قائمة من ذيك الاربعة

حروف البسمة
ياسكر انا خلصت كتابة المعالجات المحاسبية والتمرين
تبع محاضرة الاربعاء بس صحبتي لسى ماارستلي اوراق التامين اللي قلتلها دخليها بالاسكنر
فإن شاء الله على بكرة حأنزل المحاضرة كاااااااااملة بإذن الله :)

ربي يوفقنا جميعا

[BoBy]

المشاركة الأصلية كتبت بواسطة حأقعد عالكاشير بوبي بالله لاتسألي عن الاختبار جاب لي القهر حسيت يدي اتكسرت وانا اكتب وعلى قولك الحالات مررره ماعرفت اش اكتب وسويت زيك بالضبط وبالنسبة لشريفة أنا بدأت أقول انها والله كانت ارحم بكثيــــــــــــر بس خلاص لمن يفوت الفوت ماينفع الصوت بيبا بجد المصطلحات كانت عجيبة بالذات المصطلح الاخير جاب لي الهم مرررررره ماجا على بالي قال إيه (الكفاءة مدري الفعالية) وبالنسبة للبونس كلمناها آخر اليوم وهيا عند البوابة كنا مجموعة بنات قلنالها سويلنا بونس 5 درجات حق الصح والخطأ الزايدة طبعا على قولتها الشهيرة البهيرة ربنا يسهل ولمن جات الدكتورة حمدية قالت لها البنات طماعين بصي عايزين بونس خمس درقات ^^ المهم آخر شي قالت انا خميس وجمعة حأبدأ بمراجعة أصححها وحأعطيكم الدرجات يوم السبت عشان تعرفوا انو في بنات حلوا كويس وبجد مرررررررررررررره خايفة من الدرجات يعني احنا آخذين الصيفي عشان يرفع المعدل ماحنا ناقصين ينخسف زيادة ماتخافوش ربنا يسهل <<اتعديت خخخخ بالتوفيق بنات :)

ياويلي الدرجات السبت

اه ربنا يسهل ربنا يسهل

والله بنت الجبروني في منشآت مررره تمام لانها من زمان تعطي المادة
اما في مراجعه علينا العوض
يبغالنا احنا نقولها تجيب زي اسئلة شريفة صح وخطأ واختياري ومصطلح
شغل فلسفات كونك محاسب قانوني وخرابيط فاضية مش عايزين < تتشرط الاخت هع هع هع

يلا ربنا يسهل < عدوه فزيعه

[sara omar]

لا بجد ماتخفوش ربنا يسهل..

[حأقعد عالكاشير]

هههههههههههههههههههههههههههه
يقطع اوم العدوا ذي ههههههه
والله ضحكتوووني

يالله بجد ربنا يسهل
وعلى قولك بوبي
شغل الفلسفة هذا مرررره يبغالها تبطلو ولا رحنا وطي ^^

[عطرالورد]

السلام عليكم ورحمته الله وبركاته
الله يوفقكم وتكون درجاتكم حلوة ولا تشيلوا هم ترى أستاذة سحر تصحيحها حلو
ويللا عقبال الاختبار النصفي ان شاء يكون سهل بس الثاني محتاج سرعة منكم لان كان قيوده كثيرة
ولو في آي سؤال انا جاهزة ..
وشكراً

[حأقعد عالكاشير]

تسلمين عطوره عالتطمين
وبجد منهج النصفي يبغالو تفتيح دماغ مزبوووووط

الله يساعدنا وييسرلنا المواد ياااارب :)

[حروف البسمه]

ما اعطتكم واجب يوم الاربعاء ؟؟؟

[حأقعد عالكاشير]

حروف البسمة
لا مااعطتنا واجب أبدا


وسوووري بنات الاوراق اللي قلتلكم حتدخل بالسكنر ارسلتها صحبتي ولمن افتحها
يقولي الملف معطوب(خربان)
فأنا حأنزل المعالجة المحاسبية بس
والاوراق احاول اليوم اوديها المكتبة يسويلي هيا الرجال
بس مااضمن انزلكم هيا اليوم
يعني ممكن اليوم او بكرة إذا ربي يسر

بالتوفيق

[حروف البسمه]

الله يسعدك يا قمر كفيتي ووفيتي جزاك الله خير

[حأقعد عالكاشير]

سلاااااام ياحلوين


الحمدلله الأوراق وصلت "النظري لجزئية التامين "
وعشان الورق دخل بالإسكنر ماحقدر أتحكم فيه فاعذروني ع الخط صغنووووووون

وحتلاقو الملف وورد 2003