الـتدريب الميداني لقسم دراسات الطفولة (استفسارات , نصائح , تجارب )

[NAsAMt]

السلام عليكم ورحمة الله وبركاتهـ
كيفكم يا صبايا الطفولة إن شاء الله تكونوا بإحسن حال
طبعاً بما اني راح ابدأ التدريب هذا الترم عندي اسئلة كثيرة عن التدريب , بعض الاسئلة ماني لاقيه لها جواب وجاء في بالي انه افضل مكان لاسئلتي هو منتدى سكاو ان شاء الله



بإذن الله حيكون هالترم اربعة شعب للتدريب الجزء النظري تعطيه الدكتورة تغريد واما الجزء العملي حيكون الاستاذات رذاذ سلطان - هنادي الخطابي - غدير صفطة - اما الرابعة لم تحدد الاخبار تقول انها من برا الجامعة .

طبعا نبغئ من حبايبنا المتخرجات وكمان اللي لهم علاقة بالموضوع انهم يعطونا نصائحهم ويعرضوا تجاربهم .( سواء كانت ايجابية او سلبية )

استفساري هنا .. كيف حيكون التدريب ؟يعني هل نبدا على طول اصير معلمة للفصل !!! وكم حيكون مدته, وايش المطلوب مننا انا نعمله؟
وكمان اعطونا تجاربكم مع الاستاذات .

في النهاية اتمنى يكون الموضوع مصدر مفيد لجميع طالبات الطفولة وخاصة المتدربات

[ريم17]

اهلا اختي انا متخرجه من سنتين
التدريب فترة حلووه بالرغم انها فيها كرررف شوي بس فترة وتعدي ان شااااء الله بس شددي حيلك
بالنسبه للدكتورة تغريد اول مرا اسمع عنها انا اخذت التدريب مع دكتورة حنان باقبص ووالعملي مع ميساء اندرقيري
بالنسبه للتدريب كان اظن 8 اسابيع (كل اسوع 3 ايام احد واتنين وتلوت) اسبوع مشاهدة واسبوع معلمة ظل وبعدين اعتقد سرت معلمة اساسيه وكان معاي 2 من صحباتي يعني كنا 3 بنات بالفصل
طبعا المطلوب منا كان نسوي اثراء للفصل يعني قوانين واسماء الله الحسنى والالوان، ولوحة تاريخ وحضور وغياب ولوحة المهام ولوحة تعزيزكمان يقيموك ع 5 وسائل عملتيها لشرحك خلال فترة التدريب يعني مثلا لوحة عملتيها في الحلقة او قصه مسويتها بنفسك في اللقاء الاخير وكدا....
طبعا كنا نسوي استمارات للحلقة واللقاء والفني ع حسب الوحدة
واخر اسبوعين كان التقييم النهائي 15 درجه حلقة و15درجه فني و15 درجه لقاء اخير تحضر لك الدتورة او الاستاذه ويقيموك
وفي النهاية طلبت منا الدكتورة ملف لكل اللي عملناه بالتدريب ..(
طبعاا دكتورتكم تختلف عنا مااعرف ادا لسه ماشيين ع نفس نظامنا في التدريب ولاغيروا الخطه..
ولله الحمد والمنه انا خرجت ب 96 في التدريب ماشاء الله
وع فكرة انا محتفظة بكل حاجات التدريب أوراق واستمارات وصور اعمالي اذا حابه ابعتها على ايميلك بس ارسلي لي اياه ع الخاص

[ريم17]

وبالنسبه للأستاذات استاذه هنادي الخطابي مراا عسل انا مااخدت معاها تدريب بس صحباتي كانوا معاها ماشااء الله عليها مراا كويسه ..
وغدير برضوا مابها شي ورذاذ عسسسل مراا ، اما دكتورة تغريد اول مرا اسمع عنها ..

[NAsAMt]

ياشيخة اثلجتي صدري الله يسعدك كنت شايلة هم كبير بس الحمدلله شويه خف ان شاء الله ربنا يعيننا

[خلووود الشريف]

المشاركة الأصلية كتبت بواسطة ريم17 اهلا اختي انا متخرجه من سنتين التدريب فترة حلووه بالرغم انها فيها كرررف شوي بس فترة وتعدي ان شااااء الله بس شددي حيلك بالنسبه للدكتورة تغريد اول مرا اسمع عنها انا اخذت التدريب مع دكتورة حنان باقبص ووالعملي مع ميساء اندرقيري بالنسبه للتدريب كان اظن 8 اسابيع (كل اسوع 3 ايام احد واتنين وتلوت) اسبوع مشاهدة واسبوع معلمة ظل وبعدين اعتقد سرت معلمة اساسيه وكان معاي 2 من صحباتي يعني كنا 3 بنات بالفصل طبعا المطلوب منا كان نسوي اثراء للفصل يعني قوانين واسماء الله الحسنى والالوان، ولوحة تاريخ وحضور وغياب ولوحة المهام ولوحة تعزيزكمان يقيموك ع 5 وسائل عملتيها لشرحك خلال فترة التدريب يعني مثلا لوحة عملتيها في الحلقة او قصه مسويتها بنفسك في اللقاء الاخير وكدا.... طبعا كنا نسوي استمارات للحلقة واللقاء والفني ع حسب الوحدة واخر اسبوعين كان التقييم النهائي 15 درجه حلقة و15درجه فني و15 درجه لقاء اخير تحضر لك الدتورة او الاستاذه ويقيموك وفي النهاية طلبت منا الدكتورة ملف لكل اللي عملناه بالتدريب ..( طبعاا دكتورتكم تختلف عنا مااعرف ادا لسه ماشيين ع نفس نظامنا في التدريب ولاغيروا الخطه.. ولله الحمد والمنه انا خرجت ب 96 في التدريب ماشاء الله وع فكرة انا محتفظة بكل حاجات التدريب أوراق واستمارات وصور اعمالي اذا حابه ابعتها على ايميلك بس ارسلي لي اياه ع الخاص

اختي انا ابغى لو ممكن الله يسعددك 😢😢🙏🏼 واكون لك شاكره. واتمنى الرد ضروري. وكيف اتواصل معك عشان ترسليها لي 💔😭 و مشكووره الله يوفقك و يفتح عليك 😢😩❤️

[اريج 2]

المشاركة الأصلية كتبت بواسطة nasamt السلام عليكم ورحمة الله وبركاتهـ كيفكم يا صبايا الطفولة إن شاء الله تكونوا بإحسن حال طبعاً بما اني راح ابدأ التدريب هذا الترم عندي اسئلة كثيرة عن التدريب , بعض الاسئلة ماني لاقيه لها جواب وجاء في بالي انه افضل مكان لاسئلتي هو منتدى سكاو ان شاء الله بإذن الله حيكون هالترم اربعة شعب للتدريب الجزء النظري تعطيه الدكتورة تغريد واما الجزء العملي حيكون الاستاذات رذاذ سلطان - هنادي الخطابي - غدير صفطة - اما الرابعة لم تحدد الاخبار تقول انها من برا الجامعة . طبعا نبغئ من حبايبنا المتخرجات وكمان اللي لهم علاقة بالموضوع انهم يعطونا نصائحهم ويعرضوا تجاربهم .( سواء كانت ايجابية او سلبية ) استفساري هنا .. كيف حيكون التدريب ؟يعني هل نبدا على طول اصير معلمة للفصل !!! وكم حيكون مدته, وايش المطلوب مننا انا نعمله؟ وكمان اعطونا تجاربكم مع الاستاذات . في النهاية اتمنى يكون الموضوع مصدر مفيد لجميع طالبات الطفولة وخاصة المتدربات

انا الترم اللي فات تخرجت الحمدلله اول حاجه صحباتي لسى الترم دا تدريب ونازلين مع استاده هنادي بس للأسف انها راحت بعثه وسارو مع ميساء وغير كذا التدريب يكون غير كل دكتورة على حسب نظامها انا كنت مع دكتورة نجاة وهيا اللي من برا الجامعة بس اساسا هيا اخت دكتورة زين رئيسة القسم وهيا استاذة تدريب ومرات تدي مواد عملي ثانيه بس متفرغه للتدريب عشان كدا حتى مكتب مالها وكان نظامها معانا اول اسبوع معلمة مشاهده ونعبي الاستمارات وادتنا اسبوع زيادة عشان في بنات ما لحقو يخلصو الاستمارات كلها عشان المعلمات ما طبقو كل شي وقتها وبعدها سرنا معلمات ظل زي المساعدات للمعلمة الاساسية وبعدين تبدي معلمة فصل وبالنسبة للي مطلوب استمارات لكل اسبوع من اسابيع المعلمة الاساسية زي الاسبوع الاول انتي تاخدي حلقتين ولقاء اخير واركان تسوي استمارتين حلقة طبعا على حسب مواضيع الوحدة وكذا واستمارة لقاءاخير ووحدة اركان مع النموذج
وكذا كل شغلك استمارات التدريب متعب بس حلو صح تعبنا من كثر ما نقابل الكمبيوتر وشغل الاستمارات اللي ما يخلص بس تستمتعي في مره والله يوفقكم وكل الدكاترة كوسين بس انا نجاة ارتحت معاها