أبا استراحات كويسة شمال جدة !!

[الشيمآء]

بسم الله الرحمن الرحيم ..
السلام عليكم و رحمة الله و بركاته ~

كيف حالكم يا جماعة ؟ كويسين إن شاء الله :)

الله يسعدكم .. أبا أسماء استراحات شمال جدة ..
يعني عند البترجي .. قبلها شوية أو بعدها !

تكون مرتبة و سعرها معقول .. و لو مجربة يكون أفضل كمانت

شكرًا :) .

[آيس كريم بالتوفي]

إذا ح تعزميني ح أقول لك

[الشيمآء]

لا ما ح أعزمك
أمزح, كان نفسي أسوي الجمعة دي هيلمانة .. بس طلعت عائلية جدددًأ *_*

ما علينا .. دحين أبا قويعات - تصغير قاعة يعني - !!
يا ليت اللي تعرف عن أي وحدة في أي حتة من جدة ترد لي

شكرًا ..

[آيس كريم بالتوفي]

ح أقولك مع أني شايله ف قلبي عليكي

< لاياشيخـه .. احلفي

شوفي ياقلبي

بحثت بحثت وبحثت وشفت وحده تمدح استراحه عند الرحيلي تقول اسمها الدلال

أتمنى أكون أفدتك

موفقـــــــــــــــــــــه

[O-DODY-O]

انا مو عارفه تبي استراحه ولا قاعه ؟.؟؟؟

يعني هوا عشا ولا ملكه ولا خطوبه ولا ايش بالضبط؟؟؟

اذا تبغي استراحات حقت عشا في عند الرحيلي وعلى طريق المدينه مليان

واذا تبغي حقت ملك في الجوهره اللي عند الفردوس مره حلوه

[strawberry2]

*

عندك استرآحة الكيآآن

في وحدة وسط و الثآنية كبيرة

حضرت فيها حفلات كتييييير

مرة حلوة و مرتبة و مكانها في ابحر اعتقد

[Patricia]

انتي تبغي استراحة مناسبات / خطوبة وهالأشياء يعني ..؟؟؟

عموما عندك فرحتي بالصفا ، والمقصورة ، وأساير ..

وفيييه قاااعة بالروووضة صغيرة تشيل تقريبا 200 بس رااااقية جدا .. اسمها ليلة عمر لاتفوتك إذا خطوووبة ..

[بنت العسكري]

ممممم اذا تبغي استراحة للملكة (شبكة) يعني الشغلة فيها عروسة هههه,,عندك ديوانية الهيل و الليل جنوب قاعة فرح
مررررة حلللللللللوة انا سويت فيها الاسبوع اللي فات ملكتي..